Números 24:14 - Bible in Tzotzil de Chamula

¹⁴ Ta xca'ibe xchiquinal, ta xisut ech'el ta jlumal. C'alal mu to ta xiloc' batel li'e, ta xcalbot ava'i sc'oplal ti c'usi ta spas ti jteclum le'e xchi'uc ti ateclumal le' ech'ele.

Bible in Tzotzil de Chenalhó with Deuterocanon

¹⁴ Lec oy, xu' chisut batel ta jlumal. Pero c'alal mu'yuc to chisut batele, chacalbot comel ava'ay c'usi ta to spasbe alumal li jun lum israeletic le'e —xi.

Números 24:14 Iomraidhean Croise

Génesis 49:1

Ti Jacobe laj staan talel ta iq'uel ti xnich'nabe, ti xi laj yalbe xtoque: “Nopajanic talel li'e, yu'un ta xcalboxuc ava'iic ti xi s'elan oy c'usi ta xc'ot ta atojolic ta to xtale:

Isaías 24:22

Ta svol ta tsobel. Ta stic' ta jun chuquinab ti bajal ta xcom yu'une. Ta sjalil to un, ta xlic tsits.

Jeremías 48:47

“Mi laj taj une, ta jeltabe yorail ti Moabe. Ti vu'un Diosune, mu lo'iluc no'ox ta xcal.” Ti va'i s'elan taje, jech loc' sc'oplal yu'un Dios ti c'ot ta stojol ti Moabe.

Jeremías 49:39

Ta ts'acal to un, ta xlic jelbe yorail ti jteclum Elame. Ti vu'un Diosune, mu lo'iluc no'ox ta xcal.”

Daniel 10:14

Ja' yu'un un, tal jchapbot ava'i lec ti c'usi ta xc'ot ta stojol ti alumal ta ts'acale. Yu'un ti c'usi la'ac'bat avil ti c'alal jam ti aba asate, ja' me smelol ta xac' ta na'el ti mi c'ot yorail jech taje.”

Daniel 2:28

Yu'un ja' no'ox xu' yu'un ta svinajes ti jun Dios ti oy ta vinajele, ti ja' yiloj scotol ti c'usitic oy ta mucule. Ja' yu'un un, Jcuch abtel, ja' stuc ta xac' ta na'el ti c'usitic ta xlic c'otuc ta pasele. Va'i un, Jcuch abtel, xi ta xlic jchapbot ava'i ti c'usi laj avil ta avaiche, xchi'uc ti c'usi la'ac'bat avil ti jam aba asat ti c'alal ta xavaye:

Oseas 3:5

Mi laj taj une, jech ti israeletique ta sutic talel ta sa'el ti Ajvalil Dios yu'unique, xchi'uc ti David ti ja' ajvalil yu'unique. C'alal ta sta sc'ac'alil ti bu c'alal ta xc'ot ta tsutsele, ta xlic ayanuc ta yo'ntonic ta snijanel sbaic ta stojol ti Diose, ti colaval xutic ta sventa ti oy c'usi lec ac'bilic yu'un ti Diose.

Miqueas 6:5

Vuleso ta ajol, jteclumal, c'u s'elan laj snop ta atojolal ti Balac ti ja' ajvalil yu'un ti jteclum Moabe, c'u s'elan tac'bat sutel talel ti Balaam xnich'on ti Beore. Vuleso ta ajol c'alal lajelav ech'el ta Sitim ti lac'ot ta jteclum Gilgale; t'abeso ta avo'nton ti laj stic' sba ta apojel ti Diose.”

Números 24:17

Ta xquil ti oy c'usi ta xc'ot ta pasel le' to ech'ele, ti nom to xvayet ta q'uelel ti xi s'elan ta xc'ot ta pasele: Yu'un co'ol s'elan jbej c'anal ta xloc' talel ta stojol ti Jacobe, ti ta xc'ot ta ajvalil yu'un ti Israele. Ta xpech'be ta teq'uel sjol ti Moabe; ta xpech' ta teq'uel scotol snitilultac ti Sete.

Números 24:25

Laj ti va'i s'elan taj une, jech ti Balaame laj stam batel sbe, sut ech'el ta sna. Jech ti Balac eque laj stam ech'el sbe.

Hechos 2:17

‘Ta xc'ot ta pasel ti slajebaltic batel ti c'ac'ale, ta xal ti Diose, ta xcac'be yich' Ch'ul Espíritu scotol ti jnaclejetic ta banomile. Ti aquerem atsebique ta scaj'alic ti oy c'usi ta xc'ot ta pasele. Ti jva'lej viniquetique oy c'usi ta x'ac'bat yilic. Ti moletique oy c'usi ta x'ac'bat yilic ta svaichic.

2 Timoteo 3:1

Ja' jech xtoc sc'an xana' c'alal slajebtic xa batel ti c'ac'ale, xi'bal sba, yu'un naca vocol ta xvul ta loq'uel.

Josué 13:22

Ma'uc no'ox taje, ti israeletique laj smilic ti jt'unvanej Balaam xnich'on ti Beore, xchi'uc yepal to laj smilic ti yane.

Apocalipsis 2:10

Mu xaxi' yu'un ti avocol ta xc'ot ta atojole, yu'un oy jlom avu'unic ta xatiq'ueic ta chuquel yu'un ti pucuje, yo' jech ta xich' q'uelel ti avo'ntonique. Yu'un ta xavich' avocolic lajuneb c'ac'al. Staojuc yav avo'ntonic xacham xalajic, ta xcac'boxuc ti acuxlejalic ti ja' amotonique.

Apocalipsis 2:14

Oy jaytos ti xi s'elan mu lecuc ta xquil ti oy ta atojole: yu'un oy jlom avu'unic mu sc'an ta xictaic comel c'u s'elan chanubtasvan ti Balaam ti c'alal laj sbijubtas ti Balaque, ti laj sta smul yu'un ti israeletic c'alal laj slajesic smoton ti c'usi meltsanbil ta c'abale, xchi'uc ti laj sbolomalin sbaic yu'une.