Números 24:9 - Bible in Tzotzil de Chamula

⁹ Yu'un xi s'elan ti c'alal xach'al ta xcuxique, co'ol to s'elan junuc jti'oval león yilel: mu'yuc buch'u uni xit'an no'ox xa'i sba ta xnopaj ta stijbel ti svayele. C'uxubinbiluc ec ti buch'u ta xc'uxubinote. Bisatuc ta cotol chaval ya'i ti buch'u ta sbisot ta cotol chavale.”

Bible in Tzotzil de Chenalhó with Deuterocanon

⁹ C'alal ta xmochi chcux yo'ntone, ja' jech chac c'u cha'al jun león ti mu'yuc boch'o tsc'an tstije. Ac'o sta bendición li boch'o chasc'anbot bendicione. Ac'o sta svocol li boch'o tsc'an ac'o ata avocole”, xi li Balaame.

Números 24:9 Iomraidhean Croise

Génesis 12:3

Ti buch'utic lec ti c'usitic oy ta ye ta sti'ic ta atojole, naca c'uxubinel oy ta que ta jti' ta stojolic ec. Yan ti buch'utic naca chopol ti c'usitic oy ta ye ta sti'ic ta atojole, oy ta que ta jti' ti chopol sc'oplalic cu'un eque. Yu'un ja' ta aventa ta staic c'uxubinel ti lec que jti' ta stojol ta jujuchop scotol ti jnaclejetic ta banomile.”

Génesis 27:29

Ac'o yac' sba ta mosovinel ta atojolal ti epal jnaclejetique, ti quejeleticuc ti muc'tiquil lum ta atojolale. Ventaino ti achi'iltaque, ti quejeleticuc ta atojolale. Ti buch'u ta sbisot ta cotol chavale, ja' no'ox jech ta xich' sbisel ta cotol chaval ec, ti buch'utic ta xc'uxubinote, ja' no'ox jech ta xich'ic c'uxubinel ec.”,

Génesis 49:9

Ti vo'ote, cuni nich'on Judá, co'ol a'elan jech c'u cha'al ch'in jti'oval león ti xi s'elan ta spas c'alal ta x'ech' yo'nton ta sti'el ti sve'ele: xlubet xa batel, xba spatan sba ta lumtic jech c'u cha'al muc' ta jti'oval león. ¿Buch'u la xu' yu'un ta xnopaj ta yilbajinel?

1 Reyes 10:20

Ta jujucoj tec'obal xtoque, cotajtic lajcha'cot sloc'ol león, ti jujucot cotajtic ta jujujot sti'il ti tec'obale. ¡Mu'yuc buch'u yan ajvaliletic smeltsanoj co'ol sba ti va'i s'elan taje!

2 Crónicas 9:18

Ti muc' ta chotlebale, ta svac-cajal to tec'obal oy, xchi'uc oy stec'ob acanil ti meltsanbil ta oroe. Yich'oj scaj c'obal ta jujujot xocon ti chotlebale, ti cotajtic cha'cot sloc'obbail león ta sts'ele.

Ester 6:13

Ti c'u s'elan c'ot ta pasele, laj xchapbe ya'i ti yajnile, xchi'uc scotol ti c'u yepal lec xil sbaic xchi'uque, ti xi albat yu'une: —Ti mi judio vinic ti Mardoqueo ti buch'u laj xa yac' bic'tajuc ac'oplale, mu xa ono'ox stsal avu'un. C'ajomal no'ox net'bil ta xac'ot yu'un ta j'ech'el.

Job 41:10

Mi oy buch'u ta sa'be sjole, ta xcap sjol ta j'ech'el, mi ja'uc oy buch'u xu' ta stsal yu'une.

Salmos 122:6

Ta sjunuluc avo'ntonic xachi xavalique: “Lamajuc ti c'op ta atojolale, Jerusalén. Junuc yo'nton cuxiicuc ti buch'utic mu jipbaj ta xa'iique.

Salmos 2:12

Xi'tabiluc avu'unic ti nijil chimiloxuc ta stojole, yu'un mu ta vocoluc ta xlic sc'ac'al yo'nton ti ta xac'otic ta lajel yu'un mi ilin ta atojolique. Ja'uc ma' ti buch'u ta sa' spojelic ta stojole, xmuyubajic no'ox ta j'ech'el.

Éxodo 23:22

Yan ti mi j'ech'el ta xach'unbeique, ti mi ta xapas scotol ti c'usi caloje, ta jva'an jba ta scontrainel ti avajcontrae, ta xi'ilin yu'un ti buch'u ta xayilbajinote.

Isaías 31:4

Ti Diose xi laj yalbune: “Ti león ti laj xa smil jcotuc ti chije, ma'uc ma' ti tsacbil xa ta xi'el yu'un ti jq'uel-chijetique, manchuc mi ta svol sbaic ti x'avlajetic xa ta sibtasele. Ja' jech ta xvul ta loq'uel ti Dios ti scotol xu' yu'une yo' jech ta spoj ti steclumal ti oy ta vits Sione.

Miqueas 5:8

Ti jech volibil ta epal muc'tiquil jteclumetic ti c'u yepal scomelal sts'unubal ti Jacobe, ta xc'ot ta pasel yu'unic ti co'ol to s'elan jcot ta león ta stojol ti te'tical chon bolometique, ti co'ol to s'elan jcot león ta stojol ti chijetique, yu'un ti c'alal ta x'ech' ta stojole, ta sbal ta lilinel ta j'ech'el, ti mu junuc cuxul ta xicta comele.

Números 22:12

Va'i un, ti Balaame xi albat yu'un ti Diose: —Mu xachi'in ech'el ti viniquetic le'e. Mi ja'uc xac'anbe slajel stubelic ti lum taje. Yu'un ti lum taje, laj xa jva'an jba ta stojolic.

Números 22:6

Mu xajalij, la' ta anil no'ox. La' c'anbo slajelic stubelic ti lumetic ta jventae. Yu'un toj ech'em tsotsic ti stuquique, ja' mu sta ti vu'uncutique. Ja' to nan jech tsalbil ta xc'ot cu'un ti ta jnuts loq'uel ta jteclume. Yu'un mi slajelic stubelic ta xac'an, mi xc'uxubinelic ta xac'an, jna' lec ti ta ono'ox xc'ot ta pasel avu'une.”

Números 23:24

Yu'un ti jteclum le'e, co'ol s'elan jcot jti'oval león ti syolinoj sba talele, mi ja'uc spajes sbaic ja' to ti c'uxi laj sbal ta ti'el ti sve'ele, ti ta xuch'be xch'ich'el ti smilbene.”

Números 24:10

C'alal jech laj ya'i ti Balac ti va'i s'elan taje, ep soc sjol ta j'ech'el. Xt'axolan xa ta majel liquel sc'ob ti xi laj yalbee: —Laj quic'ot talel li'e yo' jech ta xac'anbe slajel stubel ti jcontrae. Yu'un avi tana le' une, yoxibal xa velta ti laj ac'anbe ti slequilal yutsilale.

San Mateo 25:40

Ti vu'un Ajvalilune xi ta jtac'beique: ‘Ta xcalboxuc ava'iic ta melel, ta sventa ti laj ac'uxubinic ti jun jchi'ile, ti peq'uel yuni c'oplale, vu'un laj ac'uxubinicun.’

San Mateo 25:45

Ti vu'un Ajvalilune xi ta jtac'beique: ‘Ta xcalboxuc ava'iic ta melel, ta sventa ti mu'yuc laj ac'uxubinic ti achi'ilique, ti peq'uel yuni c'oplalique, vu'un mu'yuc laj ac'uxubinicun.’

Hechos 9:5

—¿Buch'uot, Yojtot? —xi laj sjac' ti Sauloe. Xi laj stac' ti Buch'u ta xc'opoje: —Vu'un Jesusun, ti Buch'u avac'ojbe yipal ta snutsele. Yacal ta xayayijes aba jech c'u cha'al vacax ti ta syayijes sba c'alal ta slic ta teq'uel ti yabtejebe.

Deuteronomio 30:7

Ti Ajvalil Dios avu'unique ta slamanbe ta sbaic ti bac vocol ta stojol ti avajcontraique, xchi'uc ta stojol ti buch'utic ta sc'ac'al yo'nton laj snutsoxuque.