Números 23:19 - Bible in Tzotzil de Chamula

¹⁹ Yu'un xi s'elan ti Dios ti mu co'oluc s'elan jech c'u cha'al ti buch'u sna' xcham xlaje: mu sna' sjut, mi ja'uc xtal xbat ti snopobil yu'une. Mi yu'un oy c'usi ta sc'an ta spase, ta xc'ot ono'ox ta pasel yu'un. Mi yac'oj sc'op ti ta spase, ta xc'ot ono'ox ta pasel yu'un.

Bible in Tzotzil de Chenalhó with Deuterocanon

¹⁹ Li Diose mu jechuc jech chac c'u cha'al cristianoetic ti sna' xchamique. Mu sna' x'epalc'opoj; mu sna' sjel li c'usi tsnope. Me oy c'usi chloc' ta yee, persa tspas. Me oy c'usi chal ta jamale, persa chac' c'otuc ta pasel.

Números 23:19 Iomraidhean Croise

Génesis 26:3

Avi tana li'e, naclan ta jteclum. Ta jchi'inot. Ta jva'an jba ta atojol. Yu'un ti banomil li'e, chapal sc'oplal ta xcac'bot avich' xchi'uc ti anitilultaque. Ti jech taje, ja' ta xc'ot ta pasel cu'un ti jtrate calojbe ti atot Abrahame.

Génesis 28:15

Li' jchi'inojote. Ta jchabiot ti buyuc no'ox ta xabate. Ta xcac' sutan batel ta banomil ti bu lalic talele. Ta xc'ot ta pasel cu'un jech c'u cha'al ta xcalbote. Mu xa xquictaot comel.”

1 Reyes 14:11

Ti ta xchamic ti avuts' avalaltac ta jteclume, ts'i' xve' o yu'unic. Ti buch'u ta xchamic ta osiltique, xulem xve' o yu'unic. Jech c'ot ta nopel cu'un ti vu'un Ajvalilune.’

2 Reyes 15:12

Taje, ja' c'ot ta pasel ti jech ono'ox caj'albat ti Jehú yu'un ti Dios ti ta xchanq'uexelal totil me'iletic ta x'ech' chotiicuc ta ajvalil ti xnich'nabtaque.

2 Reyes 7:2

Ti yajcoltaobba stuc ti ajvalile xi laj stac'be ti j'alc'ope: —Ac'o mi ta sjam talel sti' vinajel ti Diose, mi ja'uc ta xc'ot ta pasel ti va'i s'elan ta xavale. Ja'uc ti Eliseoe xi laj staq'ue: —Ma' taje, ta xavil ta aba ta asat, ti mu ja'uc xa ta xatun ta xalajes une.

1 Crónicas 17:17

¡Le'e, Cajval, yamal ono'ox sc'oplal ti laj jta avu'une, ja' x'ech' to sc'oplal ti laj xa avalbe sc'oplal ti c'usi ta xc'ot ta stojol snitilultac ti avajtunele, ti cajal c'ot jc'oplal avu'une!

Salmos 110:4

Ti Diose xi laj sva'an sba ta yalel ti mu sutes ti ye sti'e: “Paleot sbatel osil jech c'u cha'al ech' ti Melquisedeque.”

Salmos 132:11

Ti Diose laj sva'an sba ta yalel strate ta stojol ti Davide, ti xi s'elan ti mu xu' ta sutes yee:

Salmos 77:9

¿Mi ch'ay o sc'oplal yu'un slequil yutsil yo'nton ti Diose? ¿Mi j'ech'el capem o sjol ti mu xa xc'uxubaj jset'uque?

Salmos 89:34

Mu jch'aybe sc'oplal ti jtratee, mu stselbuj cu'un ti jc'ope.

Salmos 89:35

Ta sventa ti oy jlequil cutsile, j'ech'el xi laj jva'an jba ta rextico ta stojol ti ma'uc ta jute:

Isaías 21:17

Yu'un jun chib xa no'ox ta xcom syolobic ti j'ac'-letoetic yu'un ti lum Cedare.” Ti va'i s'elan taje, ja' ta xal ti Ajvalile, Dios yu'un ti Israele.

Isaías 31:2

Yu'un ti stuque mu teyuc no'ox xch'ayet, sna' c'u s'elan ta sliques ti vocole. C'alal ta xal ti oy c'usi ta spase, mu xch'ay ta be yu'un. Ta sliques yabtel ta scontrainel ti buch'utic spajeb xa no'ox c'usitic ta xloc' ta ye sti'ique, xchi'uc ti buch'utic ta stic' sba ta scoltael ti jchopol joletique.

Isaías 40:8

Ti momole ta xtaquij, ta xnucultaj ti nichime, ja'uc ti sc'op Diose, j'ech'el mu xtub o.”

Isaías 46:11

Ta stuq'uil to sloq'ueb c'ac'al, laj jta ta iq'uel jun vinic, ti co'ol s'elan jun jti'oval mut ta nom ta xlic talele, ta yabtelanel yo' ta xc'ot cu'un ti c'u s'elan jnopoje. Ti c'u s'elan loc' xa ta alel cu'une, ja' jech ta jpas un, c'ot ta chapel cu'un, mi ja'uc stselbuj.

Isaías 55:11

Ja' jech ec ti c'u yepal ta xloc' ta que ta jti'e. Mu yu'unuc ch'abal yabtel ta xcom ti c'alal ta sut ta jtojole. Ta xlic spas ti c'usi ta jc'ane. Ta xc'ot ta pasel yu'un ti c'u s'elan ta xcale.

Jeremías 4:28

Ti banomile mu albajuc ta xlic ya'i ti at-o'ntone. Ti vinajele ta xlic ya'i ti me'inale. Jech laj xa cal, mi ja'uc ta jsutes jba. C'ot ta nopel cu'un, mi ja'uc ta jcha'na'.

Daniel 4:28

Scotol ti va'i s'elan ta xcaj'alolanbat ti c'usi ta xc'ot ta stojol ti ajvalil Nabucodonosore, yu'un xi s'elan c'ot ta pasele:

Oseas 11:9

Mu'yuc ta jpas ta atojol ti xi s'elan ta xac'ot yu'un ti sc'ac'al co'ntone: Mu'yuc xa ta jtubbot ac'oplal yan velta, Efraín, yu'un Diosun ti vu'une, ma'uc jeche' vinic no'ox, yu'un vu'un ch'ul Diosun ti oyun ta atojole. Ma'uc lital yo' ta jtubbot ac'oplal.”

Miqueas 7:20

Staojuc me yav ac'o ta q'uelel ti yutsil slequil avo'ntone, ti syail xc'uxul avo'nton ti laj aval ta vo'ne ta stojol ti jmolmuc'totcutic Abrahame xchi'uc ti Jacobe.

Habacuc 2:3

Ti c'usi la'ac'bat avile, ta to xjalij jutuc yo' ta xc'ot ta pasel, ja' no'ox un, mu ono'ox sts'elbuj. Ac'o mi jal ya'luc, ja' no'ox un, malao no'ox ava'i, ja' to xavil ti xyaquet no'ox ta xc'ot ta pasele.

Malaquías 3:6

“Ti vu'un Diosune, mi jutebuc jyanijesoj jba. Ti vo'oxuc snitiluloxuc ti Jacobe, mu'yuc to laj avich'ic tsutsesel.

Números 14:35

Ti vu'un Ajvalilune, mu me lo'iluc no'ox ti xi ta xcale. Ja' jech ta jpasbeic ti chopol jteclum ti svoloj sbaic ta scontrainelune. Yu'un li' ta sbajtical banomil ta xc'ot ta tsutsel ti yuni c'oplalique. Li' ta xcham ta xlajique.”

Números 23:18

Ti Balaame xi xcholet laj scaj'al jech c'u cha'al li'e: “Balac, xnich'onot ti Zipore, ts'et chiquintao ava'i li'e.

San Lucas 21:33

Ti banomile, ti vinajele ta xlaj, ta x'ech' sc'oplal. Ja'uc ti jc'ope, mu stselbuj sc'oplal. Ta ono'ox xc'ot ta pasel.

Romanos 11:29

Ti c'u s'elan loc' ayan ta yo'nton ti Dios ta xaq'ue, mu spoj sutel, mi ja'uc laj xa xcha'na' ti buch'utic laj yic' talele.

Romanos 9:6

Ma'uc yu'un ch'ay ti c'usi yaloj ti Dios ta stojol ti Israele, yu'un mu scotoluc ti israeletic ta sventainic ti c'usi yaloj ti Diose, yu'un mu scotoluc bats'i snitilul ti Israel ta melele.

2 Timoteo 2:13

Mi mu junuc co'ntontic ta stojole, ti stuque staoj yav jun yo'nton, yu'un mi ja'uc syanijes sba ti stuque.

SUN TITO 1:2

ti ja' spatobil yo'ntonic ta stael xcuxlejalic sbatel osile. Ti Diose mu sna' sjut c'op, yu'un c'alal mu'yuc to ox meltsajem ti banomile, yaloj ono'ox ta xac' ti cuxlejale.

Hebreos 6:18

Ja' yu'un un, ta sventa ti cha'bel taje, ti jbel sc'oplal mu stac' jelele, xchi'uc ti mu sjut c'op ti Diose, xpatet to co'ntontic yu'un ti jech laj xa jsa'tic jpojel jcoltaeltic ta stojole.

Hebreos 7:21

Ja'uc ta sventa ti Cajvaltique, le'e, oy Buch'u laj sva'an sba ta rextico ta stojol, yu'un ts'ibabil ta ch'ul c'op ti xi ta x'albat ti sc'oplale: “Paleot sbatel osil, yu'un laj xa jva'an jba ta rextico ta atojol. Mu jel ti jc'ope.”

Santiago 1:17

Scotol ti c'usitic oy slequil yutsile, ti c'usi oy stuq'uil ta xij'ac'bate, ta xlic talel ta vinajel bu oy ti Diose, ti Buch'u laj smeltsan ti c'usitic ta xac' xojobal ti oy ta vinajele. Yu'un ti Diose staoj o yav ti c'u s'elane, mu syanijes sba, yu'un mu'yuc ta stojolal ti c'usi chopole.

Santiago 4:5

Mu xanop ti jeche' no'ox ti xi ta xal ti ch'ul c'ope: “Ti Ch'ul Espíritu ti laj yac' nacluc ta jtojoltic ti Diose, ja' no'ox ta sc'an ti junuc co'ntontic xchi'uc ti Diose.”

Josué 21:45

Mi ja'uc jbeluc sc'op ti Dios ti mu'yuc xc'ot ta pasel yu'un scotol ti c'usi loc' ta ye ta sti' ti laj yal ta spas ta stojol ti israeletique.

1 Samuel 15:29

Yu'un ti Diose, ja' yutsil slequilalic ti Israele, jbel xc'opoj. Mi ja'uc sna' sutes sba. Mu xco'olaj jech c'u cha'al jeche' vinicuc no'ox ti xlic xcaj no'ox ti c'usi ta snope.

1 Samuel 3:12

Ti jech c'ac'al taje, ta xc'ot ta pasel cu'un scotol jech c'u cha'al calojbe ya'i ti oy c'usi ta xc'ot ta pasel ta stojol yalab xnich'nab ti Elie.