Números 24:18 - Bible in Tzotzil de Chamula

¹⁸ Ta stsal ti Edome, ta xu'nin xtoc ti Seir ti ja' yajcontrae. Yu'un muc'tic no'ox ta j'ech'el ti c'usitic ta xc'ot ta pasel yu'un ti Israele.

Bible in Tzotzil de Chenalhó with Deuterocanon

¹⁸ Ta stsal li Edome; ta xlic ochuc ta sc'ob li Seire, ja' li yajcontrae. Li Israele ta spas c'usi toj tsotsic ta pasel.

Números 24:18 Iomraidhean Croise

Génesis 27:29

Ac'o yac' sba ta mosovinel ta atojolal ti epal jnaclejetique, ti quejeleticuc ti muc'tiquil lum ta atojolale. Ventaino ti achi'iltaque, ti quejeleticuc ta atojolale. Ti buch'u ta sbisot ta cotol chavale, ja' no'ox jech ta xich' sbisel ta cotol chaval ec, ti buch'utic ta xc'uxubinote, ja' no'ox jech ta xich'ic c'uxubinel ec.”,

Génesis 27:40

Yu'un c'ajomal no'ox ac'abalinoj ta stsaquel ti avespadae, yu'un mosovinbilot ta xac'ot yu'un ti avits'ine, ja' to ta xacol loq'uel ta mosovil yu'un ti avits'ine mi laj atsac lec ti avipe.”,

Génesis 32:3

Va'i un, ti Jacobe laj stac jelavel jun chib yaj'al-mantaltac ta Seir banomile, ti ja' yosil ti Edome, yo' jech ta xalbeic ya'i ti Esaú ta xa xc'ot ti xchi'il ta voq'uele,

2 Samuel 8:14

Laj taj une, laj stac batel jchabivanej jq'uelvanej ta sbejel Edom. Jech scotol ti edomitaetique mu'yuc xa c'usi xut spoj sbaic ta stojol ti Davide. C'ot ta pasel yu'un Dios ta stojol ti tsalbil ta xc'ot yu'un scontra ti buyuc no'ox ta xbate.

1 Reyes 11:14

Va'i un, xi s'elan laj yac' ye ti Dios ti lic scontrainel ti Salomone: tal ti jun edomita ti sbiinoj Hadade, jun yuts' yalaltac ti ajvalil ta Edome.

1 Reyes 11:15

C'alal tsalbil c'ot yu'un Edom ti Davide, ti Joab banquilal jpas-mantal yu'un ti soldadoetique, c'alal bat smuquic ti buch'utic chamic ta letoe, ja' o laj smil scotol viniquetic yu'un ti Edome.

Salmos 60:1

Ta sti'emal xa ajol un, Ch'ul Dios, laj xa ajipuncutic, mu'yuc xa c'usi xcut jbacutic; tsatsubtasuncutic xa un.

Isaías 34:5

Melel, yespada ti Diose ta xvinaj ta vinajel, ti ja' xa ta xtun ta sjol sbaquil ti lum Edome, ti chapal xa sc'oplal ta xc'ot ta tsutsel ti lum ach'el yu'une.

Isaías 63:1

“¿Buch'u ti le' xtal ti liquem talel ta muc' ta lum yu'un ti Edome? ¿Buch'u ti le' xtal ti jun yutsil stsajal c'u' slapoj talel ti xi'bal sba c'u s'elan ti stsatsal ta xanav talele?” Xi ta xal ti Diose: “Vu'unun ti laj caj'albe sc'oplal ti tsalvaneje, ti oy jmuc'ul jtsatsal ta pojvaneje.”

Amós 9:11

“Ta xc'ot sc'ac'alil ti ta jcha'va'an ta ach' ti slomemal na ti Davide. Ta jmac ti bu jomemique. Ta ach' ta xlic jva'an ti jech jinemic xae. Ta ach' ta xlic jmeltsan jech c'u cha'al laj yich' meltsanel ta vo'nee,

Amós 9:12

yo' jech ti buch'utic cuxulic ta xcomic ta jteclum Edome, xchi'uc ti oyic ta scotol ti muc'tiquil lumetic ti ja' ono'ox cu'untaque, ta xc'ot ta yu'unic yan velta ti jteclum Israele.” Ti Diose laj xa yac' ye sti'. Ja' yu'un un, ta xc'ot ta pasel yu'un.

Abdías 1:2

“Juteb ta xac'otic cu'un ta stojol ti yan muc'tiquil jteclumetique; peq'uel ta xc'ot cu'un ti ac'oplal ta j'ech'ele.

Números 20:18

Ti ajvalil yu'un ti Edome xi laj stac' sutel ti c'ope: —¡Mu stac' xa'ech'ic ta jbanomil! Yan mi mu jechuque, ¡xu' xba jnupot ta be xchi'uc ti cajsoldadotaque!

Números 24:19

Yu'un ta stojol ti Jacobe, ta xloc' talel jun jtsalvanej ti ta j'ech'el ta stubbe sc'oplal ti buch'utic ta xcomic ta jteclume.”