Números 18:16 - Bible in Tzotzil de Chamula

¹⁶ Ti xq'uexolil ti ta stojic comele, ja' o ti c'alal ech'em xa ox jun u svoq'uele, ta xaq'uic vo'sep plata taq'uin, ja' ti c'u s'elan liquem sbisel yu'unic ta ch'ulnae, ti yich'oj buluchib (11) gramo ti yalale.

Bible in Tzotzil de Chenalhó with Deuterocanon

¹⁶ Li taq'uine ja'o ac'o yac' ti c'alal jun xa u svoq'uel li c'usi chac' oxe. Ja' vo' sep saquil taq'uin, buluchib (11) gramo yalal jech chac c'u cha'al yalal chapanbil te ta ch'ulna pasbil ta nucule.

Números 18:16 Iomraidhean Croise

Éxodo 30:13

Scotol ti buch'u bejel lec ta vun ti sbie, ta xaq'uic vo'ob gramo plata ti spatan ta stojol ti Diose, ti ja' o'lol no'ox jech c'u cha'al ti albil sc'oplal yu'unic ta ch'ulnae.

Éxodo 38:24

Scotol ti oro ti tsots sc'oplal ta xtun ta Axibalnae, ja' oroetic ti ac'bat ta smoton ti Diose. Ti laj stsob sba ta scotole, ja' baluneb ciento xchi'uc vo'ob xchanvinic (965) kilo, xchi'uc to lajuneb xcha'vinic (30) gramo, ja' ti c'u s'elan liquem sbisel yu'un ti ch'ulnae.

Ezequiel 45:12

“Ti c'usitic chechbil ta xich' bisele, xi s'elan oye: ti yich'oj jtob (20) gerase, xloc' jun siclo, yich'oj buluchib (11) gramos ti yalale. Ti yich'oj oxvinic (60) sicloe, xloc' jun mina.

Levítico 27:25

“Scotol ti c'u s'elan ta xc'ot ta nopel ta t'unel avu'une, ja' me c'otuc ta sme' avu'un ti sicloe ti yich'oj jtob (20) gerase, ti ja' ta stunesic ta ch'ulnae.

Números 18:15

“Scotol sba xnich'nab ti israeletique, mi ja' ti sba yoltac ti xchon sbolomic ti oy sc'oplal ta xiyac'beique, ta xc'ot ta aventa. Ja' no'ox un, ti sba xnich'nab ti viniquetique, yan xa sc'oplal c'u s'elan ta chapel unbi, yu'un tsots sc'oplal ta stoj comel spojel scolelic ti ja' xc'ot ta q'uexolil yu'unique. Jech ti sba yoltac ti yan chon bolom ti albil sc'oplal ti mu stac' lajesele, yu'un ja' no'ox ta xac'anbe yan xq'uexol ti ac'o yac'bote.

Números 18:17

Yan ti mi ja' ta xac'beic comel yan xq'uexol sba yoltac ti me' vacaxe, ti me' chije, ti me' tentsune, mu xavac' ave ati' yu'un. Taje, yu'un ja' c'otemic ta cu'untac. Tsots sc'oplal ta xamil. Ti xch'ich'ele, ta xamal ta sba altar. Ja'uc ti xepu'ale, ta xachic' ta jun smuil matanal ti ta xc'ot ta jtojole.

Números 3:46

Ja'uc ti sbanquilal xnich'nabtac ti israeletique, ja' bolemic ta j'ech'el, ja' mu sta xnich'nabtac ti levitaetique. Ja' yu'un un, yo' jech ta xich' pojel loq'uel ti oxlajuneb xchanlajunebal vinic (273) ta vo' ti sbanquilal xnich'nabic xchi'uc ti oy to yan xtoque,

Números 3:47

c'anbo vo'sep plata taq'uin ti jujunique, ja' ti c'u s'elan liquem yu'unic ta ch'ulna ti yich'oj buluchib gramo ti yalale.