Números 18:8 - Bible in Tzotzil de Chamula

⁸ Ti Diose xi laj yalbe ya'i ti Aarone: “Yu'un ta xc'ot ta pasel cu'un ti ta xcac'bot abain ta stuc'ulanel ti matanaletic ti ta xi'ac'bate. Yu'un scotol matanaletic ti c'ot ta t'ujel yu'un ti israeletic ti c'ot ta nopel yu'unic ti ta xac'beicune, ja' ta xc'ot ta avu'un ec xchi'uc ti anich'nabe, ti ja' jun mantal bejel ta xcom ta sbatel osile.

Bible in Tzotzil de Chenalhó with Deuterocanon

⁸ Li Muc'ul Diose jech laj yalbe noxtoc li Aarone: “Vu'un laj cac'bot aventain li jmoton chquich' ac'bele. Scotol li c'usitic voc'bil cu'un sventa jmoton chiyac'bicun achi'iltac ta israelale, vo'ot chacac'boxuc achi'uc li anich'nabe. Ja' jech jmantal ta xcom o ta atojolic.

Números 18:8 Iomraidhean Croise

2 Reyes 12:16

Ma' ti matanal taq'uin ti ta xich' aq'uel ta sventa ti mulil colo'ile, mu'yuc ta xich' ich'el batel ta sventa ti ch'ulnae. C'otem ta yu'unic ti paleetique.

2 Crónicas 31:4

Laj yalbe ya'i xtoc ti jnaclejetic nacalic ta Jerusalene, ti yac'beicuc ti paleetique, xchi'uc ti levitaetic ti patanil ta xaq'uic jujune, yo' jech ta xc'ot ta pasel yu'unic scotol ti oy jbel c'usi tsots yaloj ti Diose.

2 Crónicas 31:5

C'alal puc batel ti mantal une, ti israeletique, ta sjunul yo'ntonic, laj yaq'uic ti t'ujbil lequil trigoe, ti vinoe, ti aceitee, ti ajapome, xchi'uc scotol ti c'usitic xloc' x'ayan yu'unic ta yosilique. Yepal no'ox ta j'ech'el laj yaq'uic ti jun ta jujun lajlajuneb ti c'usitic xloc' x'ayan yu'unique.

Éxodo 28:43

Va'i un, ti Aarone xchi'uc ti xnich'nabe, ac'o slapic batel ti c'alal ta x'ochic batel ta Axibalna, mi ja' ti ta xnopajic batel ta sts'el ti altare. Ac'o slapic ti c'alal ta xtunic ta paleal tey ti bu nupel ta be xchi'uc ti Diose yo' jech mu jset'uc oy c'usi chopol ta xc'ot ta pasel, yo' jech mu xchamic. Li'e, ta me xc'ot ta jbel ti oy c'usi tsots albil ti j'ech'el ch'unbil ta xcom o yu'un ti stuque xchi'uc ti snitilultaque.

Éxodo 29:21

Ti c'u yepal ta xcom ti ch'ich' ti tun ta altare, xchi'uc ti jtunel aceitee, tuneso jutebuc. Vijo ta sba ti Aarone, ta sba ti sc'u'taque, ta sba ti xnich'nabe, xchi'uc ta sba ti sc'u'ic xtoque. Ja' to jech ta xc'ot ta yajtunel Dios ti Aarone, ti xnich'nabe, xchi'uc ti sc'u'ique.

Éxodo 29:28

Ti matanaletic ti ta xich'ic talel ti israeletique, na'bil ta xcom o yu'unic ti c'ot ta jbel mantal ti ja' yu'unic ti paleetic ti xpechel sti' yo'ntone, ti sbec'tal yo'tac ti laj yich' aq'uel ta sventa ti lajesobil o'ntonale.

Éxodo 29:29

“Ti abtelal c'u'iletic yu'un ti Aarone, ja' ta xich'ic comel ti snitilultac ti c'alal ta xich'ic tsots yabtelic ta paleale.

Éxodo 40:13

Ja' yu'un un, ti Aarone, ac'o slap avu'un ti tunelal c'u'ile. Mi laj une, yo' jech ta xc'ot ta pale cu'un, vijo ta malel ti jtunel aceite ti c'alal nijile.

Éxodo 40:15

Yo' jech ta xc'otic ta cajpaletac ec, vijo ta malel ti jtunel aceite c'alal nijilic jech c'u cha'al laj apasbe ta stojol ti Aarone. Ti jech laj yich' malbel ti jtunel aceite ta stojolic ti c'alal nijilique, ja' svinajeb ti yich'oj yabtelic ta paleal ti sjel sts'ac sba ta x'ech'ic sbatel osile.”

Isaías 10:27

Ti jech c'ac'al taje, ta xc'ot ta pasel ta xayalesbat ti avicatsic acuchojique. Ta xc'ot ta pasel ta xtub sc'oplal ti jun to yabtejeb vacax ts'otol ta anuq'uic ti ilbajinbiloxuc yu'unique.”

Levítico 21:10

“Ti banquilal pale yu'un ti paleetic ti laj yich' tsots yabtel ta slapel ti ch'ul c'u'ile, ta sventa ti malbat ti jtunel aceite ta sjole, ja' yu'un un, mu me ja'uc spas ti tey xa no'ox yabinoj xq'uiet ti sjole, mi ja'uc ti xac' ta ilel ta xch'i' ta jatel ti sc'u' ta scoj ti vul o'ntone.

Levítico 23:20

Va'i un, ti palee ta xac' jelavel ti chon bolometic ti ta xc'ot ta jtunel matanaletic ta stojol ti Diose, jmoj xchi'uc ti pan ti ja' sba sat ts'unubile, xchi'uc ti cha'cot chije, ti ja' bevbil ta yu'untac Dios yo' ta xich' ti palee.

Levítico 6:16

Ja'uc scomelal ti matanale, ti mu'yuc ac'bil ti spajubtasobile, ta sve' ti Aarón xchi'uc ti xnich'nab ti bu yavil chapanbil ti oy ta yamaq'uil ti Axibalna ti bu Nupel ta bee.

Levítico 6:18

J'ech'el ta xcom o ta stojol scotolic ti viniquetic ti ja' snitilultac ti Aarone, ti xu' ta stun ta slajesic ti c'u yepal albil sc'oplal ta xich'ic ti scomelal chic'bil matanaletic yu'un ti Diose. C'usiuc no'ox ti ech' sta ta tijbel sbec'tal ti chon bolom taje, laj sta ti tey xa jelav ti ventainbil c'ot eque.”

Levítico 6:20

“Xi s'elan ti matanaletic ta xac' ti Aarone xchi'uc ti xnich'nab ti ta xac' ta stojol Dios c'alal ta xich' ti yabtel ta paleale: chib kilo ti lequil t'ujbil harina ti ja' ta xc'ot ta matanal jech c'u cha'al ti sat jchop o ta trigoe. Ti o'lol jch'aque, ta xich' aq'uel ta sacubel osil. Ti o'lol jch'ac xtoque, ta xich' aq'uel ta smalil c'ac'al. Mu me ch'abaluc xc'ot junuc c'ac'al.

Levítico 6:26

Ti pale ti ja' ta xac' ti matanal ta scoj ti mulile, xu' ta sti' ec. Ja' no'ox un, tey ta sti' ti bu chapanbil sc'oplal ti oy ta yamaq'uil ti Axibalna ti bu Nupel ta bee.

Levítico 7:14

Scotol ti matanale, ta xich' loq'uesel jujuti' yo' ta xich' aq'uel ta stojol ti Diose. Taje, ja' ta xc'ot ta yu'un ti pale ti buch'u laj svij ti ch'ich' yu'un ti chon bolom ti laj yich' svocol ta sventa ti slajesobil o'ntonale.

Levítico 7:28

Ti Diose xi laj yalbe ti Moisés ti c'alal laj sc'opon talele:

Levítico 7:6

Ja' jech xtoc scotol ti paleetique xu' ta sti'beic ti sbec'tale. Ja' no'ox un, tsots sc'oplal ac'o sti'ic ti bu yavil chapanbile, yu'un c'ot ta jun ch'ul matanal.

Levítico 8:30

Laj taj une, jech ti Moisese laj stsac juteb ti jtunel aceitee xchi'uc ti ch'ich' ti oy ta sba ti altare. Laj svijbe xtoc ta sba ti Aarone xchi'uc ti xnich'nabe, c'alal ta sc'u' spoq'uic ta sventa ti paleale. Ja' jech ochic ta tunel yu'un Dios ti Aarone, xchi'uc ti xnich'nabe, xchi'uc scotol ti c'u'iletic sventa paleale.

Números 18:9

Yu'un ti matanaletic ti oy sc'oplal ta xich' svocol ta chiq'uele, oy jch'ac ta xc'ot ta avu'un. Ja' avu'un scotol ti matanal sat ts'unubaletique, ti yan matanaletic ti ta xich' svocol ta scoj ti mulile, mi ja' ti colo'il ti ta xaq'uic ti israeletique. Scotol ti matanaletic taje, ja' ta xc'ot ta avu'un ec xchi'uc ti anich'nabe.

Números 5:9

“Scotol ti jtunel matanaletic ti ta xaq'uic ti israeletic ta stojol ti Dios ti ta xich'ic ac'bel ti palee, ja' ta xc'ot ta yu'un ti palee.

1 Corintios 9:13

Xana'ic lec xtoc ti buch'utic ta x'abtejic ta jtuneletic yu'un ti ch'ulnae, ja' cuxulic o ti c'usi ta x'och talel ta ch'ulnae. Ti xcaltique, ja' ti buch'utic sbainojic ta yaq'uel ti milbil matanal ta sba ti altare, c'otem ta sventaic ta stunesel ta slajesel ti chon bolom ti ta xich' milel ti bu taje.

Deuteronomio 12:11

Va'i un, ti bu ta xlic st'uj ti Ajvalil Dios avu'unic ti ta xc'ot ta sna stuc sventa ti yich'obil ta muq'ue, yu'un ta xtal avac'beic scotol ti xi xa ono'ox s'elan laj xa calboxuc ava'iique: ti milbil chon bolometic ti ta xich' chiq'uel ta sventae, ti jun ta jujun lajlajunebe, ti matanal ti ta xich' ye'el muyel ta stojole, xchi'uc scotol ti c'usitic lec t'ujbil ti ta xaval ti ta xavaq'uic ta stojol ti Diose.

Deuteronomio 12:6

Ti bu taje, ja' ti bu xu' ta xamilic ta xachiq'uic ti chon bolometic sventa yich'obil ta muq'ue. Ti bu taje, ja' me ta xavich'ic batel ti jun ta jujun lajlajunebe, ti matanal ti ta xich' ye'el ta toyole, ti c'usi ta xloc' ta alel ti ta xich' aq'uele, xchi'uc ti c'usi loq'uem ayanem ta o'ntonal ti ta xich' aq'uele, jech c'u cha'al ti sba yoltac ti vacaxetique xchi'uc ti chijetique.

Deuteronomio 18:1

“Scotol snitilultac ti Levi ti ja'ic ti pale levitaetic xcaltique, mu'yuc ta xich'ic sparte osilic jech c'u cha'al ta xich'ic ti jlom israeletique. Yu'un tsots sc'oplal ta sta sve'elic yu'un ta sventa ti milbil matanaletic ti ta xich' ac'bel ti Diose, ti ja' c'otem ta yu'untaque.

Deuteronomio 26:13

C'alal ta xavac'beique, xi xcholet ta xlic aval ta jamal ta stojol ti Ajvalil Dios avu'une: ‘Ja'uc le' une, ti ta jnae, laj jch'ac loq'uel ti c'u yepal albil sc'oplal ti sat ts'unubil ti oy sc'oplal ta xtune. Yu'un laj xa cac'be yich'ic ti levitaetique, ti jyanlumetic ti nacalic ta jlumalcutique, ti buch'u mu'yuc buch'u oy yu'une, ti me'unal antsetique. Yacal ta xc'otilan ta pasel cu'un scotol ti c'u s'elan laj avac' ta na'ele. Mi ja'uc ta jbaj ta jch'ay ta o'ntonal ti amantaltaque.

Hebreos 1:9

Xamuyubaj yu'un ta spasel ti c'usi leque, laj acontrain ti c'usi chopole. Jech o xal ti Diose, ti Dios avu'une, laj st'ujot, yepal no'ox laj yac'bot ti smuyubajel avo'ntone, ja' mu sta xmuyubaj ti achi'iltaque.”

1 Juan 2:20

Ti Cristoe laj xa yac'boxuc avich'ic ti Ch'ul Espíritue, acotolic jamal aba asatic.

1 Juan 2:27

Ja'uc ti vo'oxuque avich'ojic xa ti Ch'ul Espíritu ti laj yac'boxuc ti Cristo yo' jech ventainbiloxuque. Ma'uc tsots sc'oplal oy buch'u ta xaschanubtasoxuc, yu'un ti Ch'ul Espíritu ti laj avich'ic ac'bele, ja' ta xac'boxuc ana'ic scotol. Yu'un ti c'u s'elan ta xac'boxuc ana'ique, ja' melel, ma'uc jutbil. Junuc avo'ntonic cuxianic ta stojol ti Cristoe jech c'u cha'al ta xac' ana'ic ti Ch'ul Espíritue.