Números 24:13 - Bible in Tzotzil de Chamula

¹³ yu'un ac'o mi ta xiyac'bun ti noj ta oro ta plata sbejel ti na yu'une, mu xu' jtselbun comel smantal ti Diose, mi ja'uc ta spasel ti c'usi leque, mi ja'uc ta spasel ti c'usi chopole, ti ja' no'ox ta xcal ti c'u s'elan ta xac' ta na'el ti Diose.

Bible in Tzotzil de Chenalhó with Deuterocanon

¹³ ac'o me chavac'bun scotol li c'anal taq'uin, xchi'uc li saquil taq'uin nojem ta ana bu chapas mantale, pero li vu'une mu xu' ta jbaj c'usi chiyalbun li Diose. Mu xu' ta jpas jtuc ta jtsatsal c'usi lec, c'usi chopol. Ja' no'ox xu' chcal ec c'usi tsc'an li Muc'ul Diose.

Números 24:13 Iomraidhean Croise

1 Reyes 13:8

Ja'uc ti j'alc'ope xi laj stac'be ti ajvalile: —Manchuc mi ta xavac'bun ololuc ti c'usi oy ta anae, mi ja'uc xbat jchi'inot. Mi ja'uc ta jve' bejuc pan. Mi ja'uc xcuch' vo' li'e.

1 Reyes 22:14

Ti Micaiase xi laj staq'ue: —Xil Dios xcal ti ja' no'ox ta xcal ti c'u s'elan ta xiyac'bun jna' ma' ti Diose.

Números 16:28

Va'i un, ti Moises xi lic yalolane: —Ti jech le'e, ta xcac' avilic ti ja' tacbilun talel yu'un ti Dios ta yaq'uel avilic ti c'usi ta xc'ot ta pasele, ti mu ja'uc jutebuc loq'uem ayanem ta co'nton jtuque.

Números 22:18

Ja'uc ti Balaame xi laj stac'anbee: —Ti Balaque, ac'o mi ta xiyac'bun jbej na ti noj ta oroe, ta platae, ja' no'ox un, mu jtselbun comel smantal ti Ajvalil Dios cu'une ta spasel jset'uc ti c'usi tsots sc'oplale, mi ja'uc ti yamal sc'oplale.

Números 22:20

Ta yac'ubalil un, laj yac' sba iluc ti Dios ta stojol ti Balaame ti xi albate: —Ti viniquetic le'e tal yic'ot batel, batan, ba chi'ino ech'el. Ja' no'ox me, tsots sc'oplal ta xapas ti c'u s'elan ta xcac'bot ana'e, ma'uc yan.

Números 22:8

Va'i un, xi albatic yu'un ti Balaame: —Ti ac'ubaltic tana li'e, comanic. Ta xcalboxuc ava'iic ti c'u s'elan ta xalbun ca'i ti Diose. Jech ti moletic yu'un ti Moabe comic xchi'uc.