Números 23:3 - Bible in Tzotzil de Chamula

³ Ts'acal to un, ti Balaame xi laj yalbe ya'i ti Balaque: —Coman li' ta sts'el ti c'usi laj yich' svocole. Ja'uc ti vu'une xbat jq'uel quic mi ta xtal snupun ta be ti Diose. Mi laj une, ta jcholbot ava'i ti c'u s'elan laj yalbun ca'i ti Diose. Jech ti Balaame bat ta stselejal sbajtical banomil ti sts'ijlajane,

Bible in Tzotzil de Chenalhó with Deuterocanon

³ Li Balaame jech laj yalbe li Balaque: —Coman li' yo' bu la jmilbetic smoton Diose. Li vu'une, chbat jq'uel me chtal sc'opanun li Muc'ul Diose. Me oy c'usi chiyalbune, te chacalbot ava'ay —xut. Li Balaame ibat ta jun vits ti lec ta jamalaltic oye.

Números 23:3 Iomraidhean Croise

Génesis 22:13

Jech ti Abrahame laj stoy batel sat, ja' o laj yil jcot chij ts'otol xulub ta vach'il te'. Va'i un, bat yic' talel ti chije. Ja' laj yac' ta chic'bil matanal ti c'ot ta q'uexolil ta sventa ti squereme.

Génesis 22:2

Xi laj yal ti Diose: —Ic'o talel ti Isaac ti c'ajomal yo jun ti avuni quereme, ti mu tuch'baj ta avo'ntone. Batan ta yosilal Moria. C'alal mi tey xa oyot une, loc'uc ayanuc ta avo'nton ti ta xavac' ta chiq'uel ta matanal ta jol vits ti bu ta xcac'bot avile.

Génesis 8:20

Ts'acal to un, ti Noee lic xchapan jun altar ta sventa yich'el ta muc' ti Diose. Laj stsac talel jujucot ta jujutos ti lequil chon bolometique xchi'uc ti mutetique. Laj xchic' ta matanal ta sventa yich'el ta muc' ti Diose.

Éxodo 18:12

Ti Jetroe laj stsac talel jcot chon bolom, ti ac'o yich' chiq'uel jmoj xchi'uc ti yan matanaletic ta sventa yich'el ta muc' ti Diose. Ts'acal to un, ti Aarone xchi'uc scotol ti moletic yu'un ti israeletique, jmoj batic ta ve'el xchi'uc smu'ni' ti Moisés ta sba ta sat ti Diose.

Levítico 1:1

Ti ta Axibalna ti bu nupel ta bee, xi albat ti Moisés yu'un ti Dios ti c'alal c'oponat talele:

Números 23:12

Jech ti Balaame xi laj stac'bee: —Laj cal ti ja' ono'ox ta xcal ava'i ti c'u s'elan ta xac' jna' ti Diose.

Números 23:15

Ti bu taje, ti Balaame xi laj yalbe ti Balaque: —Coman to li' ta sts'el ti c'usi yich'ojan svocole. Ja'uc ti vu'une xba jnup jbacutic ta be xchi'uc ti Diose.

Números 23:2

Ti c'u s'elan laj yal ti Balaame, jech laj spas ti Balaque. Jech xchibalic laj yaq'uic yich' svocol jcot ch'iom vacax, jcot ch'iom chij ti ta jujun altare.

Números 23:26

Ti Balaame xi laj stac'bee: —¿Mi mu lajuc ono'ox cal ti ja' no'ox xu' ta xcal ava'iic ti c'u s'elan ta xac'bun jna' ti Diose?

Números 23:4

ti laj yac' sba iluc ti Dios ti bu taje. Va'i un, ti Balaame xi laj yalbee: —Laj xa jchapan ta meltsanel vucub altar. Ti jujune, laj xa cac'anbe jujucot vacax xchi'uc jujucot chij.

Números 24:1

Ti c'alal laj yil ti Balaam ti lec ta xa'i ti Dios ti ta sva'an sba ta stojol ti Israele, mi ja'uc xa bat yich'be talel ye ti Ajvalil jech c'u cha'al laj spasolan talele. Yu'un c'ajomal no'ox laj sq'uel batel ti sbajtical banomile.

San Mateo 4:8

Ti pucuje laj yic' batel xtoc ta jun toyol vits ti bu laj yac'be yil scotol yutsilal slequilal ti muc'tiquil lume.

Josué 24:10

Mi ja'uc laj cac' que jti' ti ta sc'anboxuc alajel atubelic ti Balaame. C'ajomal no'ox c'ot ta pasel ti laj sc'anboxuc ti alequilal avutsilique. C'ot ta pasel ti laj jpojoxuque.