Números 20:16 - Bible in Tzotzil de Chamula

¹⁶ Va'i un, laj jc'anbecutic coltael yu'un ti Diose. Laj ya'i ti jc'opojel jti'inelcutique. Yu'un laj stac talel yaj'ánjel ti laj sloq'uesuncutic talel ta Egiptoe. Avi tana li' une, li' xa oyuncutic ta sbanomil Cades ti sts'aquinoj sbaic xchi'uc ti avosilale.

Bible in Tzotzil de Chenalhó with Deuterocanon

¹⁶ Jech te lic jc'anbecutic vocol li Muc'ul Diose. Laj ya'ibun li jc'opcutique. Jech la stac tal yaj'almantal; tal sloq'uesuncutic ta Egipto. Li' ta orae li' xa oyuncutic ta nopol sts'aquil avosilal ta lum Cades.

Números 20:16 Iomraidhean Croise

Éxodo 14:10

C'alal laj yilic ti israeletic ti nopol xa xtal snutselic yu'un ti faraone xchi'uc ti egipcioetique, toj xi'el c'otic. Laj sc'anic coltael ta stojol ti Diose.

Éxodo 14:19

Ti yaj'ánjel Diose xchi'uc ti voletel toc ti jba'be batel yu'unic ti israeletique, ta ora no'ox sut batel ta spatic.

Éxodo 23:20

“A'yio ava'iic, ta jtac jelavel caj'ánjel ta atojol yo' jech ta xchabiot ta be. Ta xic'ot batel ti bu chapal cu'un ti ta xac'ote.

Éxodo 33:2

Ta jtac talel ti caj'ánjele yo' jech ta xayic'oxuc batel. Ta jten loq'uel xtoc ta slumalic ti cananeoetique, ti amorreoetique, ti hititaetique, ti ferezeoetique, ti heveoetique, xchi'uc ti jebuseoetique.

Éxodo 6:5

Avi tana une, quiloj xa ti oyic ta vocol ti israeletique. Yu'un tsots ta sujatic ta abtel yu'un ti egipcioetique. Ja' yu'un un, t'ab ta co'nton ti jtratee.

Daniel 6:22

Ti Dios cu'une laj stacbun talel yaj'ánjel ti laj yalubtasbe ye ti leonetic yo' jech mu'yuc xisyayijesun jutebuque. Yu'un ti Diose yiloj ti mu jechuc ti jmule, ti mu'yuc c'usi chopol caloj ta stojol ti Jcuch abtele.”

Números 20:15

Ti jmolmuc'totcutic ta vo'nee bat nacliicuc ta Egipto, ti bu jalijic ta nacleje. Ti egipcioetic xtoc une laj yilbajinuncutic jech c'u cha'al laj yilbajinic ti jmolmuc'totcutic ta vo'nee.

Números 21:22

“Ac'buncutic ave ati' ti ta xi'ech'cutic ta avosil abanomile. Mi ja'uc ta x'ech' jtec'cutic ti avosilic ti bu ts'unbil ti ats'unubique, xchi'uc ti bu ts'unbil ti a'uvaique. Mi ja'uc ta x'ech xcuch'cutic ti ava'alic ti oy ta joq'uetique. C'ajomal no'ox ta xi'ech' ta abanomil ti tuc' ta jtamcutic ech'el ti bee.”

Números 33:37

Loq'uic ech'el ta Cadese, c'ot slaman sbaic ta vits yu'un Hor, ti sts'aquinoj sbaic xchi'uc ti Edome.

Deuteronomio 4:34

¿Mi yu'un oy bu c'otem ta pasel ya'luc sc'oplal junuc dios ti laj stsob loq'uel jun lum ta stojol yan lum ti ep ta tos ti c'usitic laj spase? Yu'un ti tey ta aba ta asatique, laj cotuc ta pasel yu'un ti jchop o ta q'uelele, ti ch'ayal ta xc'ot o'ntonal yu'une, ti xletovaj no'oxe, ti laj slaman ta bail ti bu xa c'alal xu' yu'une, ti smuc'ul stsatsal ti xi'bal sbae, laj c'otuc ta pasel yu'un ti laj spas ta atojolic ti Ajvalil Dios avu'unic ta Egiptoe.

Deuteronomio 4:37

Yu'un laj xc'uxubinan ti amolmuc'totic laj ech'icuc ta vo'nee. Laj st'ujanan ti snitilultac yu'une, ti poj loq'uel talel yu'un ta Egipto ta sventa smuc'ul stsatsale.

Josué 15:1

Ti bu c'ot yorail yu'unic ti laj yich'ic yosilic ti jvoc' ta jujuchop snitilultac ti Judae, c'ot c'alal to sts'aquil yosil Edom. Ta stuq'uil yolon ti yac'ol xocon smaleb c'ac'ale, c'ot c'alal to sbajtical banomil yu'un Zin.