Números 18:9 - Bible in Tzotzil de Chamula

⁹ Yu'un ti matanaletic ti oy sc'oplal ta xich' svocol ta chiq'uele, oy jch'ac ta xc'ot ta avu'un. Ja' avu'un scotol ti matanal sat ts'unubaletique, ti yan matanaletic ti ta xich' svocol ta scoj ti mulile, mi ja' ti colo'il ti ta xaq'uic ti israeletique. Scotol ti matanaletic taje, ja' ta xc'ot ta avu'un ec xchi'uc ti anich'nabe.

Bible in Tzotzil de Chenalhó with Deuterocanon

⁹ Li jmoton chiyac'bicun ti chic'bil tsc'ane, ja' xa avu'unic scotol ti bu mu'yuc chich' chiq'uele. Ja' li arinaetique, xchi'uc li matanal chiyac'bicun sventa mulile, xchi'uc li jmoton chiyac'bicun ta sventa c'unil muliletic tstaique. Scotol li matanaletic ti ac'bilun xa ta jtojole, ja' avu'unic o xchi'uc li anich'nabe.

Números 18:9 Iomraidhean Croise

2 Reyes 12:17

Ti jech yorail ta vo'ne taje, ti Hazael ajvalil yu'un ti Siriae, lic stsac ta leto ti lum Gate, laj yu'nin. Laj stam batel sbe ta stsaquel ta leto ti lum Jerusalén ta ts'acal to une.

Nehemías 10:36

Laj jvules ta jolcutic xtoc ti quic'cutic ech'el ta xch'ulna Dios cu'uncutic ti sba jnich'oncutique, ti sba yol ti jvacaxcutique, ti sba yol ti jchijcutique, jech c'u cha'al ta xal ti ts'ibabil ta jbel ti tsots albile, ta stojol ti paleetic ta xtunic ta ch'ulnae.

Ezequiel 42:13

Ti vinique xi laj yalbune: “Ti ep ta c'ol naetic oy ta yeloval yolon ti yolon xocon sloq'ueb c'ac'ale, xchi'uc ti oy ta yeloval yolon ti yac'ol xocon sloq'ueb c'ac'ale, ta yeloval ti macbil amaq'ue, naetic ti ac'bil ta ventainele. Ti bu taje, c'otem ta na ta sventa stunesel matanaletic ti paleetic ti c'usitic c'otem ta ventae, ti buch'utic nabalic ta tunel yu'un ti Diose. Ti bu taje, c'otem ta yavil spajebal matanal ti ventainbile, jech c'u cha'al ti sat ts'unubale, ti ch'ayobil mulile, xchi'uc ti matanal xch'ayel stubel ti oy c'usi chopol c'ot ta pasele, yu'un ventainbil ti bu taje.

Ezequiel 44:29

Xu' slajesic ti sat ts'unubaletic ta xac'beicun ti israeletique, xchi'uc sbec'tal ti chon bolometic ta xich' aq'uel ta scoj ti mulile, xchi'uc ti ta xich' aq'uel ta scoj ti colo'ile. Ja' yu'unic ec, jech c'u cha'al scotol c'usitic c'otem ta jventa ta yac'belun ti israeletique.

Levítico 10:17

—¿C'u cha'al mu teyuc no'ox laj ati'ic ti c'usi laj yich' svocol ta scoj mulil ti bu tuc'ulanbil leque? Yu'un ja' jun matanal ti tsots sc'oplal ta j'ech'ele ti laj yac'boxuc ti Diose yo' jech ta xatabeic ti ch'aybil ta xc'ot smul scotolic ti israeletic ta stojol ti Diose.

Levítico 14:13

Tsots sc'oplal ti ac'o smil ti ch'iom chij ta yavil ti bu ono'ox ta xich' c'ocbel snuc' ti chon bolometic ti ta xich' svocol ta scoj ti mulil colo'ile, xchi'uc ti ta xich' chiq'uele. Ti c'usi ta xich' svocol ta scoj ti colo'ile, xchi'uc ti c'usi ta xich' svocol ta scoj ti mulile, ja' xa c'ot ta spuculal ti palee, ja' ti c'ot ta ch'ul matanal ta j'ech'ele.

Levítico 2:10

Scomelal ti matanale, ti ja' c'ot ta yu'un Dios ti ta xich' chiq'uel ta sventa yich'el ta muc' ti Diose, ja' xa ta xich' ti Aarón xchi'uc ti xnich'nabe.

Levítico 22:11

“Mi ta sman ta taq'uin jun smosov ti palee, ti mosovile xu' ta stun ta slajes ti c'usi ts'uiltasbile. Ja' jech xtoc ti buch'utic voq'uemic ta sna ti palee xu' ta stun ta slajesic ti ve'liletic yu'une.

Levítico 22:7

Yu'un ja' to pocbil tusbil ta xc'ot mi ch'ay xa batel ti c'ac'ale. Mi laj taj une, xu' xa ta slajes stunes ti c'usitic ts'uiltasbile, yu'un ja' yipanoj.

Levítico 4:22

“Mi ja' jun banquilal laj sta smul ti oy bu laj scontrainbe smantaltac ti Ajvalil Dios yu'une, oy ono'ox smul, ac'o mi ma'uc ta yutsil yo'nton laj spas.

Levítico 4:27

“Mi laj sta smul junuc xocol vinic ti mu sna' mi ja' smule, oy ono'ox smul ta scoj ti ta scontrainbe smantaltac ti Diose.

Levítico 5:1

“Mi oy buch'u ta xich' tael ta iq'uel ti ac'o yal ta jamal ti c'usi ta xjac'bate, ti ja' rextico stuc ti c'usi laj yile, mi ja' ti c'usi laj ya'ie, mi yalel xa mu xal une, laj xa sta smul. Ma'uc no'ox taje, yu'un xcuchoj me ta xc'ot ti mulile.

Levítico 5:6

Va'i un, ac'o yac' ta stojol Dios jcotuc sme' yuni ts'unub stuc ti ta xich' svocol ta milel ta scoj ti mulil c'ot ta pasel yu'une, xu' jcotuc me' chij, mi mo'oje, jcotuc me' tentsun. Ta sventa ti milbil matanal taje, ti palee ta sta ti ch'aybil smul scolo' ta xc'ot ti buch'u jech c'ot ta pasel yu'une.

Levítico 6:17

Tsots sc'oplal ti mu me sta'ajesic xchi'uc ti spajubtasobile, yu'un laj cac'beic scomelal jmoton ti ta xich' chiq'uele, ti ja' jun matanal ti tsots sc'oplal ventainbil xc'ote, xchi'uc ti matanal ti ta xich' milel ta scoj ti mulil colo'ile.

Levítico 6:19

Ti Diose xi laj yalbe ti Moisés ti c'alal laj sc'opon talele:

Levítico 6:30

Yan ti chon bolometic ti ac'bil ta matanal ta scoj ti mulile, ti laj yich' ech'el ti xch'ich'el ta Axibalna ti bu Nupel ta bee, ta j'ech'el mu ti'baj, yu'un c'ot ta xch'ayobil mulil ti tey ta Axibalnae. Ti matanal ti laj yich' svocol taje, ac'o yich' chiq'uel ta c'oc'.

Levítico 7:1

“Ti c'usi ta xich' svocol ta scoj ti mulile, ja' jun ch'ul matanal ta j'ech'el. Xi s'elan ti bijubtasel yu'un ma' taj une:

Levítico 7:6

Ja' jech xtoc scotol ti paleetique xu' ta sti'beic ti sbec'tale. Ja' no'ox un, tsots sc'oplal ac'o sti'ic ti bu yavil chapanbile, yu'un c'ot ta jun ch'ul matanal.

Levítico 7:7

“Ti c'usi ta xich' svocol ta scoj ti colo'ile, co'ol sc'oplal xchi'uc ti ta xich' svocol ta scoj ti mulile, co'ol s'elan ti xi s'elan ti bijubtasel yu'un ti xchibale: Ti c'usi ac'bil xae, ja' yu'un ti pale ti c'alal ja' o yacal ta spas yabtel ta xch'ayel ti mulile.

Números 18:10

Scotol ti viniquetic ti oy ta atojolique, xu' ta sti'ic ti matanaletic taje, ti tsots sc'oplal ta xich' ti'el ti bu tuc'ulanbil leque, yu'un ja' jun matanal ti ac'bil xa jelavel ta ventainele.

Deuteronomio 18:1

“Scotol snitilultac ti Levi ti ja'ic ti pale levitaetic xcaltique, mu'yuc ta xich'ic sparte osilic jech c'u cha'al ta xich'ic ti jlom israeletique. Yu'un tsots sc'oplal ta sta sve'elic yu'un ta sventa ti milbil matanaletic ti ta xich' ac'bel ti Diose, ti ja' c'otem ta yu'untaque.