Números 24:8 - Bible in Tzotzil de Chamula

⁸ Yu'un ti Dios ti laj sloq'ues talel ta Egiptoe, ja' c'otem ta jpojvanej yu'unic ta xa'iic jech c'u cha'al ta spoj sba xchi'uc xulub ti te'tical vacaxe, ja' ti bufalo sbie. Yu'un ti israeletique ta stsalic ti muc'tiquil lum ti ja' scontraique, ta sc'asbeic ti sbaquile, ta syayijesic ta syolobic xtoc.

Bible in Tzotzil de Chenalhó with Deuterocanon

⁸ Li Dios ti iloq'uesatic tal ta Egipto yu'une, ja' stsatsal yo'ntonic c'otem, jech chac c'u cha'al vacax ti ja' spatoj yo'nton yu'un li xulube. Li Israele ta stsac sti' li muc'tic lumetique, ja' li yajcontrataque. Ta xvoch'be c'alal ta sbaquil; ta smil ta flechaetic.

Números 24:8 Iomraidhean Croise

Salmos 2:9

Co'ol a'elan junuc taq'uin vaxton ta xatsutses ti ajvaliletique, ti stuc slilijemal busul ta xcom avu'un jech c'u cha'al ti lumal binetique.”

Salmos 21:12

Bijil satibil ech'el avu'un xchi'uc ti ayolob ti ta xjatav loq'uel avu'une.

Salmos 45:5

Ta sventa ti ts'apal ta xc'ot ta yo'ntonic acontratac ti ts'ubajtic sni'tac ti ayolobtaque, jech o xal un, ajvalil, naca xyal no'ox ta lum ta avoc ta ac'ob ti jteclumetique.

Salmos 45:6

Ti ventainel avu'une, Ch'ul Dios, sbatel osil, ti naca lequilal tuq'uilale.

Éxodo 23:22

Yan ti mi j'ech'el ta xach'unbeique, ti mi ta xapas scotol ti c'usi caloje, ta jva'an jba ta scontrainel ti avajcontrae, ta xi'ilin yu'un ti buch'u ta xayilbajinote.

Isaías 38:13

Sjunul ac'ubal, xi'avet yu'un ti sti'vanejale, ti co'ol s'elan jcotuc león ta xisvoch'bun ta ti'el ti jbaquiltaque. Yu'un c'ac'al ac'ubal, oy ti jvocol yu'une.

Jeremías 50:17

“Ti Israele, jech c'u cha'al jun ch'ayemal chij, nutsbil yu'un ti jti'oval leone. Ba'yel lajic ta ti'el yu'un ti ajvalil ta Asiriae. Ts'acal to un, ti'eic, nulbatic sbaquilic yu'un ti Nabucodonosor ajvalil ta Babiloniae.

Jeremías 50:9

Ta xcac' taluc jvoc' tsatsal viniquetic ta xliquic talel ta lumetic ta yolon ti yolon xocon sloq'ueb c'ac'ale, ti jun no'ox yorail ta svolic ta stsaquel ta leto ti lum Babiloniae. Chapalic lec ma' ti bu taje, ta xu'ninic un. Banquilal jletovajeletic, bu ta sbijil sati ech'el xchi'uc ti syolobe, mu stselbuj.

Daniel 6:24

Ts'acal to ec un, ti ajvalile laj yal mantal ti ac'o yich'ic iq'uel talel ti viniquetic ti buch'u laj sa'beic smul ti Daniele. Va'i un, jmoj laj yich'ic tiq'uel ochel xchi'uc yajnilic, xchi'uc xnich'nabic ta nail ch'en ti bu tiq'uil ti leonetique. Ja'uc ti stuquic une, mu to ta xc'otic lec ta yut ch'en ti c'alal xjipet no'ox talel ti leonetique. Ta jliquel no'ox lilinatic ta j'ech'el.

Números 14:9

Ti c'usi no'ox ta sc'ane, mu xatoy abaic ta stojol ti Diose. Ja' jech xtoc mu xaxi'ic yu'un ti jnaclejetic ta jteclum taje. Yu'un ti stuquique, co'ol s'elan jbej pan ti ta jxumel no'ox ta stsuts cu'untic ta ve'ele, yu'un mu'yuc yajpojelic. Ja'uc ti vo'otique, yac'oj sba ta jpojeltic ti Diose. ¡Mu xaxi'ic!

Números 21:5

Jech o xal un, lic sjolic ta scontrainel ti Diose xchi'uc ti Moisese, ti xi lic yalilanique: —¿C'u cha'al laj aloq'uesuncutic talel ta Egipto? ¿Mi yu'un tal amiluncutic ta sbajtical banomil ya'yel? Yu'un ch'abal xa ti ca'alcutique, mi ja'uc jve'elcutic. ¡Yu'un xtaet xa ta slajesel ta xca'icutic ti ve'lil ti mu'yuc smuile!

Números 23:22

Yu'un ti Diose laj sloq'ues talel ta Egipto, ti ja' c'otem ta jpojvanej yu'unic jech c'u cha'al ta spoj sba xchi'uc xulub ti te'tical vacax ti ja' bufalo sbie.

Números 23:24

Yu'un ti jteclum le'e, co'ol s'elan jcot jti'oval león ti syolinoj sba talele, mi ja'uc spajes sbaic ja' to ti c'uxi laj sbal ta ti'el ti sve'ele, ti ta xuch'be xch'ich'el ti smilbene.”

San Mateo 2:15

Comic ti bu taje ja' to ti c'uxi cham ti Herodese. Taje, ja' c'ot ta pasel ti xi laj yal ti Dios ta sventa ti yaj'alc'ope: “Ta xquic' talel ta Egipto ma' ti Jnich'one.”

Deuteronomio 32:23

Ta jlamanbe ta sba ya'iic scotol ti c'usi chopole; ta jlamanbe ta sba ya'iic scotol ti sni' jyolobtaque.

Deuteronomio 32:42

Ta jbon ta ch'ich' ti sni' jyolobtaque, ta xve' ta sbec'talic ti quespadae, ta jmalbe xch'ich'eltac ti buch'utic yayijemique, ti buch'utic tsacbilic ta chuquele, ti banquilaletic yu'un ti cajcontratac ti co'ol s'elan stsotsil león ti sjolique.’

Deuteronomio 7:1

“Ti Ajvalile, ti ja' Dios avu'unique, ta xac' ochanic batel ta lum ti bu ta xavu'ninique, ti xi s'elan ta xavilic ta aba ta asatic ta sjip loq'uel ti vucub muc'tiquil lume ti jelavem xu' yu'unique, ti ja' mu sta ti vo'oxuque: ti hititaetique, ti gergeseoetique, ti amorreoetique, ti cananeoetique, ti ferezeoetique, ti heveoetique, xchi'uc ti jebuseoetique.

Josué 2:10

Jna'cutic lec ti c'alal laloq'uic talel ta Egiptoe, ti Diose laj staquijesbe ya'lel ti Tsajal Nabe yo' jech ta xajelavic. Jna'cutic lec xtoc ti laj atsutsesic ta j'ech'el ti Sehone, xchi'uc ti Oge, ja' ti chib ajvalil yu'un ti amorreoetic ti oy ta jot uc'um Jordane.