Números 21:22 - Bible in Tzotzil de Chamula

²² “Ac'buncutic ave ati' ti ta xi'ech'cutic ta avosil abanomile. Mi ja'uc ta x'ech' jtec'cutic ti avosilic ti bu ts'unbil ti ats'unubique, xchi'uc ti bu ts'unbil ti a'uvaique. Mi ja'uc ta x'ech xcuch'cutic ti ava'alic ti oy ta joq'uetique. C'ajomal no'ox ta xi'ech' ta abanomil ti tuc' ta jtamcutic ech'el ti bee.”

Bible in Tzotzil de Chenalhó with Deuterocanon

²² “Ta jc'an chijelovcutic batel ta avosilal. Mu'yuc ta xi'ochcutic ta yut li ts'unubaltic avu'unique xchi'uc ta yut li ts'usubaltique, xchi'uc mu'yuc ta xcuch'cutic li ava'alic ta joq'uetic avu'unique. Ja' no'ox ta x'ech' jtuch'cutic li avosilalique; yu'un ta jtamcutic batel li tuq'uil bee”, xutic c'otel.

Números 21:22 Iomraidhean Croise

Números 20:16

Va'i un, laj jc'anbecutic coltael yu'un ti Diose. Laj ya'i ti jc'opojel jti'inelcutique. Yu'un laj stac talel yaj'ánjel ti laj sloq'uesuncutic talel ta Egiptoe. Avi tana li' une, li' xa oyuncutic ta sbanomil Cades ti sts'aquinoj sbaic xchi'uc ti avosilale.

Números 20:17

Ta xajc'anbecutic ti ta xavac' ave ati' ti jech ta xi'ech'cutic ta avosilale. Mi ja'uc ta xi'ech'cutic ta osil ti oy sts'unubale, ti yavil a'uvaique. Yu'un mi ja'uc ta x'ech' cuch'cutic ti ava'alic ti ts'anal ta joq'uetique. Tuc' ta xi'ech'cutic ta tuq'uil be. Mi ja'uc jutebuc jq'uej jbacutic ti mi mu to ta x'ech' jbascutic ti abanomile.’ ”