Números 18:12 - Bible in Tzotzil de Chamula

¹² Ja' jech xtoc ta xcac'bot avich' ti sba sat ts'unubil ti xi s'elan sc'oplal ta xiyac'beic jujun jabil ti israeletique, ja' ti lequil t'ujbil aceitee, ti lequil t'ujbil vinoe, xchi'uc ti lequil t'ujbil trigoe.

Bible in Tzotzil de Chenalhó with Deuterocanon

¹² Jech noxtoc li sba sat c'usi chloc' yu'unic li achi'iltac ti chiyich'bicun tal ta jujun jabile, xchi'uc li aceite ti ven lequic oy yu'unique, li ya'lel ts'usube, xchi'uc li trigoe, vo'ot chacac'bot scotol.

Números 18:12 Iomraidhean Croise

Génesis 27:28

Ti Diose, ac'o yac'bot talel vo' ta vinajel, ac'o yac'bot ata lec ti c'usitic xloc' x'ayan ta banomile, ti mu no'ox albajuc yepal ti trigo xchi'uc ti vinoe.

2 Reyes 4:42

Laj taj une, c'ot jun vinic ti liquel ech'el ta Baal-salisá ti yich'ojbe ech'el jtob ta bej pan ti Eliseo ti meltsanbil ta jchop o trigo ti ja' to no'ox ta'ajem ech'ele, xchi'uc yaxal trigo ti tiq'uil ech'el ta snuti'e. Ti Eliseoe xi laj yalbe mantal ti smosove: —Ac'bo sve'ic ti c'u yepal li' oyique.

2 Crónicas 31:5

C'alal puc batel ti mantal une, ti israeletique, ta sjunul yo'ntonic, laj yaq'uic ti t'ujbil lequil trigoe, ti vinoe, ti aceitee, ti ajapome, xchi'uc scotol ti c'usitic xloc' x'ayan yu'unic ta yosilique. Yepal no'ox ta j'ech'el laj yaq'uic ti jun ta jujun lajlajuneb ti c'usitic xloc' x'ayan yu'unique.

Salmos 147:14

Ta slamajes c'op ti bu c'alal ta xpaj talel ti avosilale, ta xac'bot ave' alajes ti lequil trigoe.

Salmos 81:16

Ta jun lequil trigo, ta smalq'uinan steclumal ma' ti Dios unbi; ta staic ti ts'ajal xa yo'ntonic yu'un ti te'tical ajapome.

Éxodo 22:29

“Mu xajaliltas ta yich'el talel ta jmoton scotol sba sat ti c'usitic ta xloc' x'ayan avu'une, xchi'uc ti vinoe. “Ac'bun yo' ta xc'ot ta cu'un ti sba anich'one.

Éxodo 23:19

“Ti slequilal sba sat ti c'usitic ch'i ta abanomile, tsots sc'oplal ta xavich' batel ta xch'ulna ti Ajvalil ti ja' Dios avu'une. “Mu me capaluc ta ya'lel xchu' sme' ta xalacan ti ch'in tentsune.

Éxodo 34:26

“Tsots sc'oplal ta xavich'ic batel ta xch'ulna Ajvalil Dios avu'unic ti sba sat ti ats'unubalic ti bu jun yutsiquil ta xaq'ue. “Mu xacapic ta lacanel ta ya'lel xchu' sme' ti ch'iom tot tentsunetique.”

Ezequiel 44:30

Ti paleetique oy ta sventaic ta yich'el ti lequil sba sat ts'unubale, xchi'uc scotol ti yan matanaletique. C'alal ta xachapanic ta svots'el ti pane, ta xich' avu'unic ti bu lec t'ujbile. Ti c'uxubinel yu'un ti jlequil cutsilale, snojel no'ox oy ta ana ac'ulebic.

Levítico 2:12

Pisil une, xu' xavaq'uic ta smoton Dios ti yich'oj ti spajubtasobile, ti ajapome jech c'u cha'al sc'oplal ti sba sat ts'unubile, ja' no'ox un, mu spas ta xich' chiq'uel ta sba ti altar ti jun yutsil smuile.

Levítico 2:14

“Mi ja' ta xavac' ta matanal ta stojol Dios ti sba sat ats'unube, ta sc'an ti staoj xa lec syijil ti sjole, ti bacubtasbil ta c'oq'ue, ti ja' jun sba sat ach' ts'unubil ti chevbil ta voch'ele.

Levítico 23:17

Ma'uc no'ox taje, ti ta anaique, ich'ic batel cha'bejuc pan ti yich'oj nopol chanibuc kilo ti jujubej ti pasbil ta lequil harina ti yich'oj spajubtasobil ti ta'ajesbile, ti ja' jtunel matanal sba sat ts'unubil ti ta xich' aq'uel ta stojol ti Diose.

Levítico 23:20

Va'i un, ti palee ta xac' jelavel ti chon bolometic ti ta xc'ot ta jtunel matanaletic ta stojol ti Diose, jmoj xchi'uc ti pan ti ja' sba sat ts'unubile, xchi'uc ti cha'cot chije, ti ja' bevbil ta yu'untac Dios yo' ta xich' ti palee.

Deuteronomio 18:3

“Xi s'elan ti tsots sc'oplal ta stunesic ti paleetic ti c'otem ta sbaic ta xich'ic ta sventa ti milbil tot vacaxe, xchi'uc ti ch'iom chij ti ta xaq'uic ta stojol Dios ti jteclume: ja' ti xpech-pechul sbaquil snequebe, sjoylej ti sbaquil yolon yee, xchi'uc ti stsucute.

Deuteronomio 18:4

Ma'uc no'ox taje, ta xich' xtoc ti sba sat trigoe, ti vinoe, ti aceitee, ti tsotsil chijetic ti sba to ta xich' loq'uele.

Deuteronomio 26:2

ti sba sat ti ts'unubal ti loc' ayan ta banomile, ich'ic batel ta junuc alcu moch ta yavil ti bu t'ujbil yu'un ti Ajvalil Dios avu'unic ti staobil ta na'ele.

Deuteronomio 32:14

Oy lec ya'lel xchu' ti xvacaxique, ti lec tot ta j'ech'ele; jun yutsiquil ti ch'iom chijetic laj sti'ique, ja' ti xchijtac ti Basane xchi'uc ti tot tentsunetique. Jun yutsiquil ti sat trigo laj stun laj slajesique; laj yuch'ic ti vinoe, ti co'ol s'elan ch'ich' stsajal ti sat uvae.