Números 2:2 - Bible in Tzotzil de Chamula

² “Ti israeletique, tsots sc'oplal sc'an ti nom nomtic ta sjoy sbaic ta naclej ti bu ta sbejanic ti Axibalna ti bu nupel ta bee, yu'un vololic ta jujuchop ta yolon ti bu pajal ti sbanderaique, ti xvinajic lec ta q'uelel buch'uic ti jujuvoq'ue.

Bible in Tzotzil de Chenalhó with Deuterocanon

² “Scotol li achi'iltac ta israelale nom me jutuc ac'o spas scarpanaic ta spat xocon li ch'ulna pasbil ta nucule. Ta jujuchop ac'o yac' scarpanaic te ta yolon li sbanderaique xchi'uc ja' te ac'o yac' sbaic ti bu oy senyail yu'unic ta jujuchop sbiique.

Números 2:2 Iomraidhean Croise

Salmos 74:4

Ti avajcontrataque xq'uejinic no'ox ta ach'ulna ti tsalvanic xae; laj xa sva'anic jyanlum banderaetic

Salmos 76:11

Alic ta stojol ti Ajvalil Dios avu'unic ti oy c'usi ta xavac'beique, le' une, c'otuc ta pasel avu'unic. Ti vo'oxuc joyoloxuc ta spat ta xocon ti Buch'u sc'otebal o ti xi'tabile, ich'beic talel matanal ta stojol.

Isaías 12:6

Avananic ta muyubajel, jnaclejetic yu'un ti lum Sione, yu'un ti ch'ul Dios yu'un Israele, oy ta o'lol avu'unic xchi'uc scotol ti smuc'ul stsatsale.”

Isaías 18:3

Acotolic jnaclejetic ta banomil, ta xavilic ta vitstic ti senyail ta xich' toyele, ta ya'yiel ti ta xich' oq'uisanel ti oq'uese.

Ezequiel 43:7

ti xi ta xalbune: “Avi li'e, ja' jchotleb sventa jpasob mantal ti bu ta jtec'an ti coque. J'ech'el ta xinaqui ta stojol ti israeletique. Ti stuquique, ti ajvaliletic yu'unique, laj sc'oplal ti xi s'elan ta soquesbeicun jc'oplal ti mu'yuc stuq'uil ti snopbenal yu'unique: J'ech'el ts'ij xi sc'oplal ta sva'anel sloc'obbail ajvalil yu'unic c'alal mi chame,

Zacarías 9:16

Ti jech c'ac'al taje, ti Ajvalil ti ja' Dios yu'unique, ta spoj loq'uel ti steclumale jech c'u cha'al ti jq'uel-chij ta spoj ti xchijtaque, yu'un xlaplun no'ox xojobaltac ti yu'untac ta steclumal stuquique, co'ol jech c'u cha'al c'upil sba tonetic ti yich'oj ti jun ronae.

Números 1:50

Yu'un ti levitaetique, ja' tsots sc'oplal ta xavac'be sbainic ta yabtelanel ta sq'uelel ti Axibalna yu'un ti tratee, xchi'uc scotol ti c'usitic oy yu'une, xchi'uc ti c'usitic ta xtun ti ja' yu'un ti Axibalnae. Yu'un ja' yabtelic ta sbainic ta yich'el batel ti Axibalnae, xchi'uc ti c'usitic oye, xchi'uc scotol ti c'usitic ta xtune. Ja' jech xtoc ja' yabtelic ti ta sjoy sbaic ta sq'uelel ti Axibalnae.

Números 10:14

ti jvoc' ta sliqueb ti jnaclejetique, ja' xvoletic batel ti bu japbil batel bandera yu'un ti Judae, ti ja' banquilal jvolvanej yu'unic ti Naasone, xnich'on ti Aminadabe.

Números 10:18

Va'i un, nabal batel ti jvoc' jnaclejetic ti xvoletic batel ti bu japbil batel bandera yu'un ti Rubene, ti ja' banquilal jvolvanej yu'unic ti Elisure, xnich'on ti Sedeure.

Números 10:22

Ts'acal to un, ti jvoc' jnaclejetique nabalic batel ec ti bu japbil batel sbandera ti Efraine, ti ja' jvolvanej batel yu'unic ti Elisamae, xnich'on ti Amiude.

Números 10:25

Ti slajeb ta scotole, nabalic batel ec ti jvoc' jnaclejetic ti xvoletic batel ti bu japbil batel sbandera ti Dane, ti ja' banquilal yu'unic ti Ahiezere, xnich'on ti Amisadaie.

Números 2:1

Ti Diose xi laj yalbe ti Moisese xchi'uc ti Aarone ti c'alal laj sc'opon talele:

Números 2:10

“Ta yolon ti yac'ol xocon sloq'ueb c'ac'ale, laj svol sbaic ta naclej ti jvoc' ti sts'acliojic ta xanobal sbandera ti Rubene. Ti jvoc' ti ja' snitilultac ti Rubene, ti ja' banquilal yu'unic ti Elisure, xnich'on ti Sedeure,

Números 2:3

“Ta yeloval sloq'ueb c'ac'al, ja' tey ta svol sbaic ti jvoc' ti sts'acliojic ta xanobal sbandera ti Judae. Ti jvoc' ti ja' snitilultac ti Judae, ti ja' banquilal yu'unic ti Naasone, xnich'on ti Aminadabe,

Números 24:2

Ti c'alal laj yil ti Balaam ti lamalic ta jujuvoc' ti Israele, tal uninatuc yu'un xcuxlejal ti Diose.

1 Corintios 14:33

Ti Diose ja' ta sc'an ti xlaet cuxetuc ti banomile, ti oyuc smelol c'usi ta xich' pasele, ma'uc sc'an ti voch voch c'ope. Jech xapasic jech c'u cha'al ta spasic ti jch'unolajeletic ti buyuc no'ox ta stsob sbaique.

1 Corintios 14:40

Ja'uc le'e, scotol oyuc smelol stuq'uil ti c'usi ta xapasique.

Filipenses 1:27

Xi ta xcalboxuc ava'iic xtoque: cuxianic ta yac'bel yipal ta spasel co'ol xchi'uc jech c'u cha'al ta xal ti lequil ach' c'op yu'un ti Cristoe. Mi bat jq'ueloxuc, mi mu'yuc, ja' no'ox ta jc'an ta xca'i ac'oplalic mi jmoj vololoxuc avac'ojbeic yipal ta xch'unel ti colebal lequil ach' c'ope.

Colosenses 2:19

Yu'un ti stuquique mu junicuc xchi'uc ti Cristoe, ti c'alal ja' c'otem ta banquilal cu'untique, ti c'alal ja' ta xists'itesotique, ti c'alal ja' ta xismalq'uinotique, ti c'alal ja' ta xispasotic ta jun jech c'u cha'al snopoj ono'ox ti Diose.

Josué 3:4

Ja' to jech ta xana'ic ti bu sc'an ta xatamic batele. Yu'un mi ja'uc oy buch'u junuc xanavem avu'unic ta be li'e. Ja' no'ox un, mu me loq'ueluc xanopajic ech'el ta sts'el ti caxae, ti nom nom no'ox xa ts'acliic ech'el ti nopoluc lajuneb cien (1,000) metro xavilic ech'ele.”