Números 22:41 - Bible in Tzotzil de Chamula

⁴¹ Sob ta yoc'omal un, ti Balaque bat sa' ti Balaame. Jech muy ech'el ta Bamot-baal ti bu xvinaj lec ta q'uelel ti lamalic ta joylej yaxibal naic ti israeletique.

Bible in Tzotzil de Chenalhó with Deuterocanon

⁴¹ Ta sob yoc'omal, li Balaque laj yic' muyel ta Bamot-baal li Balaame, yu'un ja' lec xvinaj batel scarpanaic li israeletique.

Números 22:41 Iomraidhean Croise

2 Crónicas 11:15

Lic sva'anan yajpaletac stuc ti Jeroboam ti ta x'abtejic ta ch'ulna ti ma'uc sventa ti Diose, ta sventa stoyel xi'el ti pucujetique, xchi'uc ti loc'tabil vacaxetic ti laj yac' ta meltsanele.

Jeremías 19:5

Laj smeltsanic xtoc altaretic sventa ta xchiq'uic xnich'nabic ta sventa smoton ti Baale, c'alal mu'yuc loq'uem ta quee, mu'yuc calojbeic mantal, mi jutebuc jech oy ta co'nton.

Jeremías 48:35

Ti Diose xi ta sva'an sba ta yalele: “Ta jtubbe sts'unubal ti jnaclejetic ta Moab ti batem yo'ntonic ta yac'bel milbil matanal xchi'uc chic'bil pom ti diosetic yu'unic ta jujun c'opojebaletic ti oy ta stselejtique.

Números 21:28

Yu'un ta Hesbón ti ja' muc' ta lum yu'un ti Sehone, ta xtil talel nich c'oc' ti ta stsutses ti Ar yu'un ti Moabe, xchi'uc ti muc' ta vitstic ti oy ta Arnone.

Números 22:40

ja' ti bu stacoj batel mantal ti Balac ta smilel ti vacaxe, xchi'uc ti chije, xchi'uc ti ac'o yiq'uic ech'el ti Balaame xchi'uc ti moletic ti xchi'inojan ech'el ti bu taje.

Números 23:1

Va'i un, ti Balaame xi laj yalbee: —Meltsanbeicun vucub altar li'e. Chapanic vuc-cot vacax xchi'uc vuc-cot chij.

Números 23:13

Xi xvulvun xa liquel ti Balaque: —Batic le' ta jote, ti bu ja' no'ox ta xc'ot asat ta sq'uelel spat xocon ti bu lamalique. Ma'uc ta xata ta q'uelel scotol ti bu lamalique. Ti teyuc to c'alal xu' xac'anbe ech'el ti slajel stubelique.

Deuteronomio 12:2

“Yu'un xi s'elan sc'an xapasique: Lilinic ta j'ech'el ti jujun c'opojebal ti'inebal yu'unic ti lum yavil ti bu ta snijan xchiman sbaic ta yich'el ta muc' ti diosetic ta banomil ti bu ta xavu'ninique, ja' ti oy ta jujun toyol jol vitse, ti ta jujun yoc vitse, ti ta jujun yolon ti limlim yoc te'etique.