Números 24:7 - Bible in Tzotzil de Chamula

⁷ Mu no'ox albajuc yepal vo' oy yu'un ti Israele yo' ta xuch'ic xchi'uc ta smaltaic ti sts'unubique. Ti Dios yu'unique ta stsal ti Agage, ti mu no'ox albajuc yepal ti ta svol ta maquele.

Bible in Tzotzil de Chenalhó with Deuterocanon

⁷ Li Israele oy ep vo' yu'un sventa chat'es li c'usitic sts'unoje. Li muc'ta ajvalil yu'une xjelov to jech xu' yu'un jech chac c'u cha'al Agag. Toj muc' li svu'el stsatsale.

Números 24:7 Iomraidhean Croise

2 Samuel 5:12

Va'i un, ti Davide lic sna' ti c'ot ta pasel ti albat yu'un ti Dios ti ta x'och ta ajvalil yu'un ti Israele, ja' stuc ta sva'an sba yo' jech ta x'a'yibat sc'op yu'un jteclum Israel ti c'u sjalil ochem ta ajvalilale.

1 Reyes 4:21

Ti Salomone, stuc no'ox c'otem ta banquilal ajvalil yu'un ta scotol ti ajvaliletic ti lic batel ta uc'um Eufratese, ti c'ot c'alal to yosilal ti filisteoetique, c'alal to ti bu oy sts'aquilal yosil ti Egiptoe. Scotolic ti jnaclejetique ta stojbeic ti patanetique, ti pasbilic ta mantal ti c'alal cuxul to ox ti Salomone.

1 Reyes 5:1

Ti Hiram ajvalil yu'un ti Tiroe, ti c'alal laj ya'i ti ac'bat xa snup yabtel ta ajvalilal ti Salomone, ti och xa ta xq'uexol David ti ja' stote, laj stac ech'el yajtuneltac, yu'un lec laj yil sbaic xchi'uc ti Davide.

1 Crónicas 14:2

Va'i un, ti Davide lic sna' ti ja' Dios stuc laj yac' ye ti c'ot ta ajvalil yu'un ti Israele, yu'un yantic stsac yip yabtel, ta x'a'yibat sc'op yu'un ti slumal Israel ti c'u s'elan ta spas mantale.

Esdras 4:20

C'ot ta pasel ta Jerusalén ti laj ech'uc ajvaliletic ti mu tsalbajuc ta c'ope, ti cuch yu'unic ta yu'ninel yosilalic ti jnaclejetic ti oy ta yosilal uc'um Eufrates ta yelov smaleb c'ac'ale. Laj sc'anbeic ti c'usi sc'an tojele, ti patanetique, ti c'usitic tsots sc'oplal sc'an tojele.

Ester 3:1

Ech' c'uc sjaliluc un, ti ajvalil Asueroe lic yac'be yich' cajal yabtel ti Amán xnich'on ti Hamedatae, snitilul ti Agage, ti c'ot ta banquilal yu'un scotol yaj'abteltac ti ajvalile.

Salmos 18:43

Laj apojun ta yoc sc'ob jun toyobba jteclum; li'och ta jun banquilal avu'un ta stojol ti muc'tiquil jteclume; ti jun jteclum ti mu xcojtiquinane, c'ot ta cajtunel avu'un.

Salmos 68:26

Acotolicuc, lequil-c'optaic ti Diose, ti c'otem ta Ajvalile. Lequil c'optaic vo'oxuc Israel ti li' vololoxuque.

Salmos 72:11

Squejanuc sbaic scotol ti ajvaliletic ta stojole. C'otuc ta yajtuneltac scotol ti muc'tiquil lumetique.

Salmos 89:27

Ta xcac'be yich' un, jech c'u cha'al oy sc'oplal ti ba nich'onile; stuc no'ox cajal ta xc'ot sc'oplal ta stojol ti yan ajvaliletic ta banomile.

Isaías 2:2

Ta slajebtic xa batel ti c'ac'ale, ta jbel sc'oplal ta xc'ot ta pasel ta vitstic ti bu va'al xch'ulna ti Diose, ti j'ech'el staoj yav va'al ta xcome. Stuc no'ox cajal ta xc'ot sc'oplal ti vitse, ti c'ajomal no'ox stuc cajal ta xc'ot ti sc'oplal ta j'ech'ele, ti ja' mu sta ti yan vitsetique, ti nab xiic ech'el scotol ti muc'tiquil lum ta stojole.

Isaías 30:25

C'alal ta xc'ot sc'ac'alil ti muc'ul milbaile, xchi'uc ti c'alal ta xyal ta lum ti nac'obbail ti lec xu' yu'une, buyuc no'ox xpumlajet chlaj tucuc loq'uel ti uc'um ta pimilal te'tique, xchi'uc ti ta toyol vitstique.

Isaías 48:1

“Ts'et chiquintao ava'i li'e, ti laliquic talel ta sventa sts'unubal ti Jacobe, ti avich'ojbeic sbi ti Israele, ti snitilulot ti Judá xtoque, ti ava'anoj ta rextico ti Diose, ti xavocolet ta stojol Dios yu'un ti Israele, ti mu'yuctic alequile, ti mu xava'ibe lec xchiquinale,

Isaías 9:7

Ta xchoti ta spasel mantal ti bu choti ti Davide; buyuc no'ox ta xpuc batel sc'oplal ti yich'oj tsots yabtel ta ajvalilale, mu'yuc xlaj sc'oplal ti lamajem ti c'op yu'une. J'ech'el ta xc'ot ta pasel ti tsots yabtel yich'oje; ti yictac yabtel ti bu stsacoj sba lec xchi'uque, ja' ti tuc' ta xchapanvane, ti ta stic' sba ta xchapel ti bu tsots sc'oplal avi tana le'e, jech o sbatel osil. Taje, ta xc'ot ta pasel ta sventa ti mu no'ox albajuc ayanem syail xc'uxul yo'nton ti Dios ti scotol xu' yu'une.

Jeremías 51:13

Jteclum Babilonia ti joyobtabilot ta muc'tiquil uc'ume, ti mu no'ox albajuc yepal ti ac'ulejale, ta xa xac'ot ta tsutsel. Ta xtub o ta j'ech'el ti ac'oplale.

Daniel 2:44

Ti c'u sjalil ta x'ech'ic ta ajvalilal ti ajvaliletic taje, ti Dios ti oy ta vinajele, ta xlic sva'an jun ajvalil ti mu'yuc buch'u xu' ta xliline yu'une. Mi ja'uc ta spase ta canal yu'un junuc ti yan muc' ta lume. Yu'un ti stuque, c'ajomal no'ox ta stsutses ta j'ech'el scotol ti yan ajvaliletique. Sbatel osil cuchem yu'un.

Números 24:20

Ts'acal to un, ti Balaame laj yil ti Amaleque, ti xi laj scaj'albe ti sc'oplale: “Ti Amaleque ja' jun jteclum ti tsots sc'oplale, ja' no'ox un, ta sta sc'ac'alil ti ts'ij xi ti sc'oplal ta j'ech'ele.”

San Juan 1:49

Xi laj yal ti Natanaele: —Jchanubtasvanej, vo'ot xnich'onot ti Dios un cha'e, Ajvalil yu'un ti Israele.

Apocalipsis 11:15

C'alal laj yoq'uisan yoq'ues ti yucubal anjele, vinaj ti oy buch'utic tsots ta xc'opojic talel ta vinajel ti xi ta xalique: “Laj sc'oplal ta xventainvanic ti ajvaliletic li' ta banomile, ja' xa ta xlic ventainvanuc ti Cajvaltic Diose xchi'uc ti Cristo yu'une, ja' xa ta xlic pasvanuc ta mantal sbatel osil.”

Apocalipsis 17:1

Jun ta yucubal ti anjele, ti oy ta yoc ta sc'ob ti vucub bise, xi tal yalbune: “La' avil li'e, ta xcac'bot avil c'u s'elan ta xlic stoj smul ti ants ti ta sbolomalin sba ti oy ta ba nabe.

Apocalipsis 17:15

Ti anjele xi laj yalbun xtoque: “Ti vo' xti'bet laj avil bu chotol ti mulivajel antse, ja' sc'oplal jteclumetic, jnaclejetic ta banomil, ti jujuchop ti sc'opique, ti oyic ta jujun muc'tiquil lume.

Apocalipsis 19:16

Ts'ibabil ta sc'u' nopol yac'ol sjol yacan jun biil ti xi ta xale: “Banquilal Ajvalil yu'un ti muc'tiquil ajvaliletique. Banquilal Ajvalil yu'un ti its'inal ajvaliletique.”