Números 18:19 - Bible in Tzotzil de Chamula

¹⁹ Yu'un scotol matanaletic ti ye'bil laj yich' aq'uel ti laj st'ujbeicun ti israeletique, ta xc'ot ta avu'un ec xchi'uc ti anich'nabe, xchi'uc ti avantsiquil nich'nab ti achi'ucanoj ta nacleje. Taje, ta xc'ot ta jbel c'usi tsots albil ti bejel ta xcom ta j'ech'ele. Ja' jun trate ta xc'ot ta atojolic xchi'uc ti anitilultac ti mu stac' jelel sbatel osil ta j'ech'ele.”

Bible in Tzotzil de Chenalhó with Deuterocanon

¹⁹ Scotol li c'usi chiyac'bicun achi'iltac sventa tstoj o spatanique, ja' vo'ot chacac'bot achi'uc li aquerem atsebetic ti te co'ol nacalot achi'uque. Ja' jech jmantal ta xcom o. Ja' jun c'usi chapal chcom o cu'un ta atojol xchi'uc ta stojol li amomnich'nabtaque. Mu'yuc boch'o xu' ta sjel o”, x'utat yu'un Muc'ul Dios li Aarone.

Números 18:19 Iomraidhean Croise

2 Reyes 12:16

Ma' ti matanal taq'uin ti ta xich' aq'uel ta sventa ti mulil colo'ile, mu'yuc ta xich' ich'el batel ta sventa ti ch'ulnae. C'otem ta yu'unic ti paleetique.

2 Crónicas 13:5

¿Mi yu'un mu xana'ic ya'yel ti mu sutes ye sti' ti Ajvalil Dios yu'un ti Israele? Laj spas jun trate ta stojol ti Davide, ti xquechcun ta x'ech'ic ta ajvalil sbatel osil ti snitilultaque.

2 Crónicas 31:4

Laj yalbe ya'i xtoc ti jnaclejetic nacalic ta Jerusalene, ti yac'beicuc ti paleetique, xchi'uc ti levitaetic ti patanil ta xaq'uic jujune, yo' jech ta xc'ot ta pasel yu'unic scotol ti oy jbel c'usi tsots yaloj ti Diose.

Éxodo 29:27

“Ti spechel sti' yo'nton ti chije, xchi'uc ti sbec'tal yo'tac ti ta xtun ta sventa ti lajesobil o'ntonale, ti ta xich' ye'ilanel ta stojol ti Diose, ja' xa c'ot ta yu'un ti Aarone, xchi'uc ti xnich'nabe.

Ezequiel 43:24

ti ta xac'beicune. Ti paleetic une ta xac'beic yats'mil yo' ta xchiq'uic sventa quich'el ta muc'.

Levítico 2:13

“Scotol matanal ti ja' sat ts'unubile, tsots sc'oplal ac'bo yats'mil. Ma'ucuc me ti asat no'ox aq'ueloj ti mu'yuc yats'mil ti sat ts'unubil ta xavac' ta stojol Dios ti c'alal ja' svinajeb sc'oplal ti tratee. Scotol ti matanaletic avu'une, tsots sc'oplal ti oyuc yats'mile.

Levítico 21:22

Ti buch'u taje, xu' ta sve' ti pan taje, ti c'usi ch'acbile, xchi'uc ti c'usi ts'uiltasbil ta j'ech'ele.

Levítico 7:14

Scotol ti matanale, ta xich' loq'uesel jujuti' yo' ta xich' aq'uel ta stojol ti Diose. Taje, ja' ta xc'ot ta yu'un ti pale ti buch'u laj svij ti ch'ich' yu'un ti chon bolom ti laj yich' svocol ta sventa ti slajesobil o'ntonale.

Números 18:11

“Ja' jech xtoc ti matanaletic ti jelavem stunel ta j'ech'el ti laj yac'beicun ti israeletique, ta xcac'bot avich' xchi'uc ti avalab anich'nab ti oy ta atojole. Taje, bejel ta xcom o ta jbel ti c'usi tsots albile. Buch'uuc no'ox ti avuts' avalal ti mu'yuc soquesoj sbaic xchi'uc jtosuc ti albil sc'oplal ti mu staq'ue, xu' ta sti'ic ec.

Números 18:8

Ti Diose xi laj yalbe ya'i ti Aarone: “Yu'un ta xc'ot ta pasel cu'un ti ta xcac'bot abain ta stuc'ulanel ti matanaletic ti ta xi'ac'bate. Yu'un scotol matanaletic ti c'ot ta t'ujel yu'un ti israeletic ti c'ot ta nopel yu'unic ti ta xac'beicune, ja' ta xc'ot ta avu'un ec xchi'uc ti anich'nabe, ti ja' jun mantal bejel ta xcom ta sbatel osile.

Números 31:29

Va'i un, ta xavac'be ta yoc ta sc'ob ti pale Eleazar ti jpatane.

Números 31:41

Ti matanal ti ja' xc'ot ta sventa ti Diose, ti Moisese laj yac'be jelavel ta stojol ti pale Eleazare, jech c'u cha'al albil ono'ox yu'un ti Diose.

Deuteronomio 12:26

Ja'uc ti c'usitic avalojic xa ti ac'bil ta matanale, xchi'uc ti c'usi avaloj ta xavac' ti ta xc'ot ta pasel avu'une, ich'ic ech'el ta yavil ti bu t'ujbil yu'un ti Diose.

Deuteronomio 12:6

Ti bu taje, ja' ti bu xu' ta xamilic ta xachiq'uic ti chon bolometic sventa yich'obil ta muq'ue. Ti bu taje, ja' me ta xavich'ic batel ti jun ta jujun lajlajunebe, ti matanal ti ta xich' ye'el ta toyole, ti c'usi ta xloc' ta alel ti ta xich' aq'uele, xchi'uc ti c'usi loq'uem ayanem ta o'ntonal ti ta xich' aq'uele, jech c'u cha'al ti sba yoltac ti vacaxetique xchi'uc ti chijetique.