Números 23:8 - Bible in Tzotzil de Chamula

⁸ Ja' no'ox un, ¿mi yu'un stac' la c'anbel slajelic stubelic ti c'alal mu'yuc bisbilic ta cotol chaval yu'un ti Diose? ¿C'usi ono'ox la ta utel ti juteb ta o'ntonal ti chopol c'otuc ta stojolique? ¿C'usi ono'ox la ta utel ti c'alal mu'yuc loq'uem ta yo'nton ti Dios ti mu jechuc ta spase?

Bible in Tzotzil de Chenalhó with Deuterocanon

⁸ Pero ¿c'uxi chcut ta xcuts'intaic ti me mu jechuc tsc'an li Diose? ¿C'uxi chcut ta jc'an ac'o oyuc svocolic me mu sc'an stuc li Muc'ul Diose?

Números 23:8 Iomraidhean Croise

Proverbios 26:2

Ma'uc ti q'uelel xa talel bac vocol mi mu'yuc c'usi pasbile, ech'el no'ox ta xjelav batel jech c'u cha'al jch'ayemal ts'unun, mi mo'oje, jech c'u cha'al xjaval-eq'uen ti mu sna' bu com ti stase.

Isaías 44:25

Mu jq'uelojuc no'ox ta xc'ot ta pasel yu'un ti c'usi ta scaj'al ti jutc'op j'alc'opetique. Ta jsoquesbe snopbenal yu'unic ti buch'utic sna' xt'unvanique. Ta xc'ot ta pasel cu'un ti xtal xbat xa sc'opic ti buch'utic oy sbijilique, ti naca no'ox jovil c'opetic ti c'usitic sna'ique.

Números 22:12

Va'i un, ti Balaame xi albat yu'un ti Diose: —Mu xachi'in ech'el ti viniquetic le'e. Mi ja'uc xac'anbe slajel stubelic ti lum taje. Yu'un ti lum taje, laj xa jva'an jba ta stojolic.

Números 22:6

Mu xajalij, la' ta anil no'ox. La' c'anbo slajelic stubelic ti lumetic ta jventae. Yu'un toj ech'em tsotsic ti stuquique, ja' mu sta ti vu'uncutique. Ja' to nan jech tsalbil ta xc'ot cu'un ti ta jnuts loq'uel ta jteclume. Yu'un mi slajelic stubelic ta xac'an, mi xc'uxubinelic ta xac'an, jna' lec ti ta ono'ox xc'ot ta pasel avu'une.”

Números 23:20

Yu'un albilun ti ta xcac' yich'ic ti slequilal yutsilique. C'alal ti Dios ta xac' ti slequil yutsilale, mi ja'uc ti vu'un cajal xa xca'i ta spasel ti c'alal mu'yuc c'usi albilune.

Números 23:23

Yu'un ti Jacobe, mu'yuc c'usi xavut xamets'ta, mi ja'uc ta xc'ot ta stojolic ti slajel stubelic ta xich' c'anbel ti Israele. Avi tana le'e, tsots sc'oplal ti ac'o xi yich' alel ta stojol ti Israele: ‘Mu no'ox albajuc yepal ti c'usitic jun yutsiquil laj yac' ta ilel ti Dios ta atojolique.’

Números 23:7

Va'i un, ti Balaame xi xcholet laj scaj'al jech c'u cha'al li'e: “Ta vitstic to yu'un Aram ti oy ta sloq'ueb c'ac'ale, laj staun talel ta iq'uel ti Balac ti ajvalil yu'un ti Moabe. ‘La' li'e, la' c'anbo slajelic ti israeletique —xiyut—. c'anbo ti oyuc c'usi chopol c'otuc ta stojol xnich'nab ti Jacobe.’