Números 23:22 - Bible in Tzotzil de Chamula

²² Yu'un ti Diose laj sloq'ues talel ta Egipto, ti ja' c'otem ta jpojvanej yu'unic jech c'u cha'al ta spoj sba xchi'uc xulub ti te'tical vacax ti ja' bufalo sbie.

Bible in Tzotzil de Chenalhó with Deuterocanon

²² Li Dios ti la sloq'ues tal ta Egiptoe, ja' jech c'otem yu'unic jech chac c'u cha'al yip xulub tot vacax.

Números 23:22 Iomraidhean Croise

Salmos 22:21

Pojun ta ye ti jti'oval leonetic le' une; tic'o aba ta jpojel yo' mu xve' cu'un xulub ti vacaxetic le'e.

Salmos 68:35

Jun yutsil ta j'ech'el ti Dios ta xch'ulnae; ti Dios yu'un Israele ta xac'be yip smuc'ul stsatsal ti steclumale. Lequil-c'optabiluc ta j'ech'el ti Dios une.

Salmos 92:10

Ta xavepajesbun quip jech c'u cha'al yip jcot tot vacax; laj aq'uebbun muil poxil ta jol.

Éxodo 12:41

C'alal ts'aqui sc'ac'alil ti chanib ciento xchi'uc lajuneb xcha'vinic (430) jabile, xvoletic no'ox loq'uel ta j'ech'el ta Egipto ti yu'untac ti Diose.

Éxodo 12:51

Ti jech c'ac'al taje, ja' o ti Diose laj sloq'ues batel ta Egipto ti mu albajuc yepal xvoletic batel ti israeletique.

Éxodo 14:18

C'alal mi laj xa cac'be yil jmuc'ul jtsatsal ti faraone, ta stojol ti scarretataque, xchi'uc ti jcajlejetic ta ca' yu'une. Jech ti egipcioetique ta sna'ic ti vu'un Ajvalilune.

Éxodo 20:2

“Vu'un Ajvalil ti ja' Diosun avu'unique, ti laj jloq'uesoxuc talel ta Egipto ti bu mosovinbiloxuc to oxe.

Éxodo 9:16

Ja' no'ox un, yu'un laj to cac' ch'ian c'opojan yo' jech ta xavil ta aba ta asat ti jmuc'ul jtsatsale, yo' jech ta aventa ta xiyojtquinicun ta sjunlej banomil.

Isaías 34:7

Ta xc'ot ta stojolic jech c'u cha'al ta xich'ic ti te'tical vacaxe, ti ch'in vacaxetique, xchi'uc ti tot vacaxetique. Ts'ajal ta ch'ich' ta xcom ti yosilale. Naca xa xepu' x'olet ti pucuque.

Números 22:5

Laj stac ta iq'uel ti Balaam xnich'on ti Beore, ti oy ta Petor ta ti' uc'um Eufrates ta jteclum Amave. Ti Balaque laj yalbe mantal ti yajtacbolaltaque ti xi ac'o yalbeic ya'i ti Balaame: “Yu'un ta Egipto to, liquemic talel jteclumetic ti tanijemic talel ta scotol lume. Avi tana xtoc une, li' xa lamalic ta jlumale.

Números 24:8

Yu'un ti Dios ti laj sloq'ues talel ta Egiptoe, ja' c'otem ta jpojvanej yu'unic ta xa'iic jech c'u cha'al ta spoj sba xchi'uc xulub ti te'tical vacaxe, ja' ti bufalo sbie. Yu'un ti israeletique ta stsalic ti muc'tiquil lum ti ja' scontraique, ta sc'asbeic ti sbaquile, ta syayijesic ta syolobic xtoc.

Deuteronomio 33:17

Ti Josee, co'ol s'elan sba xnich'on jcot tot vacax ti toj c'upil sbae, ti jech s'elan yip jech c'u cha'al ti te'tical vacaxe, ti naca xluch no'ox ech'el ti jteclumetic ti oy ta scotol xchanjotal ti banomile. Ti jech taj une, ja' sventa ti mu albajuc yepal snitilultac ti Efraine, ti ta mil no'ox oy snitilultac ti Manasese.”

Josué 2:10

Jna'cutic lec ti c'alal laloq'uic talel ta Egiptoe, ti Diose laj staquijesbe ya'lel ti Tsajal Nabe yo' jech ta xajelavic. Jna'cutic lec xtoc ti laj atsutsesic ta j'ech'el ti Sehone, xchi'uc ti Oge, ja' ti chib ajvalil yu'un ti amorreoetic ti oy ta jot uc'um Jordane.