Números 22:16 - Bible in Tzotzil de Chamula

¹⁶ Ja' xa bat sq'uelic ti Balaame, ti xi laj yalbeique: —Ti Balac ti ja' xnich'on ti Zipore xi la ta xalbot ava'i ti mantal ti laj stacbot talele: “Avocoluc, mu xajalta aba ti xtal aq'uelune.

Bible in Tzotzil de Chenalhó with Deuterocanon

¹⁶ Jech ibatic yo' bu oy li Balaame, jech c'ot yalbeic: —Li Balac xnich'on Zipore, jech laj yal tal: ‘Avocoluc mu xajalan aba, la' me ta ora.

Números 22:16 Iomraidhean Croise

2 Samuel 13:28

Xi yalojbe xa ya'i mantal ti yajmosovtaque: “Mi laj avilic ta xyacub xa ti Amnone, ti c'alal ta xcal ta xamilique, milic me. Mi ja'uc xaxi'ic yu'un, yu'un vu'un jmantal. Ja' yu'un un cha'e, tsotsanic, mu xatsiq'ues avo'ntonic.”

Daniel 2:48

Laj taj une, jech ti ajvalile lic yac'be cajal yabtel ti Daniele. Spajeb xa no'ox yutsiquil ti matanaletic laj yac'bee. Ma'uc no'ox taje, yu'un laj yac'be yabtel ti c'ot ta its'inal ajvalil yo' ta sventain yosilal ti jteclum Babiloniae, xchi'uc c'ot ta banquilal jpas-mantal ta stojol scotol ti buch'utic bijil viniquetic ta muc' ta lum taje.

Números 22:15

Ja'uc ti Balaque mu x'ech' yo'nton. Laj no'ox xcha'tac ech'el moletic ti x'ech xa yepalique, ti x'ech' to ich'bil yeique, ti ja' mu sta ta ba'yele.

Números 22:17

Yu'un ta j'ech'el ta xquich'ot ta muc'. Ta xcac'bot scotol ti c'usi ta xac'ane. La' me un, ch'ul abolajan cu'un ti c'anbo slajelic stubelic ti lum ti laj calbot ava'i sc'oplale.”

Números 22:37

Ti Balaque xi laj yalbe: —Mu xlaj co'nton staquel mantal ta aviq'uel. ¿C'u cha'al ti mu xac'an xatale? ¿Mi xavac'touc ti jutuc no'ox ac'oplal ta xca'i ti avaloje?