Números 24:16 - Bible in Tzotzil de Chamula

¹⁶ C'alal ta xbat ti xch'ulele, x'ech' to ta xvinaj ti c'usi ta sta ta q'uelel talele, ta yojtiquinel ti c'usi xojtiquin ti Dios ti oy ta toyol cajale, ti oy c'usi ta x'ac'bat sna' ta yalel ti c'usi sna'e, ti oy c'usi jchop o ta xil ta sventa ti Dios ti scotol xu' yu'une.

Bible in Tzotzil de Chenalhó with Deuterocanon

¹⁶ C'alal ja'o yalem ta lum yu'un cha'ay c'usi ch-albat yu'un Diose, lec chajal ta sba ta sat scotol, chil scotol jech chac c'u cha'al yiloj scotol li Boch'o te oy ta vinajele. Ta xich' tal a'yejetic xchi'uc oy c'usi ch-ac'bat yil yu'un li Muc'ul Dios ti ech'em stsatsale.

Números 24:16 Iomraidhean Croise

Génesis 14:18

Ja' jech xtoc ti Melquisedeque, ajvalil yu'un ti jteclum Saleme xchi'uc yajpale Dios ti oy ta toyole, laj yich' talel pan xchi'uc vino.

Génesis 17:1

C'alal yich'oj xa balunlajuneb yo'vinic (99) jabil ti Abrame, laj yac' sba iluc ti Dios ta stojolal ti xi albate: —Vu'un Diosun ti scotol xu' cu'une. Tamo ta spasel ti c'usi lec tuc' ta xquil ta jba ta jsate.

Números 24:15

Va'i un, ti Balaame xi lic scaj'al ti c'usi ta xc'ot ta pasele: “Slo'il ya'yej ti Balaame, xnich'on ti Beore, ti ja' jun vinic ti tsots lec ts'ililic ti sat ta xq'uelvane.

Números 24:17

Ta xquil ti oy c'usi ta xc'ot ta pasel le' to ech'ele, ti nom to xvayet ta q'uelel ti xi s'elan ta xc'ot ta pasele: Yu'un co'ol s'elan jbej c'anal ta xloc' talel ta stojol ti Jacobe, ti ta xc'ot ta ajvalil yu'un ti Israele. Ta xpech'be ta teq'uel sjol ti Moabe; ta xpech' ta teq'uel scotol snitilultac ti Sete.

Números 24:3

Va'i un, ti Balaame xi s'elan xcholet lic scaj'ale: “Ta xal slo'il ya'yej ti Balaam xnich'on ti Beore, ti lec tsots ts'ililic sat ta xq'uelvane.

Números 24:4

C'alal ta xbat ti xch'ulele, x'ech' to xvinaj ti c'usi ta sta ta q'uelel talele, ep ti c'usi ta x'ac'bat sna'e, oy c'usi jchop o ta x'ac'bat yil ta sventa ti Dios ti scotol xu' yu'une.

1 Corintios 13:2

Manchuc mi xu' cu'un ta yalel ti c'usi ta xiyac'bun jna' ti Diose, manchuc mi jna' yalel scotol ti c'usi mucul yu'un ti Diose, manchuc mi ven ti jbijil ta j'ech'ele, manchuc mi jch'unoj ta j'ech'el ti xu' ta jloq'ues batel ta yavil bu oy ti vitse, mi mu'yuc ti syail xc'uxul co'ntone, mu'yuc c'usi balun o.

1 Corintios 8:1

Avi tana li'e, ta xcalboxuc ava'iic sc'oplal ti ve'lil ac'bil ta smoton ti c'usitic meltsanbil ta c'abale. Ti oy bu xi x'ale ti c'ope, ja' melel: “Ti jujunotique ta jnoptic ti oy smelol ti c'usi ta xcaltique.” Ti oy c'usi jna'tic calojtique, oy bu ti ja' no'ox ta jtoy jbatic xchi'uque. Ja'uc ti syail xc'uxul o'ntonale, ja' sventa ta jta jun co'ntontic ta stojol ti Cajvaltique.