Números 26:54 - Bible in Tzotzil de Chamula

⁵⁴ Ti bu vololic ta jujuchope, ja' ep ta xich'ic. Yan ti bu mu epicuc ta jujuchope, ja' mu sta ta xich'ic. Yu'un ti c'u yepal tsacal sbiic ta jujuchope, ja' jech yepal ta xich' ti sbanomilique.

Bible in Tzotzil de Chenalhó with Deuterocanon

⁵⁴ Ti bu ep iloc' ta atele, ja' ep chich' li yosilique. Ti bu mu'yuc ep iloc' ta atele, ja' mu'yuc ep chich' li yosilique. Ti c'u yepal iloc' ta atel ta jujuchope, ja' jech yepal chich' li yosilique.

Números 26:54 Iomraidhean Croise

Números 26:53

“Ti va'i yepal ta scotol ti viniquetic taje, ja' me ta xich'ic sparte osilic ti buch'utic laj yich' tsacanbel ti sbiique.

Números 32:3

—Chiquintao ava'iic ti xi ta xcalcutique. Ti banomiletic ti ja' smacoj ti Atarote, ti Dibone, ti Jazere, ti Nimrae, ti Hesbone, ti Elalee, ti Sebame, ti Neboe, xchi'uc ti Beone,

Números 32:5

Ja' yu'un un, mi lec ta xava'iique, ac'buncutic ti banomil taje yo' jech mu xatacuncutic jelavel ta jot uc'um Jordane.

Números 33:54

Tsots sc'oplal, ta yorail ta xaq'uelic ti c'alal ta xach'aquic ta stojol ti jujuchop yu'un ti nitiluletique. Yu'un ti buch'utic toj epic ta j'ech'ele, ja' jamal ta xich' ac'bel ti sbanomilique. Ja'uc ti buch'u jutebic no'oxe, lec no'ox sba ta xich' ti sbanomilique. Yu'un ti jujuvoc' yu'un ti jujuchope, ja' ta xich'ic ti c'u s'elan c'ot ti yorail yu'unique.

Números 35:8

Ti c'alal ja' yosil sbanomil stuquic ti israeletic ti ta xac'beic jteclumetic ti jvoc' levitaetique, yu'un ti jujuvoc' nitiluletique, xi s'elan sc'an ta spase: Ja' ep jteclumetic ta xac' ti buch'u smacoj epal osiletique. Jutuc no'ox jteclumetic ta xac' ti buch'u juteb smacoje.”

Josué 17:14

Ti snitilultac ti Josee xi bat yalbeic ti Josuee: —¿C'u cha'al jsep no'ox laj avac'buncutic ti jbanomilcutic ti bu c'ot yorail cu'uncutic ti c'alal bolemuncutic ta j'ech'ele, ti jech sva'anoj sba ti Dios ta jtojolcutique?

Josué 19:9

Ti c'u yepal banomil laj yich'ic snitilultac ti Simeone, oy ta yutil yosilal ti Judae, yu'un mu albajuc yepal ti yosil yich'ojique. Laj yich'ic snitilultac ti Simeón ti banomil taje.