Números 19:11 - Bible in Tzotzil de Chamula

¹¹ “Ti buch'u ta stic' sba ta spiquel ti animae, vucub c'ac'al sjalil ta xc'ot ta stojol ti xcuchoj ti sbolile.

Bible in Tzotzil de Chenalhó with Deuterocanon

¹¹ “Scotol li boch'o tsta ta piquel sbec'tal jun animae, vucub c'ac'al chopol chcom.

Números 19:11 Iomraidhean Croise

Isaías 52:11

Loc'anic talel ta Babilonia, loc'anic xa talel. Mu xasoques abaic yu'un ti c'usi ta soquesvane. Loc'anic xa talel ta Babilonia. Stuc'ulanuc sbaic lec ti buch'utic ta xich'ic batel ti c'usitic ja' yu'un ti Diose.

Lamentaciones 4:14

Ma'satetic s'elan, xcuclajet ta xanavic ta beetic yu'un ti lume. Bonolic ta ch'ich', mi junuc sc'an spicbe ti sc'u'ique.

Ezequiel 39:12

Ta xch'ubaic ta smesel ti muc' ta lume. Vucub (7) u sjalil naca mucvanej ta spasic ti israeletique.

Ezequiel 44:26

Mi jech laj spase, tsots sc'oplal ta smes stus sba, smalauc ech'uc vucubuc (7) c'ac'al.

Levítico 11:31

“Ti ta yepal chonetic ti cuxul ta banomil taje, c'otuc ta o'ntonal ti ma'uc lequil chonetique. Buch'uuc no'ox ta spic jtosuc ti chamem chonetic taje, yu'un ta smalil to c'ac'al ta xlaj yip ti staoj svocol ta soquesel sba xchi'uque.

Levítico 21:1

Ti Diose xi laj yalbe ti Moisese: “C'oponano ti paleetic snitilultac ti Aarone, albo ya'iic ti mu soques sbaic ta spiquel ti animaetic ta sventa ti yuts' yalaltaque.

Levítico 21:11

Tsots sc'oplal ti mu ta xbat ta yoc ta soquesbe sc'oplal ti Axibalna yu'un ti Diose, xchi'uc ti ta soques sba ti ta xloc' batel ta Axibalnae yo' jech ta x'och batel ti bu tuts'ul ti junuc animae, mi ja'uc ta sna ti stote, mi ja'uc ta sna ti sme'e. Yu'un laj yich' malbel ti jtunel aceite yu'un Dios ta sjole. Yu'un vu'un ti Ajvalilune.

Levítico 22:4

“Mi junuc snitilultac ti Aarón mi ip ta xa'i ta c'a'emale, mi snuptanoj vocol ti xmalmun ti c'usi xjelav ta yichone, mi ja'uc xu' ta sve' ti c'usi c'otem ta yu'un ti Diose ja' to ti mi laj yich' poquel tusele. “Ti buch'u ta spic ti c'usi ta soquesvan ta scoj ti chamem xae, mi ta spic jun vinic ti oy svocol yu'un ti c'usi xjelav yu'une,

Levítico 5:2

“Mi oy buch'u ta spic jtosuc ti albil sc'oplal ti mu stac' piquele jech c'u cha'al ti chamem chon bolome, mi ja' ti c'usitic ta xch'i ta te'tique, mi ja' ti c'usitic ts'unbile, mi ja' ti quiletel chone, ja' jech s'elan ta q'uelel ec ti buch'u jech ta spase. Oy xa me smul ti c'alal ta xa'i ti c'usi laj spase.

Hageo 2:13

Xi no'ox lic sjaq'uilan ti Hageo xtoque: “Ati xcaltic no'ox xtoc une, ti jech mu xa xtal lec yutsil ta q'uelel ti buch'u laj spic ti animae, ti ta xbat spic jtosuc xtoc ti c'usitic ts'uiltasbil taje, ¿mi mu tauc soc ti sc'oplale?” “Tana unbi”, xi laj staq'uic ti paleetique.

Números 19:16

“Ja'uc ti buch'utic ta stic' sbaic ta spiquel ti buch'u lajem ta milele, mi ta lequil chamel no'ox, mi ja' baquetic, mi ta muquinal ti oyic ta osiltique, vucub c'ac'al sjalil, xcuchojbe ti sbolile.

Números 31:19

Scotol ti buch'utic milvanemic xae, ti buch'u laj stic' sbaic ta spiquel ti animae, comic vucub c'ac'al ta spat ti bu lamaloxuc ta nacleje. Ja'uc ti vo'oxuc xchi'uc ti jchuqueletique ta xapoc abaic ta mesel ta tusel ti c'alal ta xc'ot ti yoxibal c'ac'ale, xchi'uc ti c'alal xc'ot sc'ac'alil ti yucubal c'ac'ale.

Números 5:2

“Albo ya'i mantal ti israeletique ti ac'o sjipic loq'uel c'alal to sti'il jteclum scotol ti buch'utic ti c'usiuc no'ox chamelal ti ch'iem ta snuculilique, mi ja' ti buch'u oy c'usi xmalmun yu'unique, mi ja' ti buch'u laj soques sba xchi'uc ta scoj ti laj spic ti c'usi chamemique.

Números 6:6

Ti c'u sjalil taje, mi ja'uc xu' ta xnopaj batel ti bu tuts'ul ti animae.

Números 9:10

Acotolic xchi'uc ti anitilulique, tsots sc'oplal ta xapasic ti q'uin Colele, yu'un ja' quich'el ta muc'. Ja'uc ti buch'utic mu staq'uic nopel ta scoj ti laj stic' sbaic ta spiquel ti animae, mi ja' ti buch'utic nom batemique,

Números 9:6

C'u stu un, oy viniquetic ti soquesoj sbaic ta scoj ti laj stic' sbaic ta spiquel ti animae. Jech o xal un, mu stac' ta spasic sna'obil ti q'uin Colel ti jech c'ac'al taje. Ta sc'ac'alil no'ox, bat sq'uelic ta anil ti Moisese xchi'uc ti Aarone,

Hechos 21:26

Ta yoc'omal ti Pabloe laj yic' batel ti chanvo' (4) viniquetic yo' jmoj ta xac' sba ta tusel poquel. Och batel ta ch'ulna xtoc yo' ta xac' ta na'el bu ora ta xc'ot ta ts'aquiel sc'ac'alil ti c'usi oy sc'oplal yaloj ta xaq'uique, ti tsots sc'oplal ta xaq'uic ti matanal ti jujunique.

Hechos 21:27

Naca xa mu ta sts'aqui yu'unic ti svucubal (7) c'ac'ale, oy jun chib israeletic liquemic talel ta Asia banomil, laj yilic ti Pablo oy ta ch'ulnae. Tey laj sliquesbeic sjol scotol ti israeletique, xvoletic batel ta stsaquel ti Pabloe,

Romanos 5:12

Ta scoj jun vinic ayan talel ti mulil ta banomile. Ti jech ayan talel ti mulile, och talel ti lajel tubele. C'ot ta stojol ti jnaclejetic ta banomile, yu'un jsa'muliletic scotolic.

2 Corintios 6:17

Xi laj yal xtoc ti Diose: “Ch'aco abaic ta stojolic. Mu xapasic ti chopole. Mi jech ta xapasique, ta xaquic'oxuc ta jtojol.

Efesios 2:1

Ti ta vo'nee, chamemoxuc ta stojol ti Dios ta scoj ti amulique, ta scoj ti xchopolil avo'ntonique. Ti Diose ja' o laj yac'boxuc acuxlejalic jmoj xchi'uc ti Cristoe.

Hebreos 9:14

Ti mi ja' jech taj une, buc xa la xch'ich'el ti Cristo ti ja' x'ech' to jelavem ti yip xu' yu'une. Ti jech coltabil yu'un Ch'ul Espíritu ti sbatel osil cuxule, ti Cristoe laj yac' sba ta milel ta stojol Dios ti c'ot ta jun matanal ti mu'yuc xchopolale, yo' ta xcac' jbatic ta tunel ta stojol ti Dios ta sventa ti tun ti xch'ich'el ta spoquel stusel ti sbolil jol co'ntontic ti naca ch'ayel jq'uelojtic batel yu'une.