Números 23:1 - Bible in Tzotzil de Chamula

¹ Va'i un, ti Balaame xi laj yalbee: —Meltsanbeicun vucub altar li'e. Chapanic vuc-cot vacax xchi'uc vuc-cot chij.

Bible in Tzotzil de Chenalhó with Deuterocanon

¹ Li Balaame jech lic yal: —Pasbicun vucub scajleb smoton Dios li'i. Meltsanic vuccot ch'ium vacax xchi'uc vuccot ch'ium chij —xi.

Números 23:1 Iomraidhean Croise

2 Reyes 18:22

Yan mi xachi ta xavalbeicune: Ma' ti vu'uncutique jpatoj co'ntoncutic ti ja' jpojvanej cu'uncutic ti Diose. ¿Mi yu'un mu'yuc laj slilin loq'uel Ezequías ti jujun c'opojebaletique xchi'uc ti altaretic yu'un ti Dios taje? ¿Mi mu'yuc laj yalbe ya'i ti jnaclejetic ta Judae, xchi'uc ta Jerusalén ti c'ajomaluc no'ox spasbeic stoyel xi'el ta altar ti oy ta Jerusalene?

1 Crónicas 15:26

C'alal laj yilic coltabil yu'un Dios ti levitaetic ta yich'el batel ti caxae, lic yich' svocol yu'unic ta milel vuc-cot capon vacax sventa matanal, xchi'uc vuc-cot chijetic.

2 Crónicas 29:21

Yic'ojic batel vuc-cot (7) ch'in vacax, vuc-cot (7) chij, vuc-cot (7) ch'in chij, xchi'uc vuc-cot (7) ch'in tentsun, ti c'ot ta matanaletic yu'un smulic ti c'u yepal oy yu'un ti ajvalile, ta sventa matanal yu'un ti ch'ulnae, ta sventa matanal yu'un ti Judae. Ti ajvalile laj yalbe mantal ti paleetic snitilultac ti Aarone, ti yaq'uicuc ta chic'bil matanal ta sba yaltar ti Diose.

Job 42:8

Avi tana une, bat vu'lanbeicun ti cajtunel Jobe. Iq'uic batel vuc-cot tot vacax, xchi'uc vuc-cot tot chij, ti ta xachiq'uic ta yac'belun ta sventa ti vo'oxuque. Ja' ta xc'opoj xti'in ti cajtunel Job ta aventaique. Ich'bil ta muc' ta xc'ot cu'un ti sc'opojel sti'inele. Jech o xal un, mu'yuc c'usi chopol ta xc'ot ta atojolic cu'un, ac'o mi ja' xatunic o ti jechuque ta scoj ti mu jamaluc laj avalic jc'oplal jech c'u cha'al laj spas ti cajtunel Jobe.”

Éxodo 20:24

Ja' yu'un un, meltsanbeicun junuc altar ti meltsanbil no'ox ta latsbil lume. Cajanic tey ti chon bolometic ti oy ta acorralique, ti avacaxique, ti ta xich' svocol ta chiq'uel ta sventa ti lajesobil o'ntonale. Ta xtal jts'uiltas ta jujun ti bu ta jc'an ta xich' na'el ti jbie.

Proverbios 15:8

Ti Diose, j'ac'-ib-o'ntonal ta xil ti matanal ta xaq'uic ti buch'u mu'yuc xch'ulel xa'i sbaique; xmuyubaj xchi'uc ti sc'opojel sti'inel ti buch'u oy stuq'uil sjol yo'ntonique.

Ezequiel 33:31

Ti jteclumale ta xtalic, xchotiic xa vulel ta ats'el jech c'u cha'al liquem yu'unic ta ya'yiel ti ac'ope. Ti c'usi ta xaval une, mi jutebuc ta yo'ntonic ta spasic. Cacal ta yeic ta yalel jech c'u cha'al sq'uejimol jun lecombail, yu'un naca taq'uin ti ic'bil yo'ntonic xchi'uquique.

Ezequiel 45:23

Jujun c'ac'al ti vucub (7) c'ac'al sjalil ti q'uine, ta xich' aq'uel vuc-cot ch'in tot vacax, xchi'uc vuc-cot chij, mi jutebuc xchopolil ta xich' chiq'uel ta sventa ti Diose. Ma'uc no'ox un, ti jujun c'ac'ale, ta xich' aq'uel ta matanal jcot tentsun yich'uc milel ta scoj ti mulile.

Números 22:41

Sob ta yoc'omal un, ti Balaque bat sa' ti Balaame. Jech muy ech'el ta Bamot-baal ti bu xvinaj lec ta q'uelel ti lamalic ta joylej yaxibal naic ti israeletique.

Números 23:2

Ti c'u s'elan laj yal ti Balaame, jech laj spas ti Balaque. Jech xchibalic laj yaq'uic yich' svocol jcot ch'iom vacax, jcot ch'iom chij ti ta jujun altare.

Números 23:29

Ti bu taje, ti Balaame xi laj yalbe ti Balaque: —Chapano ta smeltsanel vucub altar li'e. Chapano xtoc vuc-cot ch'iom vacax xchi'uc vuc-cot chij.

Números 23:30

Ti Balaque laj spas jech c'u cha'al albat yu'un ti Balaame. Laj yac'be yich' svocol jcot vacax xchi'uc jcot chij ti ta jujun altare.

Números 29:32

“Ta yucubal c'ac'al une, ta xaq'uic vuc-cot ch'iom tot vacax, cha'cot tot chij, xchi'uc chanlajuncot ch'iom tot chij ti yich'oj to jun jabil ti mu'yuc jutebuc ti xchopolile.

San Mateo 23:13

“¡Mu cha'belucoxuc un, jchanubtasvanejetic yu'un ti oy c'usi tsots albil sc'oplale, jpac'taejba fariseoetic! ti mu xavaq'uic ochuc ti buch'utic ta sc'anic ventainel yu'un ti Diose. Mi ja'uc xa'ochic, mi ja'uc xavac' ochicuc ti buch'utic ta sc'an ta x'och ya'iique.

Judas 1:11

¡Mu xa ono'ox cha'bel ma' ti stuquic une! Laj xa xchanbeic yo'nton ti Caine. Ta scoj ti oy ono'ox ta yo'ntonic ta spas ya'iic canal taq'uine, ch'ayic ta be jech c'u cha'al ti Balaame, ti Coree. Ta xchamic ta scoj ti stoyobbailique.

1 Samuel 15:22

Va'i un, ti Samuele xi laj yale: “Ja' jun yutsil ta xil ti Dios ti ta xch'unbat ti c'usi ta xale, ja' mu sta sc'oplal ta x'ac'bat ti milbil chic'bil matanale. X'ech' xjelav sc'oplal ti xch'unbate, ti ts'etel lec chiquinal ta xich' a'yibele, peq'uel sc'oplal ta xc'ot ti milbil matanale xchi'uc ti xepu'al chij ti ta xich' ac'bele.