Números 19:22 - Bible in Tzotzil de Chamula

²² Scotol ti c'usi picbil ta xc'ot yu'un ti buch'u xcuchoj ti sbolile, ta xcuchbe sbolil ec. Ti buch'u tijil ta xc'ot ta stojol ti buch'u mu stac' nopele, ta smalil to c'ac'al ta xlaj yip xcuchojbe ti sbolile.”

Bible in Tzotzil de Chenalhó with Deuterocanon

²² Scotol c'usi tspic li boch'o mu'yuc leque, chopol chcom ec li c'usi chich' piquele. Me oy boch'o tspic li boch'o mu'yuc leque, soquem chcom o c'alal to ta mal c'ac'al”, xi li Muc'ul Diose.

Números 19:22 Iomraidhean Croise

Levítico 15:1

Ti Diose xi laj yalbe ti Moisese xchi'uc ti Aarón ti c'alal laj sc'opon talele:

Levítico 15:10

“Buch'uuc no'ox ti ta spic ti bu choti ti buch'u ta xich' svocol yu'un ti c'usi ta xjelave, c'otuc ta o'ntonal ti ta smalil to c'ac'al ta xch'ay ti sbolile. “Buch'uuc no'ox ti ta xchech jtosuc ti c'usi taje, tsots sc'oplal ac'o xchuc' sc'u', ac'o spoc sba ta vo'. C'otuc ta o'ntonal ti ta smalil to c'ac'al ta xch'ay ti sbolile.

Levítico 15:11

“Buch'uuc no'ox ti nabal ta xc'ot ta sts'el ti buch'u ta xich' svocol yu'un ti c'usi xjelave, ti mi mu'yuc spocoj ti sc'obe, tsots sc'oplal ac'o xchuc' ti sc'u'e, ac'o spoc sba ta vo'. C'otuc ta o'ntonal ti ta smalil to c'ac'al ta xch'ay ti sbolile.

Levítico 15:21

“Buch'uuc no'ox ta spic c'usiuc jtosucal ti bu puch'ie, tsots sc'oplal ac'o xchuc' ti sc'u'e, ac'o spoc sbaic ta vo'. C'otuc ta o'ntonal ti ta smalil to c'ac'al ta xch'ay ti sbolile.

Levítico 15:22

“Buch'uuc no'ox ta spic jtosuc ti bu chotie, tsots sc'oplal ac'o xchuc' ti sc'u'e, ac'o spoc sba ta vo'. C'otuc ta o'ntonal ti ta smalil to c'ac'al ta xch'ay ti sbolile.

Levítico 15:23

Mi ja' ta spiquic jtosuc ti bu puch'ule, mi ja' ti bu chotie, c'otuc ta o'ntonal ti smalil to c'ac'al ta xch'ay ti sbolile.

Levítico 15:27

“Buch'uuc no'ox ta spic jtosuc ti va'i s'elan taje, c'otuc ta o'ntonal ti xcuchojbe ta xc'ot ti sbolile. Tsots sc'oplal ac'o xchuc' ti sc'u'e, ac'o spoc sba ta vo'. C'otuc ta o'ntonal ti ta smalil to c'ac'al ta xch'ay ti sbolile.

Levítico 15:5

“Ti buch'uuc no'ox ta stsac ti c'usiticuc ti bu laj xpuch'an sba ti vinic taje, tsots sc'oplal ac'o xchuc' ti c'u'ile, ac'o spoc sba ta vo'. C'otuc ta o'ntonal ti ta smalil to c'ac'al ta xch'ay ti sbolile.

Levítico 15:6

“Buch'uuc no'ox ta stsac ta xchotlebinel ti bu choti ti vinique, tsots sc'oplal ac'o xchuc' ti sc'u'e, ac'o spoc sba ta vo'. C'otuc ta o'ntonal ti ta smalil to c'ac'al ta xch'ay ti sbolile.

Levítico 15:7

“Buch'uuc no'ox ti ta xnopaj ta sts'el ti buch'u ta xich' svocol yu'un ti c'usi xjelav yu'une, tsots sc'oplal ac'o xchuc' ti sc'u'e, ac'o spoc sba ta vo'. C'otuc ta o'ntonal ti ta smalil to c'ac'al ta xch'ay ti sbolile.

Levítico 15:8

“Ti buch'u ta xich' svocol yu'un ti c'usi ta xjelave, mi tubaj batel ta sts'el ti buch'u leque, tsots sc'oplal ac'o xchuc' ti sc'u'e, ac'o spoc sba ta vo'. C'otuc ta o'ntonal ti ta smalil to c'ac'al ta xch'ay ti sbolile.

Levítico 22:5

mi ta soques sba xchi'uc ti laj spic jun chon ti xquilet ta xanave, mi ja' laj sta ta piquel jun vinic ti ja' xcuchoj ti sbolile, ja' xcuchojbe ta xc'ot ti sbolil eque, ta scoj ti laj sta ta piquel ti c'alal ja' o oy ti sbolile.

Levítico 22:6

Va'i un, c'otuc ta o'ntonal ti ta smalil to c'ac'al ta xlaj ti sbolile. Mu xu' ta slajes ti c'usitic ts'uiltasbil ti mi mu ba'yeluc ta spoc sba ta vo'e.

Levítico 5:2

“Mi oy buch'u ta spic jtosuc ti albil sc'oplal ti mu stac' piquele jech c'u cha'al ti chamem chon bolome, mi ja' ti c'usitic ta xch'i ta te'tique, mi ja' ti c'usitic ts'unbile, mi ja' ti quiletel chone, ja' jech s'elan ta q'uelel ec ti buch'u jech ta spase. Oy xa me smul ti c'alal ta xa'i ti c'usi laj spase.

Levítico 5:3

“Mi oy buch'u ta spic ti albil sc'oplal ti mu stac' piquel ti xcuchinoj talel ti yane, mi c'usiuc no'ox yan, oy xa me smul ti c'alal ta xlic ya'i sba ti c'usi laj spase.

Levítico 7:19

“C'usiuc no'ox mi na'bil ti soquesvanej ti c'ot ta sba ti beq'uete, mu xa me stac' ti'el, ja' xa no'ox ta xich' chiq'uel. “Scotolic ti buch'utic mu'yuc soquesoj sbaic xchi'uc ti c'usiuc no'ox jsoquesvaneje, xu' ta sti'ic ti beq'uete.

Levítico 7:21

“Ti buch'u ta spic jtosuc ti c'usi na'bil ta soquesvane, mi ja' ti c'usi xcuchinoj ti yane, mi ja' ti c'usi xcuchinoj ti chon bolome, c'usiuc no'ox yan ti toj chopol sba ta j'ech'ele, jech xtoc un, mi ts'acal to mi utsuc xa slajesbe sbec'tal ti c'usi laj yich' svocol ta sventa ti lajesobil o'ntonal ti c'alal c'ot ta yu'un ti Diose, tenbil ta xloc' ta stojol ti xchi'iltaque.”

Hageo 2:13

Xi no'ox lic sjaq'uilan ti Hageo xtoque: “Ati xcaltic no'ox xtoc une, ti jech mu xa xtal lec yutsil ta q'uelel ti buch'u laj spic ti animae, ti ta xbat spic jtosuc xtoc ti c'usitic ts'uiltasbil taje, ¿mi mu tauc soc ti sc'oplale?” “Tana unbi”, xi laj staq'uic ti paleetique.

Números 19:7

Mi laj une, ta xchuc' sc'u', xchi'uc ta x'atin lec ta vo'. Ts'acal to un, xu' x'och batel ti bu lamalic ta nacleje, ac'o mi ta smalil to c'ac'al ta xlaj yip ti xcuchoj ti sbolile.