Números 20:4 - Bible in Tzotzil de Chamula

⁴ ¿C'u xa ono'ox cha'al ti vo'oxuc laj aviq'uic talel ti xnich'nab Dios ti li' ta sbajtical banomile? ¿Mi yu'un oy ta o'ntonal avu'unic ta xichamcutic jmoj xchi'uc ti jchon jbolomcutique?

Bible in Tzotzil de Chenalhó with Deuterocanon

⁴ ¿C'u yu'un ti laj aviq'uic tal li' ta xocol banamil li xnich'nabtac Muc'ul Diose? ¿Me yu'un chac'anic ti co'ol li' chichamcutic jchi'uc li jts'unub covolcutique?

Números 20:4 Iomraidhean Croise

Salmos 106:21

Laj xch'ay ta yo'ntonic ma' ti Dios une, ti jpovanej yu'unique, ti yepal no'ox c'usitic muc'tic laj spas ta Egiptoe,

Éxodo 16:3

ti xi ta xalbeique: —¡Ja' lec ma' ti chamcuncutic yu'un ti Dios ta Egiptoe! Yu'un ti teye, jbej no'ox bin jbeq'uetcutic xichotetcutic, xchi'uc ta jti'cutic ti bu xa c'alal xal ti co'ntoncutique. Ja' no'ox un, ti vo'oxuque laj avic'uncutic talel ta sbajtical banomil yo' jech tal amiluncutic ta vi'nal jcotolcutic.

Éxodo 17:3

Yu'un ta xlajic xa ta uch' vo' ti jteclume, ja' yu'un un, xi laj yalic ta scontrainel ti Moisese: —¿C'u cha'al laj aloq'uesuncutic talel ta Egipto? ¿C'u cha'al tal amiluncutic ta taqui ti'il jmoj xchi'uc ti calab jnich'nabcutique, xchi'uc scotol ti jchon jbolomcutique?

Éxodo 5:21

Ja' yu'un un, xi albatique: —Ac'o yich' ta venta Dios ti c'usi laj apasique. Ac'o xastsitsoxuc. Ti vo'oxuc ta amulic ti chopol ta xiyilcutic ti faraone xchi'uc ti yaj'abteltaque. Vo'oxuc laj avac'beic ta sc'ob ti espadae yo' jech ta xismiluncutic.

Números 11:20

Ja' jun u sjalil ta sti'ic ti beq'uete, ja' to c'uxi x'ib ti yo'ntonique, ja' to c'uxi xloc' ta sni' ti xenelique. Yu'un laj sc'ac'al satiicun ti vu'un Ajvalilun ti oyun ta o'lol yu'unique, ti x'oc'olet xa ti xi ta xalic ca'ie: ‘¿C'u cha'al lijloc' talel ta Egipto?’

Números 11:5

Teque' un, bu la jech tana ti mu manbiluc xe'el no'ox ti choy laj jti'tic ta Egiptoe, xchi'uc ti x'ech' no'ox ta que ta jti'tic ti pepinoe, ti melone, ti lequil itajetique, ti tuixe, ti axuxe.

Números 14:2

Scotolic lic chopol c'opojicuc ta stojol ti Moisese xchi'uc ta stojol ti Aarón ti xi ta xalique: “¡Ti oc no'ox la ta alele teyuc lijchamotic ta Egiptoe, mi mo'oje, li'uc no'ox la ta sbajtical banomile!

Números 16:41

Ta yoc'omal une, scotol ti jteclum Israele xi lic chopol c'opojicuc ta stojol ti Moisese xchi'uc ti Aarone: —¡Ti vo'oxuque yacal ta xamilic steclumaltac ti Diose!

Hechos 7:35

“Ac'o mi laj sbajic laj stenic ti Moisés ti xi laj yalbeique: ‘¿Buch'u laj sva'anot ta banquilal xchi'uc ta jchapanvanej cu'uncutic?’, taque batel yu'un Dios yo' ta xc'ot ta banquilal, xchi'uc ta jcoltavanej, ta sventa ti ánjel ti laj yac' sba iluc ta jpets ch'ix te' ti ta xa xc'ac' yilele.

Jueces 11:16

Yu'un ti c'alal liloc'cutic talel ta Egiptoe, ech' jtuch'cutic ti sbajtical banomile. Lijelavcutic ta Tsajal Nab. Lic'otcutic c'alal to Cades.