Números 20:21 - Bible in Tzotzil de Chamula

²¹ Yu'un ta j'ech'el sva'anoj sba ti mu xac' jelavuc ti israeletic ta yosile. Jech o xal ti israeletique laj sa'ic yan be bu ta x'ech'ic.

Bible in Tzotzil de Chenalhó with Deuterocanon

²¹ Jech muc xaq'uic jelovicuc o ta yosilalic li israeletique. Ja' yu'un li israeletique la stamic batel yan be.

Números 20:21 Iomraidhean Croise

2 Crónicas 20:10

Avi tana une, li' xa oyic ti amonitaetique, ti moabitaetique, xchi'uc ti liquemic talel ta vitstic yu'un Seir ti jun banomil mu'yuc xavac' ochicuc ech'el ti israeletic c'alal loq'uic talel ta Egiptoe. C'ajomal no'ox laj sq'uej sbaic batel ta stojolic, ti mu'yuc laj stubbeic ti sc'oplale.

Números 21:23

Ja'uc ti Sehón une mu'yuc xac' ech'uc ti ta sbanomile. Yu'un c'ajomal no'ox lic stsob scotol ti svinictaque, ti loc' batel ta snupel ta be ta sbajtical banomil ti israeletique. C'alal c'ot xtoc ta Jahase, laj stsac ta leto.

Números 21:4

Ti israeletique loq'uic batel ta vits Hor. Laj stamic batel ta stuq'uil Tsajal Nab, ti laj sjoy sbeic yo' mu x'ech'ic ta yosilal ti Edome. Ti jech oyic xa ta bee, tub ti smuc'ul yo'ntonic ti jteclume.

Deuteronomio 2:27

‘Jnopojcutic ti ta xi'ech'cutic ta avosil abanomile, ti ja' ta jtamcutic ech'el ti muc' ta bee, ti mu ja'uc ti bu no'ox xibusetcutic ta avosil abanomile.

Deuteronomio 2:29

jech c'u cha'al yac'oj ye sti' ta xi'ech'cutic snitilultac ti Esaú ti nacalic ta Seire, xchi'uc ti yac'oj ye sti' ta xi'ech'cutic ti moabitaetic ti nacalic ta Are. Ja' jech ta jc'ancutic ja' to ti c'uxi ta xi'ech' jtuch'cutic ti yuc'umal Jordane yo' jech ta xic'otcutic ta jteclum ti bu ta xiyac'buncutic ti Ajvalil Dios cu'uncutique.’

Deuteronomio 23:7

“Manchuc mi jech un, mu xabajic ti edomitaetique, yu'un ja' avuts' avalalic. Mi ja'uc xabajic xtoc ti egipcioetique. Yu'un lanaquiic to ox ta slumalic.

Jueces 11:17

Va'i un, laj jtaccutic batel jun chib j'al-mantal j'ich'-c'opetic ta stojol ti ajvalil ta Edome. Laj jc'anbecutic ti ac'o yac' ye sti' ti jelavcuncutic ech'el ta yosilalique. Mu'yuc laj yac' ye sti' ti ta xijelavcutic ech'ele. Ja' jech xtoc laj jc'anbecutic ti ajvalil yu'un ti Moabe. Mu ja'uc laj yac' ye sti' ta xi'ech'cutic. Jech o xal licomcutic ta Cades.

Jueces 11:18

Ts'acal to un, lic jtam batel jbecutic ta sbajtical banomil. Xijoyetcutic ech'el ta sti'il sts'actac ti Edome xchi'uc ti Moabe ja' to ti c'uxi lic'otcutic ta stuq'uil yelov sloq'ueb c'ac'al yu'un ti Moabe. C'ot jlaman jbacutic ti bu taje, ta jot uc'um yu'un ti Arnone. Mu ja'uc ech' jtuch'cutic, yu'un ja' xa tey ta xlic ech'el sts'aquilal sbanomil ti Moabe.

Jueces 11:24

Ti c'usi ta xac'bot ti Quemos ti ja' dios avu'une, ta xava'i ti c'ot xa arextoe, ¿mi mu jechuc un? Ja' jech ti vu'uncutique, c'ot ta jrextocutic ta xca'icutic ti laj yac'buncutic ti Diose.