Números 19:13 - Bible in Tzotzil de Chamula

¹³ Ti mi oy buch'u laj stic' sba ta spiquel ti animae, ti mi mu smes stus sbae, ta soquesbe sc'oplal ti xch'ulna Dios yu'une. Tsots sc'oplal tenbil ta xloc' ta stojol ti israeletique, ja' ti mu'yuc laj yich' mesel tusel yu'un ti jtusvanej vo'e. Staoj yav ti xcuchoj ti sbolile.

Bible in Tzotzil de Chenalhó with Deuterocanon

¹³ Me oy boch'o la sta ta piquel sbec'tal anima ti mu'yuc chac' sba ta lecubtasele, tsocbe sc'oplal li ch'ulna yu'un Diose. Ac'o loc'uc o ta atojolic, yu'un muc xac' sba ta lecubtasel ta ts'u'iltasbil vo'. Jech te chcom o ta sba stuc ti mu'yuc lecubene.

Números 19:13 Iomraidhean Croise

Éxodo 30:33

Yan ti mi oy buch'u ta xchapan yan aceite ti co'ol jech c'u cha'al taje, mi ta smalbe ta sba ti buch'uuc no'oxe, tenbil ta xloc' ta stojol ti xchi'iltaque.’ ”

Proverbios 14:32

Ti buch'u mu'yuc xch'ulel xa'i sbae, ta scoj xchopolal ta soques sba; ti buch'u sna' stuc'ulan sbae, ich'bil ta muc' ta xc'ot yu'un.

Ezequiel 44:26

Mi jech laj spase, tsots sc'oplal ta smes stus sba, smalauc ech'uc vucubuc (7) c'ac'al.

Levítico 15:31

Ti jech taje, ja' jech mu xu' ta xnopajic talel ti israeletic ti c'alal oy svocolic yu'un ti xchamelique yo' jech mu xchamic ti ta soquesicun ti jech nacalun ta stojolique.”

Levítico 20:3

Ta jcontrain ti vinic taje. Ta jten loq'uel ti jech oy ta jteclum ta scoj ti ta soquesbun ti Axibalnae, xchi'uc ti ta soquesbun ti jc'oplal ti c'alal ta xac' junuc xnich'on ta stojol ti dios Moloque.

Levítico 22:3

“Albo ya'i ti li' ta xlic batel ti buch'uuc no'ox junucal snitilultac ti soquesoj sba xchi'uc jtosuc ti albil sc'oplal ti mu staq'ue, mu xu' ta sva'an sba ta yaq'uel ti c'usitic ta xaq'uic ta stojol Dios ti israeletique. Tenbil ta xloc' ta jtojol. Yu'un vu'un ti Ajvalilune.

Levítico 22:4

“Mi junuc snitilultac ti Aarón mi ip ta xa'i ta c'a'emale, mi snuptanoj vocol ti xmalmun ti c'usi xjelav ta yichone, mi ja'uc xu' ta sve' ti c'usi c'otem ta yu'un ti Diose ja' to ti mi laj yich' poquel tusele. “Ti buch'u ta spic ti c'usi ta soquesvan ta scoj ti chamem xae, mi ta spic jun vinic ti oy svocol yu'un ti c'usi xjelav yu'une,

Levítico 5:17

“Mi oy buch'u ta sta smul ta spasel ti c'usi contra xil sba xchi'uc smantaltac ti Diose, ac'o mi mu xa'i sba ti jech oy smule, yu'un tsots sc'oplal ti xcuchoj ta xcom stuc ti smule.

Levítico 5:3

“Mi oy buch'u ta spic ti albil sc'oplal ti mu stac' piquel ti xcuchinoj talel ti yane, mi c'usiuc no'ox yan, oy xa me smul ti c'alal ta xlic ya'i sba ti c'usi laj spase.

Levítico 5:6

Va'i un, ac'o yac' ta stojol Dios jcotuc sme' yuni ts'unub stuc ti ta xich' svocol ta milel ta scoj ti mulil c'ot ta pasel yu'une, xu' jcotuc me' chij, mi mo'oje, jcotuc me' tentsun. Ta sventa ti milbil matanal taje, ti palee ta sta ti ch'aybil smul scolo' ta xc'ot ti buch'u jech c'ot ta pasel yu'une.

Levítico 7:20

“Ja'uc ti buch'u soquesoj sba xchi'uc jtosuc ti soquesvaneje, ti ta sti'be sbec'tal ti c'usi laj yich' svocol ta sventa ti lajesobil o'ntonal ti c'alal ja' c'ot ta yu'un ti Diose, tenbil ta xloc' ta stojol ti xchi'iltaque.

Levítico 7:21

“Ti buch'u ta spic jtosuc ti c'usi na'bil ta soquesvane, mi ja' ti c'usi xcuchinoj ti yane, mi ja' ti c'usi xcuchinoj ti chon bolome, c'usiuc no'ox yan ti toj chopol sba ta j'ech'ele, jech xtoc un, mi ts'acal to mi utsuc xa slajesbe sbec'tal ti c'usi laj yich' svocol ta sventa ti lajesobil o'ntonal ti c'alal c'ot ta yu'un ti Diose, tenbil ta xloc' ta stojol ti xchi'iltaque.”

Números 15:30

“Yan mi oy jun ti yolobaj laj sa' ti smule, mi ja' israel, mi ja' jyanlum, laj soquesbun ti co'ntone. Va'i un, ti buch'u taje, tenbil ta xloc' ta stojol ti xchi'iltaque.

Números 19:14

“Ti smantaliltac ti sc'an pasel ta sventa ti buch'u ta xcham ta yut snaic ti bu lamalic ta nacleje, xi s'elane: Yu'un scotolic ti c'usi x'ayan ta yut axibal na xchi'uc ti buch'u ta x'ochique, vucub c'ac'al sjalil ti xcuchojbe ti sbolile.

Números 19:18

Mi laj une, ta xtal jun vinic ti mu'yuc soquesoj sbae. Ta stsac jvichuc sc'ob hisopo te' ti ta sts'aj ochel ta vo'e. Ta svits'ulta batel xchi'uc ti Axibalnae, ti lech-lech taq'uine, ti buch'utic oyic to ox ta yute, xchi'uc ti buch'u laj stic' sba ta spiquel ti jmilele, mi ja' ti lequil chamel laj ya'ie, mi ja' ti baque, mi ja' ti muquinale.

Números 19:19

Jech ti vinic ti smesoj stusoj sbae, ta yoxibal c'ac'al, xchi'uc ta yucubal c'ac'al, ta svits'ulta ta vo' ti buch'u mu'yuc mesbil tusbile. Va'i un, ti ta yucubal c'ac'al une, ta sta ti mesbil tusbil ta xc'ote. Jech ti buch'u xcuchoj ti sbolile, ta xchuc' sc'u', ta x'atin lec ta vo', ac'o mi ta smalil to c'ac'al ta xlaj yip ti xcuchoj ti sbolile.

Números 19:20

Mi oy buch'u ti xcuchoj ti sbolil ta scoj ti mu'yuc yac'oj sba ta lecubtasele, tenbil ta xloc' ta stojol ti steclumale. Yu'un ta soquesbe sc'oplal ti xch'ul na ti Dios yu'une. Ja' ti mu'yuc laj yich' lecubtasel yu'un ti jlecubtasvanej vo'e. Jech o xal un, tey to xcuchoj ti sbolile.

Números 19:9

Ta xtal yan vinic ti mesbil tusbile, ja' ta stsob loq'uel stanil ti me' vacaxe. Ta xbat yac' ti bu tuc'ulanbil lec ti oy ta sti'il xa ti bu lamalic ta nacleje. Stanil ti me' vacax taje, ja' ta stunesic ti israeletic c'alal ta smeltsanic ti vo' sventa ti mesel tusele. Scotol taje, ja' no'ox ta xtun ta sventa ti c'usi laj yich' aq'uel yu'un ti mulil colo'ile.

Números 8:7

Ti smelol ti mesel tusele, xi s'elan jech c'u cha'al li'e: Ta xavijbe ti jmesvanej jtusvanej vo'e. Ts'acal to un, ta xch'ul sbaic lec sjunul. Ta xchuc' sc'u'ic. Va'i un, mesbil tusbil ta xc'otic.

Números 9:13

Yan ti buch'u ta xicta sba ta spasel q'uin Colel ti c'alal mu'yuc soquesoj sbaique, ti mu'yuc nom batemique, tenbil ta xloc' ta stojol ti xchi'iltaque. Yu'un mu'yuc laj yac'be smoton ti Dios ti c'alal ja' o sc'ac'alile. Ta xich' tsitsel yu'un ti smule.

San Juan 8:24

Jech o xal laj calboxuc ava'iic ti acuchoj amul xacham xalajique, yu'un mi mu xc'ot ta avo'ntonic ti Buch'uun ta melele, acuchoj amul xacham xalajic, xacutoxuc.

Hebreos 10:29

Ja' yu'un un, x'ech' ta sta tsots tsitsel ti buch'utic yalel xa ta sju'beic ta teq'uel ti Xnich'on Diose, ti yalel xa ta sbajbeic ti xch'ich'ele, ti c'alal chopol ta xc'opoj ta stojol ti jc'uxubinvanej Ch'ul Espíritu yu'un ti Diose. Ti xch'ich'el taje, ja' ta sventa lic abtejuc ti trate yo' jech veintainbil c'otic yu'un ti Diose.

Hebreos 9:10

Yu'un spat xocon no'ox, naca sc'oplal ve'liletic, uch'bolaletic, xchi'uc c'u s'elan ta stus ta spoc sbaic. Yu'un naca mantal ti ja' no'ox itun ti c'u sjalil mu'yuc to ta xc'ot ta jelel yu'un ti Diose.

Apocalipsis 21:8

Ja'uc ti buch'utic xi'el no'ox xa'i sbaique, ti buch'utic mu'yuc c'usi ta xc'ot ta yo'nton ta xch'unele, ti buch'utic xti'et sjolique, ti buch'utic jmilvaneje, ti buch'utic batem yo'ntonic ta mulivajele, ti j'ac'-chameletique, ti buch'utic ta xich'ic ta muc' ti c'usitic meltsanbil ta c'abale, ti buch'utic jutc'opetique, scotolic taje, ta xbatic ta muc' ta c'oc' ti bu ta xtil ta azufree, ti ja' xa xcha'cojal lajebale.”

Apocalipsis 22:11

Ti buch'u yacalic ta spasel ti c'usi chopole, ch'an xa no'ox uto. Ti buch'u yacal ta spasel ti c'usi mu'yuc smelole, ch'an xa no'ox uto, ac'o yac'be yipal ta spasel ti c'usi mu'yuc smelole. Ti buch'u yacalic ta spasel ti c'usi leque, mu me xicta sbaic ta spasel. Mu me xicta sba xtoc ta stuc'ulanel sba ti buch'u laj sta ti slequil yutsile.”

Apocalipsis 22:15

Ja'uc ti jchopol-joletique, ti j'ac'-chameletique, ti buch'u ja' no'ox batem ta yo'ntonic ti mulivajele, ti jmilvaneje, ti ta xich'ic ta muc' ti c'usitic meltsanbil ta c'abale, ti buch'utic lec xa'iic ti lo'lavaneje, scotolic taje ta xcomic ta spat ti jteclume.