Números 22:4 - Bible in Tzotzil de Chamula

⁴ Va'i un, ti jnaclejetic ta Moabe xi laj yalbeic ti moletic yu'un ti Madiane: “Scotol ti jteclum le'e, ta jc'utel no'ox ta xu'ninic ti jbanomiltic jech c'u cha'al junuc vacax ti jc'utel no'ox ta xac'be ti yaxal ti oy ta osiltic ti c'alal ta slo'e.” Ti jech yorail ta vo'ne taje, ja' o ochem ta ajvalil yu'un Moab ti Balaque.

Bible in Tzotzil de Chenalhó with Deuterocanon

⁴ Ja' yu'un li moabetique jech laj yalbeic li moletic yu'un madianetique: “Scotol li cristianoetic le'e, ta xijyulesutic ta ora c'alal ta cosilaltic jech chac c'u cha'al vacaxetic ti chulesic ta ora jobeltique”, xutic. Ta sc'ac'alil le'e ja'o ochem ta muc'ta ajvalilal te ta Moab li Balaque.

Números 22:4 Iomraidhean Croise

1 Reyes 11:18

Loq'uic ech'el ta Madián, c'otic ta Parán, ti bu laj yiq'uic batel viniquetic ti c'ot ta smosovique. C'alal c'otic ta Egiptoe, bat sc'oponic ti faraón ajvalil yu'un ti lum Egiptoe, ti ac'bat snaic xchi'uc q'uelanbatic yosil sbanomilic yu'une.

Éxodo 15:15

Ti banquilal soldadoetic yu'un ti Edome mu xa xchi'ucuc xch'ulel ta xa'iic; ti banquilaletic yu'un ti moabitaetique ta xniquic ta xi'el; ti cananeoetique, scotolic, nom c'ot yu'unic ti jelavem xu' yu'unique.

Jeremías 48:38

“Scotol ti macob c'ac'al ta xcha'cajal naetic yu'un ti lum Moabe, ta scotol ti calleetique, naca xa oq'uel xnic ta a'yiel ta jujujot. Yu'un co'ol s'elan junuc bin mu'yuc stu laj jlilin ta voq'uel ti Moabe. Ti vu'un Ajvalilune, mu lo'iluc no'ox ta xcal.”

Números 22:2

Ti Balac ti ja' xnich'on ti Zipore, stuc'ulanoj lec ti c'u s'elan laj spasic ti israeletic ta stojol ti amorreoetique.

Números 22:7

Ti moletic yu'un ti Moabe xchi'uc ti Madiane xtuchojic batel taq'uin yo' ta stojic ti lajel tubel sc'anique. C'alal c'otic ti bu oy ti Balaame, laj yalbeic ya'i ti c'u s'elan ti a'yej ti ja' yaloj ech'el ti Balaque.

Números 24:17

Ta xquil ti oy c'usi ta xc'ot ta pasel le' to ech'ele, ti nom to xvayet ta q'uelel ti xi s'elan ta xc'ot ta pasele: Yu'un co'ol s'elan jbej c'anal ta xloc' talel ta stojol ti Jacobe, ti ta xc'ot ta ajvalil yu'un ti Israele. Ta xpech'be ta teq'uel sjol ti Moabe; ta xpech' ta teq'uel scotol snitilultac ti Sete.

Números 25:6

Ja'uc un, oy jun israelal vinic ti yic'oj batel ta sna jun madianita antse, ti laj yic' jelavel ta sba ta sat ti Moisese, xchi'uc ta sba ta sat xtoc scotol ti israeletic ti c'alal ja' o tsobolic ta x'oc' x'avanic ta ochebal sti' ti Axibalna ti bu nupel ta bee.

Números 31:1

Ti Diose xi laj yalbe ti Moisés ti c'alal laj sc'opon talele:

Números 31:8

Laj smilic ti Evie, ti Requeme, ti Zure, ti Hure, xchi'uc ti Rebae. Taje, ja'ic ti vo'ob ajvaliletic yu'un ti madianitaetic xcaltique. Laj smilic xtoc ti Balaame, xnich'on ti Beore.

Jueces 11:25

¿Mi yu'un ta xava'i ti jelavem to ac'oplale, ti ja' mu sta sc'oplal ti Balac xnich'on ti Zipor ajvalil yu'un ti Moabe? Ja'uc le' une, mu'yuc xtal stsacuncutic ta leto.

Jueces 6:1

Ja'uc ti israeletic une chopol lic spasic ta sba ta sat ti Diose. Yu'un vucub (7) jabil sjalil aq'ueic ta yoc ta sc'ob madianitaetic yu'un ti Diose.