Números 17:7 - Bible in Tzotzil de Chamula

⁷ Jech ti Moisese laj yac' ti namte'iletic ta stojol ti Dios ta Axibalna yu'un ti tratee.

Bible in Tzotzil de Chenalhó with Deuterocanon

⁷ Li Moisese te bat yac' ta stojol Muc'ul Dios ta yut ch'ulna pasbil ta nucul li namte'aletique.

Números 17:7 Iomraidhean Croise

Éxodo 38:21

Ta sventa smantal ti Moisese, ja' c'ot ta jtojobtasvanej ti Itamar ti ja' xnich'on ti pale Aarone. Jech o xal ti levitaetique ta sva'an sbaic ta xchapanel ti taq'uinetic ti ta xtun ta sva'anel ti Axibalna yu'un ti tratee.

Números 1:50

Yu'un ti levitaetique, ja' tsots sc'oplal ta xavac'be sbainic ta yabtelanel ta sq'uelel ti Axibalna yu'un ti tratee, xchi'uc scotol ti c'usitic oy yu'une, xchi'uc ti c'usitic ta xtun ti ja' yu'un ti Axibalnae. Yu'un ja' yabtelic ta sbainic ta yich'el batel ti Axibalnae, xchi'uc ti c'usitic oye, xchi'uc scotol ti c'usitic ta xtune. Ja' jech xtoc ja' yabtelic ti ta sjoy sbaic ta sq'uelel ti Axibalnae.

Números 1:53

Ja'uc ti levitaetique ta sjoy sbaic ta naclej ta spat Axibalna yu'un ti tratee, xchi'uc ta xchabiic yo' jech mu x'ilin ti Dios ta stojol ti israeletique.”

Números 14:10

Ac'o mi jech taj une, ti jnaclejetique ja' xa no'ox ta spujic ya'iic ton ta j'ech'el. Ja' yu'un un, ti c'alal jech taje, laj svinajes yutsil slequilal ti Dios ta sba ta satic scotol ti israeletic ta Axibalna ti bu nupel ta bee.

Números 17:4

Ta xatic' ochel ta Axibalna ti bu nupel ta be ta yeloval xcaxail ti tratee, ja' ti bu ta xcac' jba iluc ta atojolique.

Números 17:6

Ti va'i s'elan taje, jech ono'ox laj yal ti Moisés ta stojol ti israeletique. Jech laj yac'be jujun snamte'ic ti banquilaletic yu'unic ti jujuvoq'ue, ti c'ot ta tsobel ta lajcheb (12) namte'il ta scotole. Ta scotol ti va'i yepal taje, tey oy xtoc snamte' ti Aarone.

Números 18:2

Yu'un c'otuc ta pasel avu'un ti ac'o xa scoltaot ta abtel xchi'uc anich'nabe ti jvoc' snitilul ti Levi ti ja' ats'unubaltac ti c'usi sc'an pasel ta stojol ti Axibalna yu'un ti tratee.

Números 9:15

Ti sc'ac'alil c'alal laj sva'anic ti ch'ulnae, ti xcaltique, ja' ti Axibalna yu'un ti tratee, volibil c'ot ta toc. Ta sba ti ch'ulnae, vinaj ta smalil c'ac'al jun c'oc' s'elan ti ja' jech yich'oj o sacube.

Hechos 7:44

“Ti jmolmuc'totic c'alal oyic ta sbajtical banomile, yich'ojic batel ti xcaxail trate ta ch'ulna ti meltsanbil ta nucule, ti co'ol laj smeltsan ti Moisés jech c'u cha'al ac'bat yil yu'un ti Diose.