Números 18:5 - Bible in Tzotzil de Chamula

⁵ Yu'un vo'oxuc abainojic ta spasel ti abtel ti c'usi sc'an pasel ta ch'ul cuartoe xchi'uc ti ta altare. Ti mi jech taj une, mu xa soc jol xchi'uc ti israeletic yan veltae.

Bible in Tzotzil de Chenalhó with Deuterocanon

⁵ Vo'oxuc no'ox oy ta aventaic spasel li abtel ta ch'ulna xchi'uc ta scajleb jmotone. Jech mu xi'ilin yan velta ta stojol li achi'iltaquic ta israelale.

Números 18:5 Iomraidhean Croise

1 Crónicas 23:24

Taje, ja' snitilultac ti Levi ti c'u yepalic oyic ta jujuchop ti tsacbat sbiic c'alal ech' ti tsacob-biile, ti c'otemic ta totiletic yu'un jujuchop ti yich'ojic jtob jabile, xchi'uc ti x'ech' xa batele, ti ochemic ta tunel ta ch'ulnae.

1 Crónicas 23:32

Sbainojic ta stuc'ulanel xtoc ti Axibalnae, xchi'uc ti bu nupel ta be xchi'uc ti Diose, ti yac'ojuc no'ox sbaic ta tunel ta ch'ulna ti pasbilic ta mantal yu'un snitilultac ti Aarón ti jmoj svinquilel sbaique.

1 Crónicas 24:5

Ti c'u s'elan sjel stsac sbaic ta x'ochic ta abtel scotolique, laj yich'ic q'uelel ta yorail. Ti c'u yepal snitilultac ti Eleazare, xchi'uc ti c'u yepal snitilultac ti Itamare, oy jlom c'ot yorail yu'un ta sventainel ti c'usitic toj jtunele. Oy jlom c'otemic ta banquilal yajtuneltac ti Diose.

1 Crónicas 9:19

Ti Salum xnich'on ti Coree, xnich'on ti Ebiasafe, xnich'on ti Coree, xchi'uc ti yuts' yalal sbaic ti co'ol coreitaetique, sbainojic ta xchabiel ti ochebal sti' ti bu nupel ta be xchi'uc ti Diose, jech c'u cha'al ech'ic ti smolmuc'totic ta vo'ne ti laj xchabiic ochebal sti' ti Axibalna yu'un ti Diose.

1 Crónicas 9:23

Ti stuquique, xchi'uc ti xnich'nabique, sjel stsac sbaic ta xchabiel ochebal sna ti Diose, ti sbiinoj ch'ulna xcaltique.

1 Crónicas 9:33

Oy jlom jq'uejimoletic xtoc, ti ja' jujuchop totiletic yu'un levitaetic ti nacalic ta sc'olol-c'olol na yu'un ti ch'ulnae, sbainojic yan abtel. C'ajomal no'ox ta xtunic ta c'ac'altic ta ac'ubaltic.

Éxodo 27:21

Jech ti Aarone xchi'uc ti xnich'nabe ta sbainic ta sq'uelel ti lamparaetique yo' jech tsanal sbejel ac'ubal ta stojol Dios ta ch'ul cuarto ti bu nupel ta be xchi'uc Dios ta yeloval ti bu lich'il ti muc' ta poc' ti ja' smacoj ti xcaxail tratee. Ti va'i s'elan taje, ja' jbel ti tsots sc'oplal ti ch'unbil ta xc'ot ti jech ac'o spasic o ti israeletic xchi'uc ti snitilulique.

Jeremías 23:15

“Ti Ajvalilun ti scotol xu' cu'une, jech o xal xi ta xcal ta scontrainelic ti j'alc'opetique: Ch'a ta j'ech'el ma' ti sve'elic ta xcac'beic slajesique, venenoal vo' ta xcac'be yuch'ic. Xchamelic ti j'alc'opetic ta jteclum Jerusalene, tanij xa ta sjunul ti muc' ta lume.”

Ezequiel 44:15

“Ti levitaetic snitilultac ti Sadoc ti c'otemic ta paleetique, le'e, xu' xnopajic ta jtojol ta tunel, yu'un staoj yav yac'oj sbaic ta tunel ta jch'ulna c'alal laj yictabeicun comel lequil be ti israeletique. Xu' ta sjelubtasbeicun talel ta jtojol ti xepu'e, xchi'uc xch'ich'el ti c'usi ta xich' svocol ta milele. Vu'un ta xcal mantal ti Ajvalilune.

Ezequiel 44:16

Xu' ta x'ochic talel ta jch'ulna, xnopajic ech'el ta caltar yaq'uel sbaic ta tunel, ta sbainic c'usitic sc'an pasel ta xquile.

Levítico 10:6

Va'i un, ti Moisese xi laj yalbe ti Aarone xchi'uc ti xnich'nabe, ja'ic ti Eleazare xchi'uc ti Itamare: —Mu me xapasic ti xch'ebuj ajolic yu'une, ti xach'i'ic xa ta jatel ac'u'ic ta yaq'uel ta ilel ti oyoxuc ta me'unale, naca mi xachamic ec, xu' me ta sloq'ues sc'ac'al yo'nton ti Dios ta stojol ti jteclume. Ja'uc no'ox ti avinquilelique xchi'uc scotol ti israeletique, oyicuc ta vul o'nton yu'un ta scoj ti laj stiles c'oc' ta sc'ac'al yo'nton ti Diose.

Levítico 24:3

Ja' ta sbain ta xchapanel ti Aarone yo' jech tsanal o sjunul ac'ubal ta stojol Dios ta Axibalna ti bu ti nupel ta bee, ta spat ti bu lich'il ti muc' ta poc' ta sts'el xcaxail ti tratee. Taje, ta xc'ot ta jbel c'usi albil ti tsots sc'oplal ti na'bil ta xcom o ta atojolique, ti ta x'ech' ta stojolic ti totil me'iletique xchi'uc ti alab nich'nabe.

Zacarías 10:3

Jech o xal xi ta xal ti Diose: “Mu xa sts'ic cu'un ti sti'emal jol yu'un ti jq'uel-chijetique, ta jtsits ya'iic ti buch'utic sbainojic ta svolel ta tsobel ti jteclumale.” Ti Dios ti scotol xu' yu'une, ti Buch'u sbainoj ta sq'uelel ti xchijtac ti ja' snitilultac ti Judae, ja' ta xc'ot ta tsatsaquil ca' yu'un ti ac'-letoe.

Números 1:50

Yu'un ti levitaetique, ja' tsots sc'oplal ta xavac'be sbainic ta yabtelanel ta sq'uelel ti Axibalna yu'un ti tratee, xchi'uc scotol ti c'usitic oy yu'une, xchi'uc ti c'usitic ta xtun ti ja' yu'un ti Axibalnae. Yu'un ja' yabtelic ta sbainic ta yich'el batel ti Axibalnae, xchi'uc ti c'usitic oye, xchi'uc scotol ti c'usitic ta xtune. Ja' jech xtoc ja' yabtelic ti ta sjoy sbaic ta sq'uelel ti Axibalnae.

Números 1:53

Ja'uc ti levitaetique ta sjoy sbaic ta naclej ta spat Axibalna yu'un ti tratee, xchi'uc ta xchabiic yo' jech mu x'ilin ti Dios ta stojol ti israeletique.”

Números 16:46

Va'i un, ti Moisese xi laj yalbe ya'i ti Aarone: —Tsaco talel ti yav avac'ale. Ac'bo yac'alil ti oy ta altare. Ac'bo spomal. Yu'un batan ta anil ti bu volol ti jteclume. C'anbo Dios ti ch'aybatuc ti smul scolo'ique. Yu'un til xa ti sc'ac'al yo'nton Diose. Yu'un ti c'usi chopol ta xc'ot ta pasele, yu'un yacal xa.

Números 18:4

Xu' xaschi'inot ti c'usitic tsots sc'oplal sc'an spasel ta Axibalna ti bu nupel ta bee, xchi'uc scotol ti c'usi jujutos sc'an pasele. Ja' no'ox un, mu me xu' xaschi'inoxuc yan ti mi mu'yuc yich'oj yabtelique.

Números 4:18

“Mu xavac' ave ati' ti ta xtub sts'unubalic jujuchop snitilultac ti Coat ta stojol ti levitaetique.

Números 8:19

Vu'un laj jt'uj loq'uel ti levitaetic ta stojol ti israeletique. Laj cac'be sbain ti Aarón xchi'uc ti xnich'nabe yo' jech ta xc'ot ta q'uexolil yu'unic ti israeletic ti ta xac' sbaic ta tunel ta Axibalna ti bu nupel ta bee, ti ta stabeic talel ti ch'aybil ta xc'ot smulic ti israeletic ta stojol ti Diose. Ti va'i s'elan taj une, yo' jech mu xnopajic batel ti israeletic ta stojol ti ch'ul cuartoe, yo' jech mu'yuc c'usi chopol ta xc'ot ta stojolic.”

Números 8:2

“Albo ya'i ti Aarone, ti c'alal ta sa'anbe yaviltac ti bu ta xcom ti lamparaetique, ac'o yac'be batel xojobal sat ta yeloval ti bu oy ti pajleb cantilae.”

1 Timoteo 1:18

Ta jc'ubanbot ta atojol, Nich'on Timoteo, paso me tsatsal ta spasel ti lequil abtel jech c'u cha'al laj yalic ono'ox ac'oplal ti jch'unolajeletic ti ac'bat sna'ic yu'un ti Diose, ti cuchuc avu'un ti avabtel ta sventa ti c'otem ta avo'nton ta xch'unel ti Cajvaltique, ta sventa ti oyuc slequil stuq'uil ti ajol avo'ntone.

1 Timoteo 3:15

yu'un mi lijalije, xana' xa c'u s'elan sc'an ti ta spasic ti jch'unolajeletic ti c'otem ta yu'untac ti cuxul Diose, ti ja' ta sva'an sbaic ta spojel ti bu ja' melele, yo' mu xyanij ti sc'oplale.

1 Timoteo 5:21

Ta jc'ubanbot ta stojol ti Diose, ta stojol ti Cajvaltic Jesucristoe, xchi'uc ti yaj'ánjeltac ti t'ujbil yu'une, jech me xapas batel ti c'u s'elan laj calbot ava'ie, co'ol xapas ta stojol ti jch'unolajeletique, ma'ucuc ti jeltos avo'ntone.

1 Timoteo 6:20

Timoteo, tuc'ulano, chabio lec ti avabtel la'ac'bat abaine. Mu xats'etan ani' achiquin ta ya'yiel jeche' c'opetic ti mu'yuc yipe. Mi ja'uc xats'etan ani' achiquin ta ya'yibel sc'opic ti buch'utic oy sbijil ta xalic c'alal mu'yuque, ti ja' no'ox ta xcontrainvanique.