Números 18:21 - Bible in Tzotzil de Chamula

²¹ Ti jvoc' levitaetique, ja' xc'ot ta xrextoic cu'un ti c'usitic xloc' x'ayan yu'unic ti israeletic ti tsots sc'oplal ta xaq'uic ti jun ta jujun lajunebe, ti ja' xc'ot ta stojolic ti buch'utic ta xac' sbaic ta tunel ta Axibalna ti bu nupel ta bee.

Bible in Tzotzil de Chenalhó with Deuterocanon

²¹ Li levietique ja' chcac'be yu'uninic li jujun ta lajlajuneb ti chaq'uic li achi'iltaque. Ja' stojolic chc'ot yu'un te chtunic cu'un ta ch'ulna pasbil ta nucul.

Números 18:21 Iomraidhean Croise

Génesis 14:20

Lequil c'optabiluc c'otuc ti Dios ti oy ta toyol ti laj yac' atsal ti avajcontrae.” Va'i ec un, ti Abrame laj yac'be ti Melquisedeque jun ta jujun lajlajuneb ti c'usitic laj sta talele.

Génesis 47:24

Ja' no'ox un, c'u yepal ta xac' sat ti c'usi ta xats'unique, ta xapasic ta vo'ch'ac. Ti jch'aque, ta xavac'beic ti faraone. Yan ti chanch'aque, q'uejic yo' jech ta xats'unbeic sbel ti banomile, ja' to jech ta xata ave'elic xchi'uc ti avalab anich'nabique, xchi'uc scotol ti c'u yepal oy ta atojolique.

Génesis 47:26

Ta sjunlej Egipto, laj yac' jun mantal ti Josee ac'o yac'beic faraón jch'ac ta vo'ch'ac ti c'u yepal ta xloc' ti ts'unubiletique. Ti mantal taje, cuxul to yu'unic avi tanae. Yan ti paleetique mu'yuc c'usi ta xaq'uic jutebuc. Yu'un mu'yuc ochem ta sc'ob faraón ti sbanomilique.

2 Crónicas 31:12

C'alal tsutsem xa une, lic stiq'uic ochel ti patanile, ti jun ta jujun lajlajunebe, xchi'uc ti sbusul bus laj yaq'uic ta sventa ti Diose. Ta sbainel scotol taje, ja' com yu'unic ta banquilal ti levita Conanías sbie. Ti xchi'inel sbaic ta sbainele, ja' com ti Simei ti xchi'il no'ox sbaic ta voq'uele.

Nehemías 10:29

lic svol sbaic xchi'uc ti yuts' yalalique. Ti banquilaletic yu'unique lic yac' yeic ti ta stamic batel ta xch'unel ti oy c'usi jbel tsots albil yu'un ti Dios ti laj yac'be comel ti Moisese, ti ta sjunul yo'ntonic ta xc'ot ta pasel yu'unic scotol ti smantaltaque, ti c'usitic nopbil yu'une, xchi'uc ti oy c'usi jbel tsots albil yu'un ti Dios cu'uncutique.

Nehemías 10:37

Laj jvules ta jolcutic xtoc ta xba cac'cutic ta sq'uejlebtac ti oy ta xch'ulna ti Dios cu'uncutique, ti oy sc'oplal ta xich' ti paleetique, sba sninal ti harinae, sba sat scotol ti lo'bolal te'etique, ti sba pits'elal ya'lel uvae, ti sba smeltsanel aceitee, ta yich'el batel ta stojol levitaetic ti jch'ac ta jujun lajlajuneb ti c'usitic xloc' x'ayan cu'uncutique, ti c'otem ta sbaic ta stsobel jch'ac ta jujun lajlajuneb ti c'usitic ta xloc' ta scotol ti jujusep cosilcutique.

Nehemías 10:38

C'alal ta xbat ti levitaetic ta stsobel talel ti jch'ac ta jujun lajlajunebe, chi'inbil ta xbatic yu'un jun pale snitilul ti Aarone. Ta jech yepal un, ti levitaetique xba yaq'uic ta sq'uejlebtac ti oy ta xch'ulna ti Dios cu'uncutique, ti jujuch'ac ta jujun lajlajuneb ti c'u yepal laj stsobique.

Nehemías 12:44

Ti jech ora ta vo'ne taje, laj sva'anic buch'utic ta sbainic ta sq'uelel yavil ti c'usitic toyol stojol tiq'uile, ti matanaletique, ti sba sat ti ts'unubaletique, ti jun ta jujun lajlajunebe, yo' jech ta stsobic ta sq'uejobil ti c'usitic ta xloc' ta jujusep osile, jech c'u cha'al ta xal ti oy c'usi jbel tsots albil ti ta stunes ti paleetique, xchi'uc ti levitaetique. Ti jnaclejetic ta Judae xmuyubajic no'ox ta stojol ti paleetique xchi'uc ti levitaetic ti oyic ta tunele.

Nehemías 12:47

C'alal yorail cuxul to ox ti Zorobabele, xchi'uc ti Nehemiase, scotol ti Israele jujun c'ac'al ta xaq'uic c'usitic ta xtun yu'unic ti jq'uejimole, ti jchabiej ti'nae. Ta xac'beic xtoc c'u yepal ta xich'ic ti levitaetique. Jech ta spasic xtoc ta stojol snitilultac ti Aarone.

Nehemías 13:12

Scotol Judá lic yich'ic talel ta sq'uejobiltac ti jch'ac ta jujun lajlajuneb c'u yepal ta xloc' ti trigoe, ti vinoe, xchi'uc ti aceitee.

Nehemías 13:5

laj yac'be xch'amun jc'ol muc' ta yut na ti bu ta xich' q'uejel ti matanaletique, ti pome, ti c'usitic jtuneletic meltsanbile, xchi'uc ti jch'ac ta jujun lajlajuneb ti trigoe, ti vinoe, xchi'uc ti aceitee, ti oy sc'oplal ta xich'ic ti levitaetique, ti jq'uejimoletique, ti jchabiej ti'naetique, xchi'uc ti patanetic ta sventa ti paleetique.

Malaquías 2:4

Ja' to jech ta xana'ic ti vu'un laj cal ti mantale yo' jech mu xch'ay ta be ti jtrate laj jpas ta stojol ti Levie.

Malaquías 3:10

Ti jun ta jujun lajlajunebe, ich'ic talel ta sq'uejobil ti oy ta ch'ulnae. Ja' to jech oy lec c'usi ta tunel ta lajesel ti ta jnae. Ac'beicun ta jba, ja' to ta xavilic mi mu'yuc ta jam talel ti vinajele, ti spajeb xa no'ox yutsil ta xvul ta atojolic ti c'uxubinele.

Números 18:6

Yu'un vu'un ta jt'uj loq'uel ti avinquileltac levitaetic ta stojol ti yan israeletique yo' jech ta xc'ot ta avajtuneltac ti c'usi sc'an pasel yu'un ti Axibalna ti bu nupel ta bee.

Números 3:6

“Ic'o talel ti jvoc' snitilultac ti Levie, ti ac'o taluc sva'an sbaic ta stojol ti pale Aarone yo' jech ta xac' sbaic ta tunel yu'un.

Números 31:28

Ma'uc no'ox taje, yu'un xi s'elan sc'an xach'ac loq'uel ti ta xc'ot ta cu'un ec ti c'u yepal ta xich' ti soldadoetique: Jcot ta xaloq'ues ta jujun vo'ob ciento, jech c'u cha'al ti jchuqueletique, ti vacaxe, ti burroe, ti chije.

Gálatas 6:6

Ti buch'u ta xich'ic chanubtasel ta sventa ti lequil ach' c'ope, ti c'usitic oy yu'unique, ac'o xch'acbeic yo' ta scoltaic ti yajchanubtasvanejique.

Deuteronomio 18:8

Ti c'u yepal ta xich' spuculal ti svinquileltaque, ja' jech yepal ta xich' ec. Yu'un mu'yuc no'ox taje, ta me xich'be ti c'u yepal xrexto ti stot ti oy sc'oplale.

Hebreos 7:5

Ja' yu'un un, ta sventa ti oy c'usi tsots sc'oplal albil comel yu'un ti Moisese, ti pale Levitaetique, tsots sc'oplal ta sc'anbeic scotol ti jteclum ti yaq'uicuc ti jujun ta lajlajunebe manchuc mi ja' snitilultac, yuts' yalaltac ti Abraham jech c'u cha'al ti stuquique.