Números 21:21 - Bible in Tzotzil de Chamula

²¹ Ti israeletique laj staquic ech'el jun chibuc j'al-mantal j'ich'-c'opetic ta stojol ti Sehone, ti ja' ajvalil yu'un ti amorreoetique, ti xi ta xalbeique:

Bible in Tzotzil de Chenalhó with Deuterocanon

²¹ Li israeletique la staquic batel jayibuc j'almantaletic ta stojol li Sehone, ja' li ajvalil yu'un amorretique. Jech c'ot yalbeic:

Números 21:21 Iomraidhean Croise

1 Crónicas 1:14

Ta stojolal ti Canaane, lic talel sts'unubalic ti jebuseoetique, ti amorreoetique, ti gergeseoetique, ti heveoetique, ti araceoetique, ti sineoetique, ti arvadeoetique, ti zemareoetique, xchi'uc ti hamateoetique.

Nehemías 9:22

“Laj avac'be ta yoc ta sc'obic ti bu sbainojic ta sventainel muc'tiquil lum ti ajvaliletique, ti sbejleb-bejleb laj ach'acbe ti bu xc'ot ti yosilique. Laj yu'ninic ti jteclum Hesbone, sbanomil ti ajvalil Sehone, xchi'uc ti Basán sbanomil ti ajvalil Oge.

Salmos 135:11

jech c'u cha'al ti ajvalil yu'un ti amorreoetique, jech c'u cha'al ti Og ajvalil yu'un ti jteclum Basane, jech c'u cha'al scotol ti ajvaliletic ti oyic ta Canaane.

Salmos 136:19

Laj yu'un ti Sehón ajvalil yu'un ti amorreoetique, yu'un sbatel osil oy syail xc'uxul yo'nton.

Jeremías 48:45

“Oy jlomuc naca xa stamoj sbaic ta jatvil, ta xba sa' snaq'uel ta yolon squeoval yaxinal ti Hesbone. Le' une, ti Hesbón steclumal ti ajvalil Sehón une, natic no'ox ta tilel sleb. Ti c'oq'ue ta xtanij batel ta stsutsesel ti vitsetic yu'un ti Moabe, ti toyobba jteclumetic taje.

Números 21:20

Loq'uic ech'el ta Bamote, c'otic c'alal to ta stenlejal ti oy xa ta yosilal ti Moabe, ta yac'ol ech'el ti Pisgae, ti bu xvinaj xa ta q'uelel ech'el ti sbajtical banomile.

Deuteronomio 1:4

Taj une, ja' o c'ot ta pasel c'alal ti Moisés laj xa ox stsal ti Sehone, ti ja' ajvalil yu'un ti amorreoetic ti nacalic ta Hesbone, xchi'uc ti Oge, ti ja' ajvalil yu'un ti Basán ti nacal ta Astarot ti oy ta yosil Edreie.

Deuteronomio 29:7

“C'alal lijvulotic ta osil li'e, loc' talel stsacotic ta leto ti Sehón ti ja' ajvalil yu'un ti Hesbone, xchi'uc ti Og ti ja' ajvalil yu'un ti lum Basane. Ja'uc le' une, tsalbil c'ot cu'untic.

Deuteronomio 4:46

ti c'alal oyic to ox ta yeloval sloq'ueb c'ac'al yu'un ti uc'um Jordane, ta stenlejal yeloval Bet-peor ti oy ta yosilal Sehón ti ja' ajvalil yu'un ti amorreoetique. Ti Sehone nacal to ox ta Hesbón ti tsalbil c'ot yu'un ti Moisese xchi'uc ti israeletic ti c'alal loq'uic talel ta Egiptoe.

Josué 12:1

Ti israeletique laj xa yu'ninic ti banomiletic tey ta yeloval sloq'ueb c'ac'al yu'un ti uc'um Jordane, ti xlic talel ta uc'um Arnone, ti c'ot c'alal to vits Hermone, xchi'uc scotol ti stenlejtic ti oy ta yelov sloq'ueb c'ac'al yu'un ti uc'um Jordane. Tey laj stsalic chib ajvaliletic.

Josué 2:10

Jna'cutic lec ti c'alal laloq'uic talel ta Egiptoe, ti Diose laj staquijesbe ya'lel ti Tsajal Nabe yo' jech ta xajelavic. Jna'cutic lec xtoc ti laj atsutsesic ta j'ech'el ti Sehone, xchi'uc ti Oge, ja' ti chib ajvalil yu'un ti amorreoetic ti oy ta jot uc'um Jordane.

Josué 24:8

ja' to ti c'uxi lavulic cu'un ta yosilic ti amorreoetic ti oy ta yeloval sloq'ueb c'ac'al yu'un ti Jordane. Ti stuquic une lic stsacoxuc ta leto. C'ot ta pasel cu'un ti laj cac'boxuc ta avoc ta ac'obique ti tsalbil c'ot avu'unique. Laj avu'ninbeic ti sbanomilique.

Jueces 10:11

Xi tac'batic talel yu'un ti Diose: “Ti vo'oxuque laj avich'ic tsots ilbajinel yu'un ti egipcioetique, ti amorreoetique, ti amonitaetique, ti filisteoetique,