Números 22:7 - Bible in Tzotzil de Chamula

⁷ Ti moletic yu'un ti Moabe xchi'uc ti Madiane xtuchojic batel taq'uin yo' ta stojic ti lajel tubel sc'anique. C'alal c'otic ti bu oy ti Balaame, laj yalbeic ya'i ti c'u s'elan ti a'yej ti ja' yaloj ech'el ti Balaque.

Bible in Tzotzil de Chenalhó with Deuterocanon

⁷ Li banquilaletic yu'un Moab xchi'uc Madiane ibatic. Yich'ojic batel lec staq'uinic sventa stojol li c'usi chopol chbat sc'anique. C'alal ic'otic ta stojol li Balaame, c'ot yalbeic jech chac c'u cha'al laj yal batel li ajvalil Balaque.

Números 22:7 Iomraidhean Croise

Isaías 1:23

Ti ajvaliletic avu'une, naca jtoyobbaetic, ti lec xil sbaic xchi'uc ti j'eleq'uetique. Yu'un scotolic lec xa'iic stsaquel ti mich'ob c'abale, ti yac'oj batel satic ta stojol ti buch'u ta x'ac'batic ti matanaletic yu'unique. Mi ja'uc xa ta stic' sbaic ta spojel ta xchapanel ti buch'u mu'yuc buch'u oy yu'unique. Mi ja'uc xa ta stic' sbaic ta xchapanel sc'op ti c'usi ja' yu'un ti me'unal antsetique.

Isaías 56:11

Jun to jchamel vi'nal ts'i'etic ti mu xnoj ti xch'ut ta j'ech'ele. Jech c'u cha'al jun jq'uel-chijetic ti mu ja'uc jutebuc xa'ibeic ti smelole. Ti jujune stamoj batel sbeic ta sa'el ti c'usi ta xtun yu'unique.”

Ezequiel 13:19

Ti vo'oxuque, ta jop cha'jop no'ox jchop o ta trigo, xchi'uc ta jxoxel ta jcha'xoxel no'ox ve'lil, ta xasoquesbeicun jc'oplal ta sba ta sat ti jteclumale. Muts'ul sba sat ta xavaq'uic ta milel ti buch'utic mu'yuc to loq'uem sc'oplal ta xchame. Yan ti buch'u loq'uem xa sc'oplal ta xchame, lec xava'iic ti cuxule. Ja' jech ta xlaj ta lo'lael avu'unic ti jteclumal ti buch'u ta x'och ta yo'ntonic ti jutbil c'opetique.’

Ezequiel 21:21

Ti ajvalil yu'un ti Babiloniae va'al xa bu ta xch'ac sba ti chib bee. Xi ta sjac'olan ti yorail yu'une: Sjimolan xa ti sni' syolobtaque. Sjac' xa sba ta stojol ti diosetic yu'une. St'unilan xa ta sventa secub ti chon bolometique.

Miqueas 3:11

Ti jchapanvanejetic yu'un ti jteclume, toj lec xa'iic stsaquel ti mich'ob-c'abale; ti paleetique ta xchanubtasvanic c'alal mi ta x'ac'batic taq'uine. Jech ti j'alc'opetic xtoque ta sc'anic taq'uin yu'un ti c'usitic xu' ta scaj'alique, ti cajal xa ye sti'ic ta xalic ti ja' coltabilic yu'un ti Diose, yu'un xi ta xalique: “Ja' chi'inbiluncutic yu'un ti Diose, mi ja'uc ti oy c'usi chopol ta xc'ot ta pasele.”

Números 22:8

Va'i un, xi albatic yu'un ti Balaame: —Ti ac'ubaltic tana li'e, comanic. Ta xcalboxuc ava'iic ti c'u s'elan ta xalbun ca'i ti Diose. Jech ti moletic yu'un ti Moabe comic xchi'uc.

Números 23:23

Yu'un ti Jacobe, mu'yuc c'usi xavut xamets'ta, mi ja'uc ta xc'ot ta stojolic ti slajel stubelic ta xich' c'anbel ti Israele. Avi tana le'e, tsots sc'oplal ti ac'o xi yich' alel ta stojol ti Israele: ‘Mu no'ox albajuc yepal ti c'usitic jun yutsiquil laj yac' ta ilel ti Dios ta atojolique.’

Números 24:1

Ti c'alal laj yil ti Balaam ti lec ta xa'i ti Dios ti ta sva'an sba ta stojol ti Israele, mi ja'uc xa bat yich'be talel ye ti Ajvalil jech c'u cha'al laj spasolan talele. Yu'un c'ajomal no'ox laj sq'uel batel ti sbajtical banomile.

Romanos 16:18

Yu'un ti buch'utic jech stalelic taje, ma'uc yajtuneltac ti Cajvaltic Jesucristoe. C'ajomal no'ox yac'ojbeic yipal ta spasel ti c'usi ta sc'an ti yo'ntonique, xchi'uc jun xa yutsil ye sti'ic ta spas sbaic yo' ta slo'laic ti buch'utic co'ol s'elan ololetic ta xilique.

SUN TITO 1:11

Taje, sc'an pajesel yo' ta xmac ti ye'ique, yu'un sbejel ta na ta syanijesbe sjol yo'ntonic ti c'alal mi ja'uc jutebuc oy stuq'uil ti c'u s'elan ta xchanubtasvanique, yu'un naca pas canal taq'uin ta sc'anic.

Josué 13:22

Ma'uc no'ox taje, ti israeletique laj smilic ti jt'unvanej Balaam xnich'on ti Beore, xchi'uc yepal to laj smilic ti yane.

2 Pedro 2:15

Ch'ayemic ta be, yu'un laj xa yictaic comel ti tuq'uil bee. Yu'un ja' xchanojbeic yo'nton ti j'alc'op Balaame, xnich'on ti Beore. Yu'un ti Balaame ta ox spas ya'i canal taq'uin ta spasel ti c'usi chopole,

Judas 1:11

¡Mu xa ono'ox cha'bel ma' ti stuquic une! Laj xa xchanbeic yo'nton ti Caine. Ta scoj ti oy ono'ox ta yo'ntonic ta spas ya'iic canal taq'uine, ch'ayic ta be jech c'u cha'al ti Balaame, ti Coree. Ta xchamic ta scoj ti stoyobbailique.