Números 21:7 - Bible in Tzotzil de Chamula

⁷ Va'i un, batic ti bu oy ti Moisese ti xi laj yalbeique: —¡Laj xa jta jmulcutic ti chopol lic'opojcutic ta stojol ti Diose, xchi'uc ti chopol lic'opojcutic ta atojole! ¡C'anbo ti Diose ti ac'o sloq'ues ech'el ti jti'oval chon ta jtojolcutique! Ti Moisese laj sc'anbe ti Diose ti ac'o xch'aybe smul scolo'ic ti israeletique.

Bible in Tzotzil de Chenalhó with Deuterocanon

⁷ Ts'acal te italic ta stojol li Moisese, jech laj yalbeic: —Laj xa jta jmulcutic ta sventa ti lichopolc'opojcutic ta stojol li Muc'ul Diose xchi'uc ta atojol ec li vo'ote. C'anbo vocol Muc'ul Dios ti ac'o jatovuc batel ta jtojolcutic li jti'val chonetique —xutic. Ja' yu'un li Moisese lic sc'anbe vocol Muc'ul Dios ti ac'o xch'aybe ta yo'nton smul li xchi'iltaque.

Números 21:7 Iomraidhean Croise

Génesis 20:17

Jech ti Abrahame lic sta ta c'oponel ti Diose. Jech ti Dios xtoque laj scoles ti Abimeleque xchi'uc ti yajnile. Ja' jech xtoc laj scolesbe ti sme' mosovtaque yo' jech xu' ta xlic alajicuc.

Génesis 20:7

Ja'uc avi tana le' une, ac'bo sutel yajnil ti vinique, yu'un ja' jun j'alc'op ti stuque. Ta xc'opoj xti'in ta sc'anel vocol ta jtojol yo' jech ta to xach'i xac'opoj. Yan mi mu xavac'be sutel ti yajnile, ti vo'ote xchi'uc ti c'u yepal achi'uc ta nacleje, j'ech'el ta xachamic.”

1 Reyes 13:6

Va'i un, ti ajvalile xi laj yal ti nopaj ech'el ta stojol ti j'alc'ope: —Avocoluc, c'opono ta jventa ti Ajvalil Dios avu'une yo' jech ta xpoxtaj ti jc'obe. Ti j'alc'ope laj sc'anbe vocol ti Diose. Sc'ob ti ajvalile poxtaj. Laj sta yav jech c'u cha'al ta ba'yele.

2 Reyes 13:4

Va'i un, ti Joacaze lic c'opojuc ti'inuc ta stojol ti Diose, ti tsacbil ich'bil ti sc'opojel yu'un ti Diose, ti yiloj ta sba ta sat ti c'u s'elan ta x'ilbajinatic ti israeletic yu'un ti ajvalil ta Siriae.

Job 42:10

C'alal laj yo'nton ta c'opojel ti'inel ti Job ta sventa ti buch'u lec xil sba xchi'uque, sutesbat talel yu'un Dios ti c'u s'elan staoj ta ba'yel slequil yutsil ti Jobe. Cha'coj ti x'ech' yepal laj yac'bee, ti ja' mu sta ta ba'yel to oxe.

Job 42:8

Avi tana une, bat vu'lanbeicun ti cajtunel Jobe. Iq'uic batel vuc-cot tot vacax, xchi'uc vuc-cot tot chij, ti ta xachiq'uic ta yac'belun ta sventa ti vo'oxuque. Ja' ta xc'opoj xti'in ti cajtunel Job ta aventaique. Ich'bil ta muc' ta xc'ot cu'un ti sc'opojel sti'inele. Jech o xal un, mu'yuc c'usi chopol ta xc'ot ta atojolic cu'un, ac'o mi ja' xatunic o ti jechuque ta scoj ti mu jamaluc laj avalic jc'oplal jech c'u cha'al laj spas ti cajtunel Jobe.”

Salmos 106:23

Laj yal ti Diose ti j'ech'el ta stsutsesbe ti sc'oplale. Ti Moisés ti t'ujbil yu'une, laj to spac sutel ti c'ope, lamaj sc'ac'al yo'nton ti Diose, laj spajes sba, mu'yuc stsutses.

Salmos 78:34

Ti jech ta xilic ta xchamesatic yu'un ti Diose, va'i un, ta xlic sa'ic, ta sutic talel ta stojol, sjunul xa yo'ntonic ta sa'ic.

Éxodo 10:17

Avocoluc, ch'aybun xa jtenuc ti jmul avi tanae. Avocolicuc, c'oponbeicun ti Ajvalil ti ja' Dios avu'unique, yu'un sbalin to ya'yel ti ac'o sloq'ues batel ti jmilvanej vocole.

Éxodo 32:11

Manchuc mi jech albat un, ti Moisese xi lic vulvunuc ta slamajesbel yo'nton ti Ajvalil ti ja' Dios yu'une: —Cajval, ¿c'u cha'al ta xlic sc'ac'al avo'nton yu'un ti anich'nabe, ti c'alal vo'ot atuc laj alaman c'otel amuc'ul atsatsal ti c'alal laj aloq'ues talel ta Egiptoe?

Éxodo 32:30

Ta yoc'omal un, ti Moisese xi laj yalbe ti jteclume: —Ti vo'oxuque laj ataic tsots amulic. Jech ti vu'une ta ximuy batel ti bu oy ti Diose. Jq'ueltic quic mi ta to jta ti ta xch'ayboxuc amul acolo'ique.

Éxodo 8:28

Ja' yu'un un, ti faraone xi laj yale: —Lec oy, batanic ta sbajtical banomil ta yac'bel smoton ti Ajvalil Dios avu'unique. Ta xcalboxuc ava'iic ti mu me toj nomuc xabatic une. Ja' jech xtoc, c'anbeic vocol ti Dios ta jtojole.

Éxodo 8:4

Ti ranaetique xbitlajet liquel ta aba, ta sba ti avaj'abteltaque, ta sba xtoc scotol ti avinquileltaque.’ ”

Éxodo 8:8

Jech o xal ti faraone xi laj yalbe ti Moisese xchi'uc ti Aarone ti c'alal laj sta ta iq'uele: —C'anbeic ti Diose ti ac'o sloq'ues batel ti ranaetic ti oy ta jtojole xchi'uc ti jvinquileltaque. Ta xcac' loc'uc batel ti avinquileltaque. Ac'o ba yac'beic smoton ti Diose.

Isaías 26:16

C'alal yacal ti ilbajinele, laj jsa'otcutic, Cajval, ti laj atojobtasuncutique, naca ta uni coscos c'op no'ox.

Jeremías 15:1

Ti Diose xi laj yalbune: “Manchuc mi ta xtal sva'an sbaic ta jtojol ti Moisese, ti Samuele, mi ja'uc ta xc'uxubaj co'nton yu'un ti jteclum li'e. Albo ya'i, loq'uicuc batel ta jtojol, baticuc.

Jeremías 37:3

Ti ajvalil Sedequiase laj stac batel ti Jucal xnich'on ti Selemiase, xchi'uc ti pale Sofonías xnich'on ti Maaseías ta sq'uelel ti j'alc'op Jeremiase, ti xi bat yalbeique: “C'oponbuncutic ti Cajvaltique, ti Dios cu'untique.”

Oseas 5:15

“Ta xisut batel ti bu ono'ox oyune, ja' to ti c'uxi ta xa'i sbaic ti oy smulique, ti ta xlic sa'icune. Yu'un ja' to ta xlic sa'icun ti c'alal x'oc' x'avanic yu'un ti svocole.”

Números 11:2

Ti jteclume x'avlajetic xa laj sc'anic coltael yu'un ti Moisese. Jech ti Moisese laj sc'anbe vocol ti Dios ta sventaique. Jech ti c'oq'ue tub.

San Mateo 27:4

ti xi c'ot yale: —Laj xa jta jmul, yu'un laj xa cac' ta c'abal jun vinic ti ch'abal smule. —¿C'usi jventacutic? ja' aventa atuc —xi tac'bate.

Hechos 8:24

Xi laj stac' ti Simone: —Vocoletanic ta sc'anbel vocol ti Dios ta jtojol un chae yo' mu xc'ot ta pasel ti va'i s'elan laj avalbeicune.

Romanos 10:1

Jchi'iltac, ti jc'opojel jti'inel ta stojol ti Diose, ja' ta sventa ti israeletique, yu'un oy ta co'nton staicuc ti scolelique.

Deuteronomio 9:20

Ja' jech xtoc ti Diose tsots ilin ta stojol ti Aarone, ti sc'an ox ta stsutses ya'i ta j'ech'ele. Ja'uc ti vu'une laj to jpacbe ti sc'oplale.

Santiago 5:16

Jech o xal un, jamal albo abaic ti amulic ta jujun tale. C'oponbo abaic Dios ta jujun tal yo' jech ta xacolic. Sc'opojel sti'inel ti lequil tuq'uil vinique, oy yip stsatsal ti sc'opojele.

1 Samuel 15:24

Ti Saule xi laj yalbe ti Samuele: —Melel ava'uc, laj xa jta jmul. Jelav ta jpat ta xocon ti c'usi laj yal ti Diose, ti c'u s'elan laj atojobtasune, yu'un lixi' yu'un ti lume. Laj jch'unbe ti sc'opique.

1 Samuel 15:30

—Oy xa jmul —xi laj xcha'al ti Saule—. Ja'uc le' une, ta jc'anbot vocol ta sba ta satuc ti moletic yu'un ti Israele, ta sba ta satuc scotol ti jteclume, ti staojuc yav ich'bilucun ta muc' avu'un ti jech ajvalilune. Ja' yu'un un cha'e, sutan talel yo' chba quich' ta muc' ti Ajvalil ti ja' Dios avu'une.