Números 21:9 - Bible in Tzotzil de Chamula

⁹ Jech ti Moises une laj smeltsan sloc'ol chon ta jun c'anal taq'uin. Laj sjoc'an ta jun te' ti co'ol s'elan ste'el banderae. C'alal oy buch'u ta xlaj ta ti'el yu'un ti chone, ja' ta sq'uel ech'el ti sloc'obbail ti meltsanbil ta c'anal taq'uine, jech ta xcol.

Bible in Tzotzil de Chenalhó with Deuterocanon

⁹ Li Moisese la spas li sloc'obal chon ta broncee; la sjoc'an ta te'. C'alal oy boch'o chti'at ta chone, ja' la sq'uel batel li sloc'obal joc'ol ta te'e, jech muc xchamic.

Números 21:9 Iomraidhean Croise

2 Reyes 18:4

Taje, ja' ti buch'u laj slilin ti jujun c'opojebaletique. Laj slilin ta voq'uel ti loc'obbail tonetique. Laj slilin ta voq'uel sloc'obbailtac ti Aserae. Laj slilin ta voq'uel ti c'anal taq'uin sloc'obbail chon ti laj smeltsan ti Moisese, ti laj xchic'beic to ox pom ti israeletic ti Nehustán sbiinoj yu'unique.

Isaías 45:22

“La'ic li' ta jtojole, ta xa jpojoxuc, jteclumetic ti oyoxuc le' ta jot xchiquin banomile. Vu'unun ti Diosun avu'unique, mu'yuc xa yan.

Zacarías 12:10

“Ta jtic'beic ta snopbenal yu'unic ti yutsil slequilal yo'ntonique, ti ta xlic c'opojuc ti'inuc ta stojol Dios ti snitilultac ti Davide xchi'uc ti jnaclejetic yu'un ti jteclum Jerusalene. Va'i un, ta xlic yilic ti buch'u laj yac' sjol sbaquil yu'unique. Ta xlic ochicuc ta vul o'nton xchi'uquic. Ta xlic yoq'uitaic jech c'u cha'al ta xlic yoq'uitaic ti ta xtub sc'oplal ti c'ajomal no'ox jcot nich'onile, mi ja' ti c'ajomal no'ox jcot banquilale.

San Juan 1:29

Ta yoc'omal un, laj yil ti Juan ti ta xnopaj talel ti Jesús ta stojol ti xi laj yale: —Q'uelo avilic le'e, ja' ti xch'iom chij Dios ti ta xch'aybe smul scolo' ti jnaclejetic ta banomile.

San Juan 12:32

C'alal ta sta yorail ta xquich' jipanel ta curuse, ta jtijbe yo'nton ta yiq'uel talel scotolic ta jtojol.

San Juan 6:40

Yu'un ti c'usi oy ta yo'nton ti Jtote, ti scotolicuc ac'o yojtiquinicun vu'un Xnich'onun ti Diose, ti c'otuc ta yo'ntonic ta xch'unelicune, ti staicuc ti xcuxlejalic sbatel osile, xchi'uc ti ta jcha'cuxesic ta slajeb ti c'ac'ale.

Romanos 1:17

Yu'un ti lequil ach' c'ope, xi s'elan ta xac' ta na'el ti c'u s'elan ta tael ti lec xij'ile yu'un ti Diose: Ti buch'u staoj yav c'otem ta yo'nton ta xch'unel ti tubbil ti smule, lec x'ile. Yu'un ti ts'ibabil ta ch'ul c'ope xi ta xale: “Ti buch'u tuc' yo'nton ta xquile, ja' no'ox ti buch'u c'otem ta yo'nton ta xch'unele, jech ta xcuxi o.”

Romanos 8:3

Ta scoj ti mu'yuc yip ti lum ach'ele, mu'yuc xc'ot ta ch'unel ti oy c'usi tsots sc'oplal albil yu'un ti Moisese. Jech o xal ti Diose laj spas ti xi s'elan c'ot ta pasel yu'une: Yu'un co'ol s'elan jun jsa'mulil laj stac talel Xnich'on ti Diose. Laj yich' svocol ta stojel ti mulile yo' jech tub sc'oplal ti mulil ta sventa ti laj yich' ti sbec'tale.

2 Corintios 5:21

Ti Cristoe mi juteb oy smul, ja'uc le'e, ta jcojtic vo'otic ti oy smul c'ote, jsa'mulil ile yu'un ti Diose yo' ta sventa Cristo ta jtabetic slequilal yutsilal ti Diose.

Hebreos 12:2

Cac'tic batel jsatic ta stojol ti Jesuse, yu'un ja' ta sventa ta xlic talel ta stojol ti jech c'otem ta o'ntonal ta xch'unele, yu'un ja' sbainoj ta stuq'uibtasel ti bu jtamojtic batele. Yu'un ti Jesuse laj yich' svocol ta curus. Ma'uc laj yac' ta venta ti jech q'uexlal sba ta xchame, yu'un sna'oj ono'ox ti c'alal mi ech' ti svocole, ta sta ti xmuyubaje. Jech bat chotluc ta sts'el xocon sbats'i xocon ti Dios ti bu ta spas mantale.

1 Juan 3:8

Ja'uc ti buch'u ta sa'ilan ti smule, ventainbil yu'un ti pucuje, yu'un ti pucuje, ta sliquebal ono'ox talel, laj sa'ilan ti smule. Ja' sventa tal Xnich'on ti Diose yo' jech ta slilinbe yabtel ti pucuje.