Números 26:53 - Bible in Tzotzil de Chamula

⁵³ “Ti va'i yepal ta scotol ti viniquetic taje, ja' me ta xich'ic sparte osilic ti buch'utic laj yich' tsacanbel ti sbiique.

Bible in Tzotzil de Chenalhó with Deuterocanon

⁵³ “Ti c'u yepal i'och ta vun sbiic li viniquetique, ja' me jech chich' voc'bel li yosilique.

Números 26:53 Iomraidhean Croise

Génesis 12:2

Yu'un ta sventa ti anitilultaque, ta xlic c'oticuc cu'un ta jun muc' ta lum. Ta jts'uiltasot yo' jech ich'bilot ta muc' ta xac'ot, ja' sliqueb c'uxubinel ta xac'ot yu'unic ta sventa ti yane.

Génesis 12:7

Ti bu taje, laj yac' sba iluc ti Diose, ti xi laj yale: “Ti banomil li'e, ja' ta xcac'be yich' ti anitilultaque.” Va'i un, ti Abrame laj sva'an jun altar ta sventa yich'obil ta muc' ti Diose, yu'un laj yac' sba iluc ta stojol.

1 Crónicas 16:18

ti c'alal xi laj yale: ‘Ta xcac'bot ti banomil Canaane, ta xavu'nin ti ta xc'ot ta arextoe.’

Salmos 105:44

Slumalic ti yan muc'tiquil lume, ac'bat yu'ninic, xchi'uc slubel xchamel yoc sc'obic ti yan jteclumetique.

Salmos 49:14

Macbilic ech'el yu'un yajval lajebal ti jnaclejetic taje, co'ol s'elan junuc jq'uel-chij tuc' ta x'iq'ueic batel ta smilobilic jech c'u cha'al junuc ti chije. Ti ta yoc'omal une, tsalbil ta xc'otic yu'un ti buch'utic lec sjol yo'ntonique; yacal ta tsutsel ech'el ti yip smuc'ul stsatsalique, ta xc'ot ta snaic ti muquinale.

Ezequiel 47:22

Ja' ta xc'ot ta arextoic xchi'uc ti jyanlumetic nacalic ta atojolic ti oy xa yalab xnich'nabique. C'otuc ta avo'ntonic ti voq'uem xa ta Israele. C'alal ta xach'acbe abaic osil jujuchop snitiluloxuc Israele, ac'beic xrextoic ec.

Daniel 7:27

Ti spasob mantale, ti jelavem xu' yu'une, ti yutsilal slequilal ti oy ta scotol pasob mantaletic li' ta banomile, ja' ta xlic ac'batuc ta yoc ta sc'obic steclumal ti Dios ti oy ta toyole. Mu'yuc stsutseb ti jech ta xchoti ta pasob mantale. Yu'un scotol ti jteclumetic ta banomile, ta xac' sbaic ta tunel ta stojol. Ta xch'unbeic ti c'usi ta xale.”

Números 26:52

Ti Diose xi laj yalbe ti Moisés ti c'alal laj sc'opon talele:

Números 26:54

Ti bu vololic ta jujuchope, ja' ep ta xich'ic. Yan ti bu mu epicuc ta jujuchope, ja' mu sta ta xich'ic. Yu'un ti c'u yepal tsacal sbiic ta jujuchope, ja' jech yepal ta xich' ti sbanomilique.

Números 33:54

Tsots sc'oplal, ta yorail ta xaq'uelic ti c'alal ta xach'aquic ta stojol ti jujuchop yu'un ti nitiluletique. Yu'un ti buch'utic toj epic ta j'ech'ele, ja' jamal ta xich' ac'bel ti sbanomilique. Ja'uc ti buch'u jutebic no'oxe, lec no'ox sba ta xich' ti sbanomilique. Yu'un ti jujuvoc' yu'un ti jujuchope, ja' ta xich'ic ti c'u s'elan c'ot ti yorail yu'unique.

San Mateo 5:5

“Yan yutsil ti buch'utic ta sbic'tajes sbaique, ta x'ac'bat sventainic ti banomil ti yaloj ono'ox ti Dios ta xaq'ue.

Josué 1:6

Tsotsan un cha'e, mu xatsiq'ues avo'nton. Yu'un abainoj ta xch'acbel sbanomil ti lum li'e. Yu'un ja' xrexto osilic ti laj jva'an jba ta yalel ta stojol ti smolmuc'totic laj ech'icuc ta vo'nee.

Josué 11:23

Va'i un, c'ot me ta pasel ti laj yu'nin scotol banomil ti Josuee, ti jmoj c'ot ta pasel scotol jech c'u cha'al albil yu'un Dios ti Moisese. Laj taj une, lic xch'acanbe ta jujuvoc' snitilultac ti Israele yo' ta xc'ot ta xrextoic. Ti jech c'ot ta pasel taj une, ts'acal to un, lamaj ti c'op ta sbejel banomil ti bu taje.

Josué 14:1

Ti li'e, ja' ti banomil Canaán ti laj yich'ic ti israeletic jech c'u cha'al ac'batic yu'un ti pale Eleazare, ti Josuee, xchi'uc ti banquilaletic yu'unic jujuchop ta jujuvoc' snitilultac ti Israele.

Apocalipsis 21:27

Ti bu taje, laj c'op ta x'och batel ti c'usi chopole, ti buch'u oy c'usi chopol ta spase, ti jlo'lavanejetique. Ja' no'ox ta x'ochic batel ti buch'utic tsacal ti sbiic ta jpoc vun sventa cuxlejal ti oy ta stojol ti jcot ta Uni Chije.

Apocalipsis 5:10

Ta aventa li'ochcutic ta ajvalil, ta paleal ta stojol ti Dios cu'untique, xchi'uc ta spasel mantal ta banomil.”