Números 20:12 - Bible in Tzotzil de Chamula

¹² Ja'uc ti Dios une xi laj yalbe ti Moisese xchi'uc ti Aarone: —Ti jech mu'yuc teq'uelun ta avo'ntonique, ti mi ja'uc jutebuc laj avaq'uicun ta ich'el ta muc' ta sba ta satic ti israeletique, mu xa'ochic batel xchi'uc ti lum li'e ti ta jteclum ti laj xa cac'beic yich'ique.

Bible in Tzotzil de Chenalhó with Deuterocanon

¹² Pero li Muc'ul Diose jech laj yalbe li Moisés xchi'uc Aarone: —Ta sventa ti muc xach'unic c'usi laj calboxuque, xchi'uc ti muc xavaq'uicun ta ich'el ta muc' ta stojol scotol li achi'iltaquique, jech mu'yuc chcac' ochanic batel achi'uc achi'iltac te ta banamil ti bu caloj chacac'boxuque —xi.

Números 20:12 Iomraidhean Croise

2 Crónicas 20:20

Sob xa liquic ta yoc'omal un, yo' ta stam batel sbeic ta stuq'uil sbajtical yu'un ti Tecoae. Ti ta xa xloq'uic ech'ele, lic sva'an sba ti Josafat ti xi lic yalbee: “Ts'etano ani' achiquinic ta ya'yiel ti c'op li'e, jnaclejetic yu'un Jerusalén xchi'uc ti Judae: Pato avo'ntonic ta stojol ti Ajvalil ti Dios avu'unique, yo' jech mu'yuc c'usi xana'ic ta j'ech'el, pato avo'ntonic xtoc ta stojol ti j'alc'opetic yu'une, scotol lec ta xc'ot ta atojolic.”

Salmos 106:32

Laj sliquesbeic sc'ac'al yo'nton Dios ta sts'el vo' ti Meriba sbie; laj sa' svocol yu'unic Moisés ta scoj taje.

Salmos 99:8

Cajval, Dios cu'uncutic, laj ono'ox atac'be ti sc'opique. Jun jch'ay mulil colo'il Diosot lac'ot ta stojolic, ac'o mi laj atsits yu'un ti smul scolo'ique.

Isaías 7:9

Ti smuc'ul yo'nton ta xa'i ti Efraine, ja' ti muc' ta lum Samaria. Ti smuc'ul yo'nton ta xa'i ti lum Samariae, ja' ti bu ochem ta ajvalil yu'un ti Samaria xnich'on ti Remalíase. Ti mi xtal xbat no'ox ti snopbenal avu'unique, mi ja'uc ta xajalijic ta banomil’ ”

Isaías 8:13

Xi'taic ti Dios ti scotol xu' yu'une, yu'un ch'ul Dios ta j'ech'el. Tsotsuc sc'oplal, xi'taic. Oyuc xi'elal ava'iic ta stojol.

Ezequiel 20:41

C'alal ta jtsoboxuc talel ta jteclumetic xchi'uc ta muc'tiquil lum ti bu tanijemoxuc batel tanae, ta svinajesel cutsilal jlequilal ta sba ta satic scotol ti jteclumetic ta atojolique, va'i unbi, ta jtsac ta xquich' ti muil matanal ta xavac'beicune.

Ezequiel 36:23

Ta xcac' iluc ta sba ta sat ti muc'tiquil lumetic ti jlequilal cutsilal ta acojic ti bisbilun ta cotol chaval yu'unique. C'alal ta xc'ot ta pasel cu'une, ta xlic sna'ic vu'un ti Ajvalilune. Mu stselbuj jc'op ti vu'un Ajvalilune.

Ezequiel 38:10

‘Xi ta xcal ti vu'un Ajvalilune: Ti jech yorail taje, xtal no'ox liquel ta ajol ta spasel ti mu stac' albel sc'oplale.

Levítico 10:3

Ts'acal to un, ti Moisese xi laj yalbe ya'i ti Aarone: —Ti jech le' une, ja' smelol sc'an ta xal ti xi laj yal ti Diose: ‘Ti buch'u xac'touc ti lec xa xca'i ti yuni jol no'ox ta xtal snopune, ta xcac'be yil ti mu sts'ic cu'une. Ta xcac' ta ilel ti cutsil jlequil ta stojol scotol ti israeletique.’ Jech xtoc ti Aarone tey xa no'ox ts'ijil com.

Números 11:15

Ti mi ja' jech ta xapasbun batel le'e, ja' lec tuch'o ti jcuxleje, mi ta melel ti c'ux ta xava'iune. Va'i unbi, mu xa xquil ta jba ta jsat ti vocoletique.

Números 20:24

“Ti Aarone ta xcham, mi ja'uc ta x'och batel ta jteclum ti bu caloj ti cac'ojbeic ti israeletique. Yu'un ti ta sti'il sat vo' Meribae, mu'yuc laj ach'unic ta spasel ti jmantaltaque.

Números 27:14

Yu'un achibalic ti vo'oxuque laj abajic ti jmantal ta sbajtical banomil yu'un Zin ti c'alal laj stsaquicun ta c'op ti jteclume. Mu'yuc xavaq'uicun ta ich'el ta muc' ti c'alal laj sc'anic ti vo'e. (Ti va'i s'elan taje, ja' sc'oplal ti sat vo' Meriba sbie ti oy ta Cades ta sbajtical banomil yu'un ti Zine.)

San Mateo 17:17

—Mu'yuc c'usi c'otem ta ch'unel avu'unic ti mu'yuc atuq'uilique. ¿C'u sjalil sc'an li' oyun ta atojolique? ¿C'u sjalil ta jts'icboxuc? Ic'bun talel ti anich'one —xi tac'bat yu'un ti Jesuse.

San Mateo 17:20

Xi tac'batic yu'un ti Jesuse: —Ti vo'oxuque mu'yuc c'usi c'otem ta avo'ntonic. Ta xcalboxuc ava'iic ta melel, ti oyuc c'usi c'otem ta avo'ntonique, manchuc mi co'ol s'elan jbej uni bec' mostaza ti oyuc c'usi c'otem ta avo'ntonique, xu' xi ta xavalbeic ya'i ti vits li'e: “Loc'an batel li'e, batan ta yan bu xabat”, ti vitse ta xloc' batel. J'ech'el mu stselbuj sc'oplal.

San Lucas 1:20

Tana li' une, ta scoj ti mu xc'ot ta avo'nton ti c'u s'elan laj calbote, macal ta xcom ave, mu xu' xac'opoj ja' to ta xlic c'opojan mi sta yorail ta xc'ot ta pasel scotol taje.

San Lucas 1:45

¡Jun yutsil ti c'ot ta avo'nton ti ta xc'ot ta pasel yu'un Dios ti c'u s'elan laj yalbote!

San Juan 1:17

Ti oy c'usi tsots albil sc'oplale vul ta jtojoltic ta sventa ti Moisese. Ja'uc ti c'uxubinele xchi'uc ti c'usi ja' melele, c'ot ta pasel ta sventa ti Jesucristoe.

Romanos 4:20

Mu'yuc xna'et, mi ja'uc chibaj yo'nton ti Abraham ti oy c'usi albat yu'un ti Diose. C'ajomal ayan yip yo'nton ta xch'unel. Xlequil c'opoj no'ox ta stojol ti Diose.

Deuteronomio 1:37

“Ta scoj amulic, ilin ta jtojol ti Dios avu'unique, ti xi laj yalbune: ‘Mi ja'uc ta xa'och batel ta banomil ti vo'ot eque.

Deuteronomio 34:4

Va'i un, xi albat yu'un ti Diose: “Ja' me ma' ti jteclum le' une ti laj jva'an jba ta yalel ti ta xcac'be yich' snitilultac ti Abrahame, ti Isaaque, ti Jacobe. Jech ono'ox oy ta co'nton ta jc'an ta xcac'bot avil ta aba ta asat ac'o mi mu xa'och batel un.”

Deuteronomio 4:21

Manchuc mi jech un, ti Diose ilin ta jtojol ta acojic ti vo'oxuque. Yu'un ta j'ech'el laj sva'an sba ta yalel ti mi ja'uc ta xijelav ta jot uc'um Jordane. Mi ja'uc ta xi'och batel ta lequilal banomil ti bu ta xayac'boxuc ti arextoique.

Josué 1:2

“Ti jech cham ti cajtunel Moisese, abainoj c'ot ta xtuch'el jelavel ti uc'um Jordán xchi'uc scotol ti lum Israel avi tana li'e yo' jech ta xac'otic ta banomil ti bu caloj ta xcac'boxuque.

1 Pedro 3:15

Comuc ta yajval avo'ntonic ti Cristoe. Chapalucoxuc me lec yo' jech xu' avu'unic ta staq'uel mi oy buch'u ta sjac'boxuc srazonal ti spatobil avo'ntonique.