Números 23:23 - Bible in Tzotzil de Chamula

²³ Yu'un ti Jacobe, mu'yuc c'usi xavut xamets'ta, mi ja'uc ta xc'ot ta stojolic ti slajel stubelic ta xich' c'anbel ti Israele. Avi tana le'e, tsots sc'oplal ti ac'o xi yich' alel ta stojol ti Israele: ‘Mu no'ox albajuc yepal ti c'usitic jun yutsiquil laj yac' ta ilel ti Dios ta atojolique.’

Bible in Tzotzil de Chenalhó with Deuterocanon

²³ Li Jacobe mu stac' uts'intael. Li j'ac'chameletique mu'yuc c'usi xu' yu'un tspasbeic li Israele. Li' ta orae ja' tsc'an jech chich' albel li Israele: ‘Toj ep spasoj sq'uelubil stsatsal ta atojolic li Diose’, sc'an xi sc'oplal.

Números 23:23 Iomraidhean Croise

Génesis 3:15

Ta jpas ta atojolic ti contra xavil abaic xchi'uc ti antse. Ja' no'ox jech xtoc ti anitilultaque xchi'uc snitilultac ti antse, contra ta xil sbaic. Ti snitilul ti antse ta xpech'bot ta teq'uel ti ajole. Ti vo'ote ja' no'ox ta xatabe ta ti'bel ti snuc' yacane.

Salmos 31:19

Mu albajuc slequil yutsil avo'nton ta stojol ti buch'u ta xayaq'uic ta ich'el ta muq'ue. Achabioj lec jech c'u cha'al jun c'ulejal ti toyol stojole, ti ta sba ta satic ti viniquetic une, ta xavac'be yich' ti buch'u spatoj yo'ntonic ta atojole.

Salmos 64:9

Scotolic ta xlic xi'taic ti Diose; ta xlic yalbeic sc'oplal ti yabtele; ta sjolinic ti c'usi laj spas une.

Isaías 41:4

¿Buch'u yabtel ti va'i s'elan laj sliques taje? ¿Buch'u laj sliques talel ta vo'ne ti laj yal mantal ti jech ac'o comuc o jech c'u cha'al ta xvinaj slo'il ya'yejal avi tana li'e? Vu'un ti Ajvalilune, ti jtuc no'ox Diosune, ti oy ta jventa ti sliquebale, ti stsutsebale.

Isaías 44:25

Mu jq'uelojuc no'ox ta xc'ot ta pasel yu'un ti c'usi ta scaj'al ti jutc'op j'alc'opetique. Ta jsoquesbe snopbenal yu'unic ti buch'utic sna' xt'unvanique. Ta xc'ot ta pasel cu'un ti xtal xbat xa sc'opic ti buch'utic oy sbijilique, ti naca no'ox jovil c'opetic ti c'usitic sna'ique.

Ezequiel 21:21

Ti ajvalil yu'un ti Babiloniae va'al xa bu ta xch'ac sba ti chib bee. Xi ta sjac'olan ti yorail yu'une: Sjimolan xa ti sni' syolobtaque. Sjac' xa sba ta stojol ti diosetic yu'une. St'unilan xa ta sventa secub ti chon bolometique.

Daniel 9:15

“Yu'un ti vo'ote, Cajval, ti Diosot cu'uncutique, laj avac' ta ilel ti jelavem xu' avu'un ti c'alal laj aloq'ues talel ta Egipto ti ateclumale. Yu'un staoj yav ta xavinajes ac'oplal jech c'u cha'al laj avac' ta ilel ta vo'ne ti jelavem xu' avu'une. Ja'uc ti vu'uncutic une, ja' no'ox ochem yipal ta sa'el ti mulil cu'uncutique, ta spasel ti c'usi chopole.

Miqueas 7:15

Ac'bo yilic ti c'usi ch'ayal ta xc'ot o'ntonal yu'une, jech c'u cha'al laj apas ta sc'ac'alil ti laj aloq'ues talel ta lum Egiptoe.

Números 24:1

Ti c'alal laj yil ti Balaam ti lec ta xa'i ti Dios ti ta sva'an sba ta stojol ti Israele, mi ja'uc xa bat yich'be talel ye ti Ajvalil jech c'u cha'al laj spasolan talele. Yu'un c'ajomal no'ox laj sq'uel batel ti sbajtical banomile.

San Mateo 12:25

Ti Jesuse sna'ojbe yo'nton ti jech ta snopique, xi laj yalbee: —Buch'uuc no'ox ajvalilal ti ta xlic xch'acolan ta jujuchop ti svinique, mi ta xlic stsac sbaic ta leto ti jujuchope, jech ta soquic o. Ja' jech xtoc mi jun jteclum o mi jchop ta naclej, mi ta xlic scontrain sbaique, mu xjalij, ta soquic o.

San Mateo 12:27

Ta xavalbeicun ta stsatsal ti totil pucuj Beelzebu ta jloq'ues ti pucujetique. Ti mi jech une, albun ca'i, ¿buch'u van ta xcoltaatic ti avinictac ta sloq'uesic ti pucujetique? Ja' yu'un un, avinictac no'ox ta xac'boxuc avilic ti ch'ayem ti snopbenal avu'une.

San Mateo 16:18

Ta xcalbot ava'i ec un ti Pedroote ti ja' jechot jech chac c'u cha'al ti tone. Ta aventa, ta xbol ti cajch'unolajeltaque. J'ech'el mu xmac ta be yu'un yip stsatsal ti lajebale.

San Juan 11:47

Ti fariseoetique xchi'uc ti banquilal yu'un ti paleetique, bat stsob sbaic xchi'uc ti banquilal jchapanvanejetic ti xi laj yalique: —¿C'usi ta xcutic ti vinic taje, ti ep ta xac' iluc ti oy c'usi ch'ayal ta xc'ot o'ntonal yu'une?

Hechos 10:38

Xana'ic lec xtoc, ti Diose laj yac'be yich' smuc'ul stsatsal xchi'uc Ch'ul Espíritu ti Jesús ti liquem talel ta Nazarete yo' xu' yu'un ta spasel ti c'usi leque, ta scolesanel ti buch'utic ta x'ilbajinatic yu'un ti pucuje. Jech laj spas, yu'un chi'inbil coltabil yu'un ti Diose.

Hechos 15:12

Scotol ts'ijil comic. Lic sts'etan xchiquinic ta ya'yiel c'alal yacal ta yalel ti Bernabee xchi'uc ti Pabloe, ti c'u s'elan laj yac' iluc ti Dios ti oy c'usi ch'ayal ta xc'ot o'ntonal yu'unic c'alal oyic ta stojol ti jyanlumetique.

Hechos 4:16

Xi laj yalbe sbaique: —¿C'usi ta xcutic ti viniquetic le'e? Ti jnaclejetic li' ta Jerusalene sna'ic lec scotolic ti laj xa yaq'uic iluc ti oy c'usi ch'ayal ta xc'ot o'ntonal yu'une. Mi ja'uc stac' jnac'tic.

Hechos 5:12

Ta sba ta sat ti jnaclejetic ta banomile, oy c'usitic elom ta q'uelel ti ch'ayal ta xc'ot o'ntonal yu'unic ta spasic ti jcholc'opetique. Scotolic ta stsob sbaic ta scot-cotil coriol ti sbiinoj Salomone.

Hechos 5:14

Epaj ta j'ech'el ti buch'utic c'ot ta yo'ntonic ta xch'unel ti Cajvaltique c'alal ta viniquetic, ta antsetic.

Romanos 16:20

Ti j'ac'-jun-o'ntonal Diose, ta jliquel no'ox ta slilinbe yip ti pucuje yo' xu' avu'unic ta xpech'el ta teq'uel. Ac'o sva'an sba ta yaq'uel slequilal ta atojolic ti Cajvaltic Jesucristoe.

Deuteronomio 3:24

‘Cajval, lic xa avac' ta ilel amuc'ul atsatsal ta stojol ti avajtunel li'e. Ti ta vinajele, ti ta banomile, mu'yuc xa yan Dios ti ta xac' ta ilel ti ch'ayal ta xc'ot o'ntonal yu'un jech c'u cha'al ta xapase.

Josué 13:22

Ma'uc no'ox taje, ti israeletique laj smilic ti jt'unvanej Balaam xnich'on ti Beore, xchi'uc yepal to laj smilic ti yane.

Apocalipsis 12:9

Laj yich' jipel loq'uel ta vinajel ti muc' ta tsajal jti'oval chon ta vo'nee, ja' ti banquilal pucuje, ti Satanás sbie, ti buch'u naca slo'la no'ox scotol ti jnaclejetic ti oy ta sjoylej banomile. Ti stuque xchi'uc ti xchi'iltaque, jipatic yalel talel ta banomil.