Números 18:7 - Bible in Tzotzil de Chamula

⁷ Ja'uc ti c'usi sc'an pasel ta stojol ti altare, xchi'uc ti c'usi sc'an ta spat ti bu lich'il ti muc' ta poc' ta sventa ti paleale, ja' me avabtelic ta xapasic xchi'uc ti anich'nabe. Taje, ja' avabtelic ta sbainel. Yu'un c'ot ta nopel cu'un ti ta xa'abtejic ta paleale. Mi oy buch'u ta x'abtej ta paleal s'elan ti c'alal ma'uc yabtele, chapal sc'oplal ta xich' milel.”

Bible in Tzotzil de Chenalhó with Deuterocanon

⁷ Pero ja' no'ox vo'oxuc achi'uc anich'nab oy ta aventaic li abtel sventa paleal te ta scajleb jmotone xchi'uc li c'usitic tsc'an pasel te ta spat li veloe. Li abtel le'e, ja' no'ox vo'oxuc oy ta aventaic spasel, yu'un vo'oxuc t'ujbiloxuc cu'un sventa cha'ochic ta paleal. Me oy boch'o ch-abtej ta paleal ta yo'nton no'ox stuque, ac'o yich' milel”, x'utat yu'un Muc'ul Dios li Aarone.

Números 18:7 Iomraidhean Croise

Salmos 115:10

Pato avo'ntonic ta stojol ti Diose, paleetic. Ja' ta xiscoltaotic, ta xispojotic.

Éxodo 28:1

“Ti ta scotol ti israeletique, ja' nabano ta atojol ti achi'il ta voq'uel Aarone xchi'uc ti xnich'nabe, ja' ti Nadabe, ti Abiue, ti Eleazare, xchi'uc ti Itamare yo' jech ta xc'otic ta cajpaletac.

Éxodo 29:9

Jech ti Aarone xchi'uc ti stuquique, tsinbo lec ti xchuquique. Ac'bo xtoc ti sts'ot sjolique. Ti jech taje, ta xavac'be yich' tsots yabtelic, yu'un ti abtelal ta paleale, j'ech'el mu xtub yu'unic sc'oplal.

Ezequiel 44:15

“Ti levitaetic snitilultac ti Sadoc ti c'otemic ta paleetique, le'e, xu' xnopajic ta jtojol ta tunel, yu'un staoj yav yac'oj sbaic ta tunel ta jch'ulna c'alal laj yictabeicun comel lequil be ti israeletique. Xu' ta sjelubtasbeicun talel ta jtojol ti xepu'e, xchi'uc xch'ich'el ti c'usi ta xich' svocol ta milele. Vu'un ta xcal mantal ti Ajvalilune.

Ezequiel 44:16

Xu' ta x'ochic talel ta jch'ulna, xnopajic ech'el ta caltar yaq'uel sbaic ta tunel, ta sbainic c'usitic sc'an pasel ta xquile.

Ezequiel 44:8

yu'un lec ta xavilic ti capal ta spasel avu'unic ti jyanlumetique.’

Levítico 16:2

Va'i xtoc un, ti Diose xi laj yalbe ti Moisese: “Albo ya'i ti achi'il ta voq'uel Aarone ti mu me c'uc no'ox ora ta x'och batel ta Bats'i Cuxul Ch'ul Cuarto ti oy ta spat ti muc' ta poq'ue, mi ja'uc ta sts'el smac sti' ti caxae yo' jech mu xchamic, yu'un ta xcac' jba iluc ta toc ti ta sba smaque.

Levítico 7:35

Ja'uc ti matanaletic ti ta xich' chiq'uel ta sventa yich'el ta muc' ti Diose, taje, ja' xa spuculal ti Aarón xchi'uc ti xnich'nabe, ti lic talel c'alal ti t'ujatic yu'un Dios ti c'otic ta yajpaletaque.

Números 1:51

Va'i un, c'alal mi ta sc'an cuchel batele, ja' ta slilinic, ja' ta sva'anic ta ach' xtoc ti bu ta xc'ot alaman abaic ta nacleje. Scotol ti buch'uuc no'ox ta xnopaj batel ta sts'el ti Axibalna ti ma'uc sventainojique, mil xi ya'i yajval.

Números 16:40

Ti va'i s'elan taje, ja' c'ot ta scaj-sbijubtaselic ti israeletic ti mu'yuc buch'u junucal xu' ta xnopajic ta yaq'uel pom ta altar ta stojol ti Dios ti mi ma'uc snitilultac ti Aarone. Yan mi mo'oje, jech ta xc'ot ta stojolic jech c'u cha'al ti Coree xchi'uc ti xchi'iltaque. Scotol jech c'ot ta pasel jech c'u cha'al albat mantal ti Eleazar yu'un ti Dios ta sventa ti Moisese.

Números 18:20

Ti Diose xi laj yalbe ti Aarone: “Ti vo'ote, Aarón, c'ajomal no'ox vu'un avosilun, abanomilun, yu'un ch'abal ti avosil abanomil ta xac'ote. Ja'uc ti yan israeletique, oy yosil sbanomilic une'.

Números 18:3

Yu'un ti stuquique ta xc'otic ta avajtuneltac, ti ta xtunic ta Axibalnae. Ja' no'ox un, mu me xnopajic ech'el ta sts'el ti c'usitic oy ta Axibalnae, ti ta stojol ti altare. Yu'un mi mu jechuque, xu' ta xchamic xchi'uc ta xachamic ec.

Números 3:10

Va'i un, ac'bo comel ta yoc ta sc'ob yabtel ta paleal ti Aarone xchi'uc ti xnich'nabe. Mi oy buch'u ta stic' sba ta abtel ta paleal ti c'alal ma'uque, chapal sc'oplal ta xich' milel.”

Números 3:38

Ti ta yeloval sloq'ueb c'ac'al yu'un ti Axibalnae, ti ja' ta stuq'uil ti Axibalna ti bu nupel ta bee, ja' svol sbaic ta naclej ti Aarone, ti Moisese, xchi'uc xnich'nabtac ti Aarone, ti ja'ic sbainojic ta sq'uelel ti Bats'i Cuxul Ch'ul Cuarto ta sventa ti lum Israele. Mi oy buch'u ta x'abtej ta paleal ti c'alal ma'uc ac'bil yabtele, chapal sc'oplal ta xich' milel.

San Mateo 10:8

Colesic ti jchameletique. Cha'cuxesic ti animaetique. Colesic ti jc'a'emal-chameletique. Taquic loq'uel ti pucujetique. Moton laj cac'boxuc ti jech xu' avu'unique. Mu xac'anbeic stojol.

San Juan 3:27

Xi laj stac' ti Juane: —Mu'yuc c'usi xu' yu'un jun vinic mi ma'uc ac'bil yabtel yu'un ti Diose.

Efesios 3:8

Ta scotol ti buch'u c'otemic ta yu'untac ti Diose, ja' slajeb xa peq'uel ti jc'oplale. Ja'uc ti Diose laj yac'bun cabtel ta yalel ti lequil ach' c'op ta stojol ti jyanlumetique yo' jech ta xcalbe ya'iic sc'oplal ti Cristo ti mu no'ox albajuc yutsilal ti sc'ulejale.

Deuteronomio 18:2

Yu'un mi ja'uc ta xich' xrexto osilic jech c'u cha'al ta xich' ti yan svinquileltaque. Yu'un ti xrextoique, ja' ti c'usitic ta x'ac'bat ti Dios ti jech ono'ox yaloje.

Hebreos 5:4

Yu'un mu'yuc buch'u junucal ta smantal no'ox stuc ta x'och ta banquilal pale, ic'bil t'ujbil yu'un ti Diose yo' ich'bil ta muc' ta xc'ot xchi'uc ti yabtele jech c'u cha'al ti Aarone.

Josué 18:7

Ja'uc ti levitaetic une, mu'yuc ta xich' sparteic. Yu'un c'ajomal no'ox xrextoic ti ta xc'otic ta paleal yu'un ti Diose. Ja'uc ti snitilultac ti Gade, ti Rubene, xchi'uc o'lol jvoc' ti ja' snitilultac ti Manasese, yich'oj xa yosilic ti oy ta stuq'uil sloq'ueb c'ac'al yu'un ti uc'um Jordane, ti ja' ac'batic yu'un ti Moisés ti yajtunel ti Diose.”

1 Pedro 5:2

Jechucoxuc jech c'u cha'al junuc lequil jq'uel-chij ta sq'uelel xchijtac Dios ti ac'biloxuc ta abaique. Ta sjunuluc avo'ntonic, pasic jech c'u cha'al oy ta yo'nton ti Diose, ti ma'uc ta sujele, ti ma'uc no'ox oy ta avo'ntonic ta stsaquel ti taq'uine. Ta yutsiluc avo'ntonic xapas ti avabtelique.

1 Pedro 5:3

Mu xanopic ti ajvalil xa xava'i abaic ta stojol ti chijetic ti abainojic ta sq'uelele. Ja' ta sc'an ti ta xaq'uic persa ta yaq'uel iluc ti c'usi lec ta pasel ta stojol ti chijetique.

1 Samuel 2:28

Ti ta scotol ti jaychop snitilultac ti Israele, laj jt'ujoxuc loq'uel yo' ta xacomic ta cajpaletac, yo' jech ta xavac'beicun chic'bil matanal ta caltar xchi'uc ta xachic'beicun pom, ti alapojic ochel ti luchbil jayal saquil c'u'il ta jtojole. Ma'uc no'ox taje, laj cac' que ta stunesel ti amolmuc'totic scotol ti matanaletic ta xchiq'uic ti israeletic sventa quich'el ta muc' ti vu'un Diosune.