Números 20:3 - Bible in Tzotzil de Chamula

³ Va'i un, xi laj yalbeic: —¿C'u xa ono'ox cha'al ti mu jmojuc capal lichamcutic xchi'uc ti israeletic ti c'alal chamesatic yu'un ti Diose?

Bible in Tzotzil de Chenalhó with Deuterocanon

³ Jech laj yalbeic li Moisese: —Ja' lec ti co'oluc chamcuncutic jchi'uc li yantic jchi'iltactic ti ichamic ta stojol Muc'ul Diose.

Números 20:3 Iomraidhean Croise

Salmos 106:33

Laj yipal yu'un ti laj stsiq'uesbeic yo'ntone, ti oy c'usi loc' ta alel yu'un ti ma'uc snopoje.

Salmos 78:19

Xi lic c'opojicuc ta scontrainele: “¿Mi xu' la yu'un ta xlechan lequil ve'lil ta mexa li' ta sbajtical banomil ti Diose?

Éxodo 17:2

Ja' yu'un un, xi xvulajetic liquel ti laj stsaquic ta il ti Moisese: —¡Ac'buncutic vo' cuch'cutic! Xi laj stac' ti Moisese: —¿C'u cha'al ta xatsaquicun ta utel? ¿C'u cha'al ta xaq'uelbeic ava'iic yo'nton ti Diose?

Lamentaciones 4:9

Ti buch'u cham lajic ta letoe, ech' xa ti svocolique. Ti buch'u ta xchamic ta vi'nale, mu x'ech' ta xa'i ti svocolique, yu'un naca xcham ta scoj ti mu'yuc c'usi staic ta lajesel ti c'usi x'ayan ta banomile.

Números 11:1

Oy jun c'ac'al, lic coscoj c'opojicuc ti israeletic ta stojol ti Dios ta scoj ti vocol ta x'ech' yu'unique. C'alal jech laj ya'i ti Diose, ep soc sjol. Tey laj stacbe talel c'oc' ta stojolic ti laj xchic' ta joyob ti bu lamalic ta nacleje.

Números 14:3

¿C'u cha'al ya'yel laj yic'otic talel ti Dios ta jteclum li'e? ¿Mi yu'un naca tal yac' lajcutic ta leto yo' ta x'och ta c'abal yu'un cajcontratic ti cantsiltique, ti jnich'nabtique? ¡Ja' xloc' venta ti sutcutic batel ta Egiptoe!”

Números 16:49

Ti jech taj une, chamem xa ox yu'un chanlajunmil xchi'uc vucub ciento (14,700) ta vo' ti jnaclejetique. Ja' slecoj xtoc ti laj chamuc ba'yel ti c'alal liquem sjolic ta contrainvanej ti Coree.