Números 21:23 - Bible in Tzotzil de Chamula

²³ Ja'uc ti Sehón une mu'yuc xac' ech'uc ti ta sbanomile. Yu'un c'ajomal no'ox lic stsob scotol ti svinictaque, ti loc' batel ta snupel ta be ta sbajtical banomil ti israeletique. C'alal c'ot xtoc ta Jahase, laj stsac ta leto.

Bible in Tzotzil de Chenalhó with Deuterocanon

²³ Pero li ajvalil Sehone muc xac' jelovicuc batel ta yosilal li israeletique. Ta ora la stsob svinictac; tal stsaquic ta pleito te ta xocol banamil. C'alal te oyic ta Jahazae, lic spasic pleito.

Números 21:23 Iomraidhean Croise

Isaías 15:4

Ti jnaclejetic ta lum Hesbone, xchi'uc ti oyic ta lum Elalee, x'avanic xa ta sc'anic pojel, ti xvinaj to ta jteclum Jahas ti x'avlajetique. Jech o xal un, stsic'tsun xa yo'ntonic ti banquilal j'ac'-letoetic yu'un ti lum Moabe, ti batem xa xch'ulelic ta xi'el ta j'ech'ele.

Jeremías 48:21

Vul ti tsitsel ti loq'uem ta alel ta stojol ti jteclumetic ti xi s'elan oy ta stselej vitse: ti Holone, ti Jahase, ti Mefáate, ti Dibone, ti Neboe, ti Bet-diblataime, ti Quiriataime, ti Bet-gamule, ti Bet-meone, ti Queriote, ti Borsae, xchi'uc scotol ti jteclumetic yu'un ti Moabe, ti nom to oye, xchi'uc ti nopol no'ox oye.

Jeremías 48:34

Ta x'avanic ta j'ech'el yu'un yipal ti mu ts'icbaj ta xa'iic ti jnaclejetic ta Hesbone. Ti yech'omal snuq'uique xvinaj to batel c'alal to Elalé xchi'uc ti ta Jahase, ti ta Zoare, c'ot c'alal to Horonaim xchi'uc ta Eglat-selisiyae. Ul xa ti sat vo' ti ta xtuc ta Nimrime.

Amós 2:9

“Ac'o mi jech un, ti vu'une laj jtubbe sc'oplalic ti amorreoetique yo' jech ta xata alequilalic. Ac'o mi jun snatiquilic jech c'u cha'al ti ch'ut te'e, ac'o mi tsots xu' yu'un jech c'u cha'al ti tulanetique, laj jtub ta j'ech'el.

Números 20:18

Ti ajvalil yu'un ti Edome xi laj stac' sutel ti c'ope: —¡Mu stac' xa'ech'ic ta jbanomil! Yan mi mu jechuque, ¡xu' xba jnupot ta be xchi'uc ti cajsoldadotaque!

Números 20:21

Yu'un ta j'ech'el sva'anoj sba ti mu xac' jelavuc ti israeletic ta yosile. Jech o xal ti israeletique laj sa'ic yan be bu ta x'ech'ic.

Deuteronomio 4:46

ti c'alal oyic to ox ta yeloval sloq'ueb c'ac'al yu'un ti uc'um Jordane, ta stenlejal yeloval Bet-peor ti oy ta yosilal Sehón ti ja' ajvalil yu'un ti amorreoetique. Ti Sehone nacal to ox ta Hesbón ti tsalbil c'ot yu'un ti Moisese xchi'uc ti israeletic ti c'alal loq'uic talel ta Egiptoe.

Jueces 11:20

Ja'uc ti Sehón une mu'yuc xc'ot ta yo'nton, mu'yuc li'ech'cuncutic yu'un ta yosilal. C'ajomal no'ox lic stsob scotol ti svinictaque. Bat slaman sbaic ta Jahas. Lic stsacuncutic ta leto.