Números 21:6 - Bible in Tzotzil de Chamula

⁶ Tacbatic talel jti'oval venenoal chon yu'un ti Diose yo' jech ta xlajic ta ti'el yu'un. Ep israeletic chamic.

Bible in Tzotzil de Chenalhó with Deuterocanon

⁶ Li Muc'ul Diose la stac tal ep jti'val chonetic, jech iti'atic ta jti'val chon li israeletique; ep ichamic.

Números 21:6 Iomraidhean Croise

Isaías 14:29

Mu to me xamuyubaj, jteclum filistea, ac'o mi c'as xa ti vach' ta atsitsobil to ox cu'une. Ti bu vul ta loq'uel ti jcot quiletel chone, ta x'ayan talel jcot quiletel jti'oval chon ti vibora sbie. Ma'uc no'ox taje, ta x'ayan talel jcot viletel jti'oval chon ti sbiinoj dragone.

Isaías 30:6

Xi ta xcaj'albat sc'oplal ti chon bolometic ti oy ta yosil Negueve: Ta sjunul ti c'u sjamlej smacoje, yan sba xi'elal ta j'ech'el ti naca xa leónetic ti yan sba xloquet snuq'uic ta c'uletele, xchi'uc ti jti'oval quiletel chonetique, xchi'uc ti muc'tiquil tsajal jti'oval chanul nab ti sna' xvilique. Ta spojic batel ti ac'ulejalique, ti c'usitic toyol stojole. Ta xac'beic ech'el xcuch ti burroe, ti camelloe, c'alal to ta Egipto jteclum ti chopol sjol yo'ntonique.

Jeremías 8:17

Ti Diose xi ta xal ta jamale: “Ti contrainel ta xavich'ique, ta jtac talel venenoal chonetic ti ta sti'oxuc ava'iique. Mi ja'uc oy c'usi stac' spasic ti jbainom jsatinometic ta syaluele.”

Ezequiel 14:15

“Mi ta jc'an ta jtac batel jti'oval chon bolometic ta jun muc' ta lume, ti ta xmilatic ti jnaclejetic teye, ti ta xlic pasuc ta sts'ijlajan sbajtical banomile, ti mu'yuc buch'u junucal ta x'ech' ta scoj xi'elal ti jti'oval chon bolometique,

1 Corintios 10:9

Mi ja'uc jlajeltsabetic yo'nton ti Cajvaltic Cristo xtoque jech c'u cha'al laj spas jlom ti jmolmuc'totcutique, ti jech ti'bil lajic ta chone.

Deuteronomio 8:15

Yu'un laxanavic yu'un Dios ta xi'bal sba jamal sbajtical banomile, ti bu naca yavilal ti jti'oval chij chonetique, ti tsequetique, ti bu ch'abal ti vo' xtoque. Va'i un, ti stuque, loc' talel vo' yu'un ta jun ch'ut ton ti laj yac'boxuc avuch'ique.