Números 19:12 - Bible in Tzotzil de Chamula

¹² Ti ta yoxibal c'ac'ale, xchi'uc ti ta yucubal c'ac'ale, tsots sc'oplal ta stus ta spoc sbaic ta sventa ti jtusvanej jpocvanej vo'e. Ja' to jech ta xlaj yip ti xcuchoj ti sbolile. Yan ti mi mu slecubtas sba ta yoxibal c'ac'ale, xchi'uc ti ta yucubal c'ac'ale, xcuchoj ti sbolile.

Bible in Tzotzil de Chenalhó with Deuterocanon

¹² Ta yoxibal xchi'uc ta svucubal c'ac'al ac'o yac' sba ta lecubtasel ta sventa li ts'u'iltasbil vo'e. Ta svucubal c'ac'ale lec xa chcom o. Me mu'yuc chac' sba ta lecubtasel ta yoxibal c'ac'al xchi'uc ta svucubal c'ac'ale, mu'yuc lec chcom o.

Números 19:12 Iomraidhean Croise

Salmos 51:7

Mesun tusun ta hisopo te', mesbil ta xic'ot unbi; pocun un, x'ech'uc to sac lapanel ta xicom jech c'u cha'al ti bote.

Éxodo 19:11

Ja' yu'un un, chapalucoxuc me lec ta sventa ti cha'eje. Yu'un ti cha'eje, ta sba ta sat scotol israeletic, ta xiyal talel ta vits Sinaí ti vu'un Ajvalilune.

Éxodo 19:15

Ja' yu'un un, ti Moisese xi laj yale: —Chapano abaic ta sventa ti cha'eje. Ti jech yorail taje, ma'uc me ti yan xa yesic ti vinic antse.

Ezequiel 36:25

Ta yax jipan vo' ta jpocoxuc. Ta jmes ta jtus loq'uel ti c'usitic mu xtun oy ta atojolique, xchi'uc ti sbolil laj ach'ambeic ti laj anijan abaic ta yich'el ta muc' ti c'usitic meltsanbile.

Oseas 6:2

Ta jliquel no'ox ta jtatic ti xlaet xa xca'itic ti banomil yu'une. Ja' stuc ta xistamotic liquel yo' jech ta xicuxi ta stojol.

Levítico 14:7

Va'i un, ti ch'ich'e, vucub velta ta xich' vijbel ta sba ti buch'u ta xich' poquel tusel yu'un ti c'a'emale. Jamal ta xalbe sc'oplal ti lec xa oye. Yan ti cuxul mute, ta scolta batel.

Levítico 7:17

Yan ti mi tey to oy ta sta ta yoxibal c'ac'al sbec'tal ti chon bolom ti laj yich' aq'uele, ac'o xa yich' chiq'uel scotol.

Números 31:19

Scotol ti buch'utic milvanemic xae, ti buch'u laj stic' sbaic ta spiquel ti animae, comic vucub c'ac'al ta spat ti bu lamaloxuc ta nacleje. Ja'uc ti vo'oxuc xchi'uc ti jchuqueletique ta xapoc abaic ta mesel ta tusel ti c'alal ta xc'ot ti yoxibal c'ac'ale, xchi'uc ti c'alal xc'ot sc'ac'alil ti yucubal c'ac'ale.

Hechos 15:9

Ti Diose mu jeltosuc yo'nton ta jtojoltic xchi'uc ti jyanlumetique, yu'un pocbil mesbil yo'ntonic c'ot ta sventa ti c'ot ta yo'ntonic ta xch'unele.

Apocalipsis 7:14

—Yojtot, xana' atuc bu talemic —xcut. Xi laj stac'bune: —Le'e, ja'ic ti buch'utic cuch yu'un ti tsots svocolique, yu'un laj yaq'uic ta chuq'uel ti sc'u'ique, xchi'uc laj yaq'uic ta sacubtasel ta sventa xch'ich'el ti jcot ta Uni Chije.