Números 20:10 - Bible in Tzotzil de Chamula

¹⁰ Va'i un, ti Moisese xchi'uc ti Aarone laj stsobic ech'el ti jteclum ta sts'el ti bu oy ti tone. Ti Moisese xi laj yalbe ti jteclume: —A'yio ava'iic lec li'e, toyobbaetic, ¿mi yu'un ta xavac'toicuc ti xu' ta xt'om talel vo' ti ta ton li'e yo' jech ta xcac'cutic avuch'ic?

Bible in Tzotzil de Chenalhó with Deuterocanon

¹⁰ Li Moisés xchi'uc Aarone la stsobic batel scotol xchi'iltaquic ta nopol ch'en. Li Moisese jech lic yal: —A'yo ava'yic jbajmantaletic: ¿Me yu'un chac'anic ti vu'uncutic ta jloq'uescutic tal vo' li' ta ch'en sventa chcac'cutic avuch'ique? —xi.

Números 20:10 Iomraidhean Croise

Génesis 40:8

Xi laj staq'uique: —Yu'un livaichinajcutic. Ja' no'ox un, mu'yuc buch'u xiyalbuncutic c'usi smelol ta xal ti jvaichcutique. Xi laj stac' ti Josee: —¿Mi mu ja'uc xu' svinajesbe smelol ti Diose? Alic ca'itic c'usi ti avaichique.

Génesis 41:16

Xi laj yal ti Josee: —Ja' no'ox un, ti va'i s'elan taje, mu ta joluc no'ox jtuc ta xlic. Yu'un ti Diose ja' xchapet yu'un c'usi ta sjac' ti Jcuch abtele yo' jech mu teyuc no'ox ta xcom ta vul o'nton xchi'uc.

Salmos 78:16

X'uc'ubinaj no'ox vo' loc' talel ta ch'en yu'un ti Diose.

Éxodo 17:6

Tey ta jcaj-malaot ta vits Horeb ta sba jun muc' ta ton. C'alal ta xamaj ti muc' ta tone, ta xloc' talel vo' yo' jech ta xuch'ic ti jteclume. Va'i un, ti Moisese jech laj spas ta sba ta sat ti moletic yu'un ti Israele.

Números 20:24

“Ti Aarone ta xcham, mi ja'uc ta x'och batel ta jteclum ti bu caloj ti cac'ojbeic ti israeletique. Yu'un ti ta sti'il sat vo' Meribae, mu'yuc laj ach'unic ta spasel ti jmantaltaque.

San Mateo 5:22

Ta xcalboxuc ava'iic ti vu'une, buch'uuc no'ox ti xti'et sjol yu'un ti xchi'ile, ta stoj. Ti buch'u ta sa' ta c'op ti xchi'ile, ta xich' chapanel ta stojol ti banquilal jchapanvanejetique. Ti buch'u ta sbis ta cotol chaval ti xchi'ile, xi'bal sba, yu'un xu' ta xbat ta lajebal bu oy ti c'oq'ue.

1 Corintios 3:7

Ti xcaltic une, ti buch'u ta sts'une xchi'uc ti buch'u ta smalta ti ts'unobale, ja' no'ox jech yepal xu' yu'unic. Yu'un c'otem ta sventa Dios scotol. Yu'un ja' ta xac' ch'iuc talel ti ts'unobale.

Efesios 4:26

Ma'ucuc me xata o amul yu'un mi oy bu la'ilinique. Ma'ucuc me ti sjunul c'ac'al xa'ilete.

Deuteronomio 9:24

¡Yu'un toyobbaoxuc ono'ox ta stojol ti Ajvalil Dios ti c'uxi lic cojtiquinoxuc talele!

Santiago 3:2

Jcotoltic, yepal ta xijelavotic ti c'usi ta xcaltique. Mi oy buch'u mu xjelav ti c'usi ta xale, ja' jun lequil tuq'uil vinic, ochem ta be yu'un ti sbec'tal stacopale.