Números 24:19 - Bible in Tzotzil de Chamula

¹⁹ Yu'un ta stojol ti Jacobe, ta xloc' talel jun jtsalvanej ti ta j'ech'el ta stubbe sc'oplal ti buch'utic ta xcomic ta jteclume.”

Bible in Tzotzil de Chenalhó with Deuterocanon

¹⁹ Ta to xloc' jun muc'ta jtsalvanej ta stojol li Jacobe. Ja' ta slajes scotol li boch'otic chcomic to te ta lumetique”, xi ic'opoj li Balaame.

Números 24:19 Iomraidhean Croise

Génesis 49:10

Mu'yuc buch'u xu' xpojbat yabtel ti Judá yich'oje, mi ja'uc xpoj yu'unic ti svaxton oy ta sc'obe, ja' to mi vul ta loq'uel yajval stuc ti vaxtone, ti ta xch'unbat smantal yu'un scotol ti jteclume.

Isaías 11:10

Ta yorail taje, ti sc'oplal sq'uelom xchumanil snitilul ti Isaie, ta xlic sva'an sba ti ta xc'ot ta senyail yu'un ti lume. Ta xlic sa'anan talel ti muc'tiquil lumetique, ti bu tiq'uile, jun yutsil ta j'ech'el.

Miqueas 5:2

Ti Diose xi ta xale: “Ja'uc ti vo'ote, jteclum Belén Efrata, ti xi avuni muc'ul ti oyot ta yosilal ti Judae, ta x'ayan talel ta atojol ti Ajvalil yu'un ti Israele, ti ta xvul ta loq'uel ta stojol sts'unobal ti vo'ne totil me'ile.”

Miqueas 5:4

Jech ti ajvalile ta xlic sva'an sba ta sq'uelel ta xchabiel ti steclumaltac ta sventa smuc'ul stsatsal ti Ajvalil Dios yu'une. Mu'yuc xa c'usi xal yo'nton ta xcuxiic, ja' ti muq'uibtasbil sc'oplal ta xc'ot ti Jcuch abtel Dios yu'unic ti bu xa jujuti' oy ti banomil ta sjunleje,

Números 24:18

Ta stsal ti Edome, ta xu'nin xtoc ti Seir ti ja' yajcontrae. Yu'un muc'tic no'ox ta j'ech'el ti c'usitic ta xc'ot ta pasel yu'un ti Israele.

Números 24:20

Ts'acal to un, ti Balaame laj yil ti Amaleque, ti xi laj scaj'albe ti sc'oplale: “Ti Amaleque ja' jun jteclum ti tsots sc'oplale, ja' no'ox un, ta sta sc'ac'alil ti ts'ij xi ti sc'oplal ta j'ech'ele.”

San Mateo 25:46

Taj une, ta xbatic ta tojob mulil sbatel osil. Ja'uc ti buch'u oy slequil stuq'uilique ta xbatic ta cuxlejal sbatel osil.”

San Mateo 28:18

Nopaj batel ti Jesús ta stojolic ti xi laj yale: —Ti Diose laj xa yac'bun ta coc ta jc'ob scotol ti c'usitic oy ta vinajele xchi'uc ti c'usitic oy ta banomile.

San Lucas 19:12

Ti Jesuse xi laj yale: —Oy jun xnich'on ajvalil bat ta namal banomil, ta yan muc' ta lum ta yich'el yabtel yo' ta x'och ta ajvalil, ti ts'acal to ta sut talele.

San Lucas 19:27

Ja'uc ti jcontratac ti buch'utic mu sc'an ta xi'och ta ajvalilale, ic'beicun talel, milbeicun li' ta jba ta jsate.’ ”

1 Corintios 15:25

Yu'un ti Cristoe jbel sc'oplal ta xventainvan ja' to mi ac'bat xpech' ta teq'uel ti scontrataque.

Hebreos 1:8

Ja'uc ti Xnich'on Diose xi ta x'albat ti sc'oplale: “Sbatel osil ta xachoti ta pas mantal, Ch'ul Dios, yu'un tuc' ta xaventainvan ta sventa ti avabtel avich'oje.

1 Pedro 3:22

Yu'un muy xa batel ta vinajel. Oy xa ta sts'el sbats'i c'ob ti Diose. Yu'un yich'oj xa ta sventa ti ánjeletique, ti jpas-mantaletique, xchi'uc ti buch'utic tsots xu' yu'unique.

Apocalipsis 19:16

Ts'ibabil ta sc'u' nopol yac'ol sjol yacan jun biil ti xi ta xale: “Banquilal Ajvalil yu'un ti muc'tiquil ajvaliletique. Banquilal Ajvalil yu'un ti its'inal ajvaliletique.”