Números 21:13 - Bible in Tzotzil de Chamula

¹³ Loq'uic ech'el xtoc, c'ot slaman sbaic ta jot uc'um yu'un Arnón. Ti uc'um taje, oy ta sbajtical banomil ti ech'em yoc ta sbanomil ti amorreoetique, ti c'otem ta ts'ac yu'un ti Moabe xchi'uc ti amorreoetique.

Bible in Tzotzil de Chenalhó with Deuterocanon

¹³ Ts'acal itotsic batel noxtoc; te c'ot spas scarpanaic ta jot uc'um Arnón. Li uc'um le'e ja' te oy ta xocol banamil; te liquem tal ta yosilal li amorretique. Ja' sts'aquil yosilic c'otem li amorretic xchi'uc Moabetique.

Números 21:13 Iomraidhean Croise

Isaías 16:2

Ti jnaclejetic yu'un Moab ti oyic ti bu sbiinoj sbelel Arnone, co'ol s'elan j'xi'el mut ta xjatavic loq'uel ti bu yac'oj stasique.

Jeremías 48:20

Ti Moabe, aq'ue xa ta q'uexlal, batem xa xch'ulel ta xi'el. Oc'anic yu'un ti mu x'ech' xc'uxul ti svocol laj stae. Caj'alic ech'el sc'oplal ta uc'um Arnon, ti laj xa yich' lilinel ti Moabe.”

Números 21:14

Ti va'i s'elan taje, ja' tey lic talel ti bu xi ta xalbe sc'oplal Slibroal Leto yu'un ti Diose: “Li'ech'cutic ta bic'tal uc'umetic xchi'uc ta uc'um Arnón, ti ta x'ech' ta Vaheb ti oy ta Sufae.

Números 22:36

Va'i un, ti Balaque, ti c'alal laj ya'ibe sc'oplal ti Balaam ti ta xa xc'ote, loc' batel ta snupel ta be ta jun jteclum yu'un ti Moab ti bu oy ti uc'um yu'un ti Arnón ti ja' sts'aquil ti jteclume.

Deuteronomio 2:13

‘Avi tana le' une, tamo ech'el abeic. Ech' tuch'ic ti uc'um Zerede’, xi laj yalbun ti Diose. Va'i un, laj jtuch'tic jelavel ti uc'ume.

Deuteronomio 2:18

‘Avi tana li' une, ja' xa yorail ta xa'ech'ic ta sts'ac ti moabitaetique, tuc' ta xatam batel ta Ar.

Deuteronomio 2:24

‘Batic’, xiyutun ti Diose, ‘tamic ech'el ti abeique, ech' tuch'ic ti uc'um Arnone. Yu'un ta xcac' ta avoc ta ac'obic ti amorreo Sehón ti ajvalil yu'un ti Hesbone, xchi'uc ti yosil sbanomile. ¡Liquesic ti letoe! ¡U'ninic ti sbanomile!

Jueces 11:18

Ts'acal to un, lic jtam batel jbecutic ta sbajtical banomil. Xijoyetcutic ech'el ta sti'il sts'actac ti Edome xchi'uc ti Moabe ja' to ti c'uxi lic'otcutic ta stuq'uil yelov sloq'ueb c'ac'al yu'un ti Moabe. C'ot jlaman jbacutic ti bu taje, ta jot uc'um yu'un ti Arnone. Mu ja'uc ech' jtuch'cutic, yu'un ja' xa tey ta xlic ech'el sts'aquilal sbanomil ti Moabe.