Números 18:13 - Bible in Tzotzil de Chamula

¹³ Ja' jech xtoc ti sba sat te'etic ti c'usi stac' lo'el ti ta xiyac'beicune, ja' ta xc'ot ta avu'un ec. Buch'uuc no'ox ti avuts' avalal ti mu'yuc soquesoj sbaic xchi'uc jtosuc ti albil sc'oplal ti mu staq'ue, xu' ta stun slajes ec.

Bible in Tzotzil de Chenalhó with Deuterocanon

¹³ Scotol li sba sat c'usi chloc' yu'unic achi'iltac ti chiyac'bicun jmotonine, ja' avu'unic. Boch'ouc no'ox avalab anich'nab ti lecubtasbilique xu' tsve'ic.

Números 18:13 Iomraidhean Croise

2 Reyes 4:42

Laj taj une, c'ot jun vinic ti liquel ech'el ta Baal-salisá ti yich'ojbe ech'el jtob ta bej pan ti Eliseo ti meltsanbil ta jchop o trigo ti ja' to no'ox ta'ajem ech'ele, xchi'uc yaxal trigo ti tiq'uil ech'el ta snuti'e. Ti Eliseoe xi laj yalbe mantal ti smosove: —Ac'bo sve'ic ti c'u yepal li' oyique.

2 Crónicas 31:5

C'alal puc batel ti mantal une, ti israeletique, ta sjunul yo'ntonic, laj yaq'uic ti t'ujbil lequil trigoe, ti vinoe, ti aceitee, ti ajapome, xchi'uc scotol ti c'usitic xloc' x'ayan yu'unic ta yosilique. Yepal no'ox ta j'ech'el laj yaq'uic ti jun ta jujun lajlajuneb ti c'usitic xloc' x'ayan yu'unique.

Éxodo 22:29

“Mu xajaliltas ta yich'el talel ta jmoton scotol sba sat ti c'usitic ta xloc' x'ayan avu'une, xchi'uc ti vinoe. “Ac'bun yo' ta xc'ot ta cu'un ti sba anich'one.

Éxodo 23:19

“Ti slequilal sba sat ti c'usitic ch'i ta abanomile, tsots sc'oplal ta xavich' batel ta xch'ulna ti Ajvalil ti ja' Dios avu'une. “Mu me capaluc ta ya'lel xchu' sme' ta xalacan ti ch'in tentsune.

Éxodo 34:26

“Tsots sc'oplal ta xavich'ic batel ta xch'ulna Ajvalil Dios avu'unic ti sba sat ti ats'unubalic ti bu jun yutsiquil ta xaq'ue. “Mu xacapic ta lacanel ta ya'lel xchu' sme' ti ch'iom tot tentsunetique.”

Jeremías 24:2

Ti jun moche, lequil sat icux tiq'uil ti yich'oj xa lec sta'ajemale. Yan ti june, naca chopol icuxetic tiq'uil, spajeb chopol, mi ja'uc xal o'ntonal ta slajesel.

Ezequiel 44:30

Ti paleetique oy ta sventaic ta yich'el ti lequil sba sat ts'unubale, xchi'uc scotol ti yan matanaletique. C'alal ta xachapanic ta svots'el ti pane, ta xich' avu'unic ti bu lec t'ujbile. Ti c'uxubinel yu'un ti jlequil cutsilale, snojel no'ox oy ta ana ac'ulebic.

Oseas 9:10

Ti Diose xi ta xale: “C'alal laj jta ta sa'el ti Israele, ximuyubaj xa yu'un, co'ol s'elan jech c'u cha'al ti buch'u oy sat ta sta ti uva ta sbajtical banomile. Ti atot ame'ic ta vo'nee, laj quil ta jba ta jsat ti co'ol s'elanic icux ti sob no'ox ta xac' ti sate. Le' une, c'alal c'otic ta Baal-peore, lic yac' sbaic ta tunel ta stojol ti c'usitic va'anbil ta diosetique. Bajbil tenbil c'otic jech c'u cha'al ti sdiosic ti batem yo'nton xchi'uquique.

Levítico 22:7

Yu'un ja' to pocbil tusbil ta xc'ot mi ch'ay xa batel ti c'ac'ale. Mi laj taj une, xu' xa ta slajes stunes ti c'usitic ts'uiltasbile, yu'un ja' yipanoj.

Levítico 23:17

Ma'uc no'ox taje, ti ta anaique, ich'ic batel cha'bejuc pan ti yich'oj nopol chanibuc kilo ti jujubej ti pasbil ta lequil harina ti yich'oj spajubtasobil ti ta'ajesbile, ti ja' jtunel matanal sba sat ts'unubil ti ta xich' aq'uel ta stojol ti Diose.

Miqueas 7:1

Mu xa ono'ox cha'belun un, co'ol xa j'elan jech c'u cha'al junuc jc'uxc'ulajel ti ta xcha'tsob ti c'usi laj xa yich' tsobele, mi ja'uc ta sta ta c'uxc'ultael ti uvae, mi ja'uc ti icuxe c'alal juteb ta yo'nton ta slo' ya'ie.

Deuteronomio 18:4

Ma'uc no'ox taje, ta xich' xtoc ti sba sat trigoe, ti vinoe, ti aceitee, ti tsotsil chijetic ti sba to ta xich' loq'uele.

Deuteronomio 26:2

ti sba sat ti ts'unubal ti loc' ayan ta banomile, ich'ic batel ta junuc alcu moch ta yavil ti bu t'ujbil yu'un ti Ajvalil Dios avu'unic ti staobil ta na'ele.