Números 23:15 - Bible in Tzotzil de Chamula

¹⁵ Ti bu taje, ti Balaame xi laj yalbe ti Balaque: —Coman to li' ta sts'el ti c'usi yich'ojan svocole. Ja'uc ti vu'une xba jnup jbacutic ta be xchi'uc ti Diose.

Bible in Tzotzil de Chenalhó with Deuterocanon

¹⁵ Li Balaame jech laj yalbe li Balaque: —Coman li' yo' bu la jmilbetic smoton Diose. Li vu'une chbat jta ta c'opanel li Diose —xi.

Números 23:15 Iomraidhean Croise

Números 22:8

Va'i un, xi albatic yu'un ti Balaame: —Ti ac'ubaltic tana li'e, comanic. Ta xcalboxuc ava'iic ti c'u s'elan ta xalbun ca'i ti Diose. Jech ti moletic yu'un ti Moabe comic xchi'uc.

Números 23:14

Jech ti Balaque laj yic' ech'el ti Balaam ta yosilal Zofim ta jun toyol vits yu'un Pisga ti bu laj xchapanic ta meltsanel vucub altare. Laj yac'beic yich' svocol jcot ch'iom vacax xchi'uc jcot chij ti jujune.

Números 23:16

Jech ti Diose tal snup ta be ti Balaame. Ac'bat ta ye ta sti' ti c'u s'elan xu' ta xale, ti xi albat xtoque: —Sutan batel ti bu oy ti Balaque. Ja' no'ox xavalbe ya'i jech c'u cha'al laj calbot ava'ie.

Números 23:3

Ts'acal to un, ti Balaame xi laj yalbe ya'i ti Balaque: —Coman li' ta sts'el ti c'usi laj yich' svocole. Ja'uc ti vu'une xbat jq'uel quic mi ta xtal snupun ta be ti Diose. Mi laj une, ta jcholbot ava'i ti c'u s'elan laj yalbun ca'i ti Diose. Jech ti Balaame bat ta stselejal sbajtical banomil ti sts'ijlajane,

Josué 24:10

Mi ja'uc laj cac' que jti' ti ta sc'anboxuc alajel atubelic ti Balaame. C'ajomal no'ox c'ot ta pasel ti laj sc'anboxuc ti alequilal avutsilique. C'ot ta pasel ti laj jpojoxuque.