Números 23:21 - Bible in Tzotzil de Chamula

²¹ Yu'un mu'yuc ta xvinaj ti oy c'usi chopol ta snope, mi ja'uc ta xlo'lavanic ti israeletic ti ja' steclumal ti Jacobe. Yu'un chi'inbilic yu'un ti Ajvalile, ti ja' sDiosique, yu'un ta xalbeic sc'oplal ti ja' c'otem ta Ajvalil yu'unique.

Bible in Tzotzil de Chenalhó with Deuterocanon

²¹ Mu'yuc boch'o yilojbe yepalc'opic xchi'uc xchopolilic li Israel xnich'nabtac Jacobe. Li Muc'ul Dios yu'unique, te oy ta stojolic. Li stuquique chich'ic ta muc' jech c'u cha'al jun ajvalil.

Números 23:21 Iomraidhean Croise

2 Crónicas 13:12

Mu xch'ay xava'i ti vo'oxuque, jba'be ech'el cu'uncutic ti Diose xchi'uc ti yajpaletaque, ti chapalic xa ta yoq'uisanel ti oq'uese, svinajeb ti licuc ti letovajel ta atojolique. Le' une, israeletic, mu stsal avu'unic ta scontrainel ti Ajvalil Dios yu'unic ti amolmuc'totic ta vo'nee. Laj to sc'oplal ma' ti xu' xatsalvanic une.”

Salmos 103:12

Ti jmul jcolo'tique, nom laj sten loq'uel jech c'u cha'al nom xil sbaic ti sloq'ueb c'ac'al xchi'uc ti smaleb c'ac'ale.

Salmos 118:15

Naca sc'oplal pasbil xa canal ti xmuyubajic no'ox xchi'uquic ti xi ta sq'uejintaic ta jujun snaic ti buch'utic jun sjol yo'ntonique: “C'ot ta jtsalvanej smuc'ul stsatsal ti Diose.

Salmos 135:21

Lequil c'optabiluc ti oy ta Sione, yu'un ti Diose nacal ta Jerusalén. J'ech'eluc lequil c'optabiluc ti Dios une.

Salmos 23:4

Manchuc mi ic' ta j'ech'el ta xixanav batel ta stenlejale, mu xixi' yu'un ti c'usi xi'bal sbae. Achi'inojun un, Dios; ja' yip co'nton ta xca'i ti avarae, ti avaxtone.

Salmos 32:2

Xmuyubaj no'ox ti buch'u jamal lec ti yo'ntone, ti mu'yuc xa ta xtic'bat ta sat jtosuc yu'un Dios ti c'usi spasoje.

Salmos 32:5

Mu jutebuc laj jmac que jti' yu'un ti jmule, ti c'usi chopol jpasoje; c'ot ta co'nton ti jamal laj calbot ava'i ti jmule, laj ach'aybun ti jmul une, Dios.

Salmos 46:11

Li' oy ta jtojoltic ma' ti Dios ti scotol xu' yu'une. Dios yu'un ti Jacobe c'otem ta jnac'obbailtic.

Salmos 46:7

Li' oy ta jtojoltic ma' ti Dios ti scotol xu' yu'une; ti Dios yu'un ti Jacobe c'otem ta jnac'obbailtic.

Salmos 97:1

Muyubajanic, sbejel banomil. Muyubajanic ti mu albajuc avepalic ta sti'il ti nabetique. Yu'un ti Diose, ja' Ajvalil.

Salmos 99:2

Ti Diose jelavem smuc'ul ti oy ta vits Sione; ti Diose sbainoj ti c'usi sc'an spas ta stojol scotol ti jnaclejetique.

Éxodo 13:21

Ja' jba'be batel yu'unic ti Diose. Ti ta c'ac'altique, ta xac' sba iluc ta jun voletel toc yo' jech ta xtojobtasvan batel ta be. Ti ta ac'ubaltique, ta xac' sba iluc ta jun muc' ta tilemal c'oc' yo' ta xil sbeic yu'un. Ja' jech cuch yu'unic ti xanvil ta c'ac'al ac'ubale.

Éxodo 3:12

Ti Diose xi laj staq'ue: —Ta jchi'inot, yu'un xi s'elan svinajeb ti vu'un ta jtacot batele: Ja' yu'un un, acotolic ta xtal avich'icun ta muc' li' ta ch'ul vits c'alal mi laj xa aloq'ues talel ta Egipto ti calab jnich'nabe.

Éxodo 34:9

Va'i un, xi laj yale: —Cajval, Cajval, mi ta melel laj jta ti lec xavilune, la' chi'inuncutic. Ta melel ti israeletic li'e, toj toyobba xa'i sbaic. Ja' no'ox un, ch'aybun ti jmul jcolo'cutique xchi'uc ti jchopolalcutique. Bisuncutic ta avalab anich'nab.

Isaías 1:18

Yu'un ti Diose xi ta xalboxuc ava'iique: “La'ic li'e, lo'ilajcutic xchi'uc ti c'op taje. Ac'o mi cuxul mulil ta j'ech'el ti c'u s'elan ataojique, sac ts'ayan no'ox ta xac'otic cu'un jech c'u cha'al ti bote. Ac'o mi jun to cuxul tsajal poc' s'elan ti lamal c'otel ta atojolique, sac mesan no'ox ta xac'otic cu'un jech c'u cha'al ti saquil tsotse.

Isaías 12:6

Avananic ta muyubajel, jnaclejetic yu'un ti lum Sione, yu'un ti ch'ul Dios yu'un Israele, oy ta o'lol avu'unic xchi'uc scotol ti smuc'ul stsatsale.”

Isaías 33:21

Ti bu taje, jun yutsil ta xac' iluc yutsilal slequil ti Dios ta jtojoltique. Ja' jun yavil uc'umetic ti jamal lec ti yacan ta x'oquine. Mu xu' ta x'ochic batel ti jcontrainvanejetic ta nuxetel xchi'uc sbarcoic ti ta te' no'ox ti majob vo' yu'une, xchi'uc ti yan muc'tiquil barcoetique.

Isaías 33:22

Yu'un ja' xa jchapanvanej cu'untic ti Diose. Yu'un ja' xa j'ac'-mantal cu'untic ti Diose. Yu'un ja' xa Ajvalil cu'untic ti Diose. Yu'un ja' xa jpojvanej cu'untic ti stuque.

Isaías 38:17

Q'uelo avil un, ti jech mu xnel mu x'ech' ti jvocole, avi tana une, mu'yuc xa c'usi jna'. Laj to amac ta be ti q'uelel xa ox ta jtojol ti tsutsesvanej muquinale, yu'un laj to ach'aybun ti jmul jcolo'e.

Isaías 41:10

Mu xaxi', yu'un li' jchi'inojote, mi ja'uc xatsiq'ues avo'nton, yu'un Diosun avu'un. Ta xcac'bot avip, ta jcoltaot. Ta sventa ti jelavem xu' cu'une, icbil japbilot cu'un.

Isaías 8:10

C'otuc xa ta nopel avu'unic ti c'usi sc'an pasele, ta xc'ot ta soquel ta be; abtelano xa avilic ti c'usi sc'an pasele, mu'yuc xc'ot ta pasel, yu'un sva'anoj sba ti Dios ta jtojolcutique.

Jeremías 50:20

Ti vu'un Diosune xi ta jva'an jbae: Ti jech yorail taje, ti Israele xchi'uc ti Judae, ch'abal xa ti smul scolo'ic ta xa'iique. Ta jch'aybe smul scolo' ti c'u to yepal cuxul ta xcome.

Ezequiel 48:35

Smocal ti jteclum ta joyobe, yich'oj balunmil (9,000) metro sbisol. ‘Li' oy ma' ti Diose’, xi sbi ta xich' liquel ti jteclume”, xi laj yal ti Dios ti scotol xu' yu'une.

Joel 2:27

Va'i un, ti vo'oxuc une, israeletic, ta xlic ana'ic ti tey ono'ox jchi'inojoxuc ti vu'un Diosune. Vu'un ti Diosun avu'unique, mu'yuc buch'u yan. Laj sc'oplal ti nijil chimil ta xcomic ta q'uexlal ti jteclumale.

Levítico 9:24

Yu'un loc' talel c'oc' ta stojol ti Diose. Mu'yuc xvinaj c'uxi bat ti chon bolom ti ta xich' chiq'uele xchi'uc ti xepu'etic ti oy ta sba ti altare. Ti jech laj yilic taj une, scotol ti israeletique xmuyubajic xa lic avanicuc, xchi'uc snupilanic xa banomil laj spatan sbaic ta lum.

Números 14:18

ti mu xana' xacap ta anile, ti jelavem ti xc'uxul avo'ntone, ti xana' xatub ti toyobbaile, ti c'usi chopole, ac'o mi ta ono'ox xavac'be stoj ti buch'u chopole. Yu'un ta ono'ox xavac'be stoj smulic ti totil me'ile, ti ta sta ta maquiel xtoc ti nich'nabile, ti momiletique, ti yialmomiletique, ti smomic xtoc ti yialmomiletique.

Números 14:19

Yu'un ti jech ech'em xc'uxul avo'ntone, ch'aybo ti xchopolalic ti jteclum li'e. Yu'un ts'ic xa talel avu'un ti staoj o yav ti c'u s'elan stalelic ti loq'uic talel ta Egiptoe, ti jech to yacalic ti bu xa xtalic avi tana li'e.

Números 16:3

Scotolic ti va'i yepal taje laj svol sbaic batel ta stsaquel ta c'op ti Moisese xchi'uc ti Aarone, ti xi laj yalbeique: —¡Li' xa no'ox c'alaluc lajuc sc'oplal ti ich'biloxuc ta muq'ue! Yu'un scotol jteclum t'ujbil ono'ox yu'un ti Diose. Oy ta jtojol jcotoltic ti Diose. ¿C'u cha'al ya'yel un cha'e ti co'ol to s'elan banquilal ajvalil xava'i abaic ta stojol ti xnich'nab Diose?

Números 9:22

Yan ti mi volol ta xcom ti toc ta sba ti ch'ulnae, mi jun c'ac'al, mi jun u, mi jun jabil, jech ti israeletique ta xcom svol sbaic ta naclej. Mi ja'uc ta xjelavic batel. Yan ti mi ta svol sba batel ti toque, ta stam batel ti sbeique.

San Mateo 1:23

‘Ta xchi'in yol ti jun tojol tsebe. Ta x'ayan jun squerem, Emanuel ta xac'be sbiin.’ (“Dios ta sva'an stec'an sba ta jtojoltic”, ti xi ta xac'be sbiine.)

Romanos 6:14

Laj to sc'oplal un ti oy yip ti mulil ta atojolique, yu'un ma'uc xa oyoxuc ta yoc ta sc'ob ti oy c'usi tsots albil sc'oplale. Yu'un oyoxuc xa ta slequilal yutsilal yo'nton ti Diose.

Romanos 8:1

Avi tana une, mu'yuc xa chba stoj smulic ti buch'utic oyic xa ta stojol ti Jesucristoe.

2 Corintios 2:14

Coliyal ti Diose ti scotol c'ac'al ja' j'ic'vanej cu'uncutic ti Cristoe yo' jech xu' cu'uncutic ta yalel ti lequil ach' c'op yu'une, ti jun yutsil smuil ta xtanij batel ti buyuc no'oxe.

2 Corintios 5:19

Ti xcaltique, laj slajesbe sba yo'nton stuc ti Diose c'alal laj yac'be sbain jmultic ti Cristoe, yu'un mu'yuc laj yac' ta venta ti jmultique. Yu'un laj yac'bun cabtelcutic ta yalbel ya'iic ti jnaclejetic ta banomil ti ch'abal xa smulic x'ileic yu'un ti Diose.

2 Corintios 6:16

¿Mi yu'un xu' ta jtic'tic ochel ta xch'ulna Dios ti c'usi meltsanbil ta c'abale? Yu'un ti vo'otique c'otemotic xa ta xch'ulna ti cuxul Diose jech c'u cha'al ti xi laj yal stuc ti Diose: “Ta xinaqui ta stojolic. Ta jchi'in ta xanobal. Diosun yu'unic. Jech ti stuquique ja'ic ti calab jnich'nabtaque.”

Deuteronomio 31:23

Ti Josuee, xnich'on ti Nune, xi xcholet albat mantal yu'un ti Diose: “Tsotsan, ac'bo yipal, yu'un vo'ot ta xabain ta stiq'uel ochel ti israeletic ta muc' ta lum ti laj jva'an jba ta yalel ti ta xcac'beique. Yu'un nabalun ta axocon.”

Deuteronomio 32:5

“Yu'un xi ac'oplalic ti chopol pucujil jnaclejetic ti ta stsaquic ta c'op ti Diose, ti mu ja'uc jutebuc xc'ot o ti bisbilic ta xnich'nabe.

Deuteronomio 33:5

Ti ta Jesurune, ayan talel jun ajvalil ti c'alal laj stsob sbaic ti banquilaletic yu'un ti jteclume,” ti c'alal lic stsob sbaic ti snitilultac ti israeletique.

Deuteronomio 9:24

¡Yu'un toyobbaoxuc ono'ox ta stojol ti Ajvalil Dios ti c'uxi lic cojtiquinoxuc talele!

Jueces 6:13

Ti Gedeone xi laj staq'ue: —Ati jsoques la avo'nton tanae, yojtot, ati li'uc la xchi'inojuncutic ti Diose, ¿c'u la cha'al ti vi s'elan ta xc'ot ta jtojolcutic scotol le' un cha'e? ¿Bu bat scotol ti c'usitic ch'ayal ta xc'ot o'ntonal yu'un ti muc'tic ta spas ti Diose, ti c'alal laj yalic ti jmolmuc'totcutic ti ja' laj sloq'uesuncutic talel ti Dios ti oyuncutic ta Egipto ti xiique? Yu'un ta xquilcutic ti laj xa stenuncutic comel ti Diose. Laj xa yac'uncutic ta yoc ta sc'ob ti madianitaetique.

1 Samuel 25:28

Ch'aybo smul scolo' ti avajtunel li'e. Jbel sc'oplal ta j'ech'el ta stic' sba ti Dios ta atojole yo' jech mu xtub ac'oplalic ta spasel mantal xchi'uc ti anitilultaque, ti atic'oj aba ta letovajel yu'un ti Diose. Ti c'u sjalil cuxulote, mu'yuc c'usi chopol ta xc'ot ta atojol.